بنات استراليا ممكن خدمة....بدعي لكل وحدة ترد علي

والله ماعندهم شي يوجب رفعه كلها اللهم لك الحمد والله بلادنا فيها كل شي سواء ملابس او اواني او اكسسوار او اثاث والمورد واحد عندنا وعندهم الصين بس احنا عندنا ذوق وهم ياكافي

وعععععععععععععععععع اشين شي عندهم اسواقهم تغث وتجيب الموووت وملااابسهم من سنة جدي :(

ماانصحك تهتمي بالتسوق في استراليا اغلب محلاتها الزينه عندنا بالرياض احسن وارخص مع ان اسواقهم كثيره مره ممكن تلقين اشياء عندهم غريبه مثل سفر الاكل حلوه وملونه الوانها حلوه مفارش غرف الاطفال للسرير مميزه تلقينها بتارقت وسفر الطعام الحلوه بتارقت وماير اما ملابس موذاك الزود ابدا .

مغتربة عن بلادي...دفاية كهرب....لهلوبة....يالله يارب يوفقكم وينور عليكم وييسر لكم اموركم ويرزقكم المال والبنون والزوج الحنون ويحفظكم من كل مكروة ومن كل شر ويحفظ كل من تحبون وتعزون ويحفظ كل المسلمين...ويهديكم ويحسن خاتمتكم وخاتمة احبابكم وكل المسلمين......
الف شكر لكم على الرد والله يجزاكم خير
بس ضيقتو صدري يوم قلتو بضاعتها مخيسة وتحوم الكبد....وانا على بالي بسافر لها وبجيب منها اشياء جديدة وغريبة وحلوة بس حساااااااااافة
مشكلة اسواق الرياض معروفة وانا ابغى شي جديد على مجتمعي.....

اختي لهلوبة::::تارقت ومايرهذي وين باستراليا...سيدني ولاملبورن ولا قولد كوست....
وعطيني الله يعافيك تفاصيل اكثر عنها...
طيب مدينة كيرنز وش رايكم فيها...تصلح للسياحة العائلية.....
وطيب ايش احلى استراليا ولانيوز لندا...من ناحية الجمال والتسوق.....يعني اسواق استراليا زي اسواق نيوزلندا....

اختي والله البنات صادقين تصدقين اننا نتوهق اذا جينا نعود للسعودية مافيه شئ ينلبس تفشل مرة والزين منه موجود عندنا يعني التسوق موب جايز لك مرة بالنسبة لماير وتارقت هذي في كل انحاء استراليا موجودة وفروعها متعددة ماير يمكن احسن شئ وغالي شوي وفيه كمان ديفيد جونز
بالنسبة للجمال والله ماشفت نيوزيلاندا بس اظن انها اجمل والله اعلم "ادعي لي تكفين وجزاك الله خير"
انت جاية سياحة؟