بنات اسريلاك حقت اربعه اشهور كيف طريقته تكفون ادخلو ابغ اعرف بس

ماينصحون بالسيريلاك من عمر 4 شهور

بدايه اكل السيريلاك 6 شهور وفوق وتلاحظين ان شركه سيريلاك غيرت نظامها الغذائي من فتره

يعني ما ستخدمه لحين بس انا شريته والله

الافضل بعد 6 شهور والمفروض تاخذي اللي بالقمح صافي وممكن تحطيه مع الرضعة بس انا ما اجرب هذي الطريقة مع بناتي وممكن تخليه وجبه لوحده
اقولك على حاجه كنت اسويها لبنوتتي مرة حلوة وتحبها كثييييييييييير اسمها بورية التفاح طريقته
اجيب التفاحة واغسلها كويس واقشرها واسلقها بشوية موية لين تلين وبعدين اصفيها واطحنها كويييييييييس
بس الافضل انك تطبخي التفاح على البخار وهذا الشي تعلمته بعد ماكبرت بنتي كنت اطحن اكل بنتي في الفرامة دي الطويله مخصصة لاكلها بس

اممممم .... اختلفت الاراء حول مسالة اطعام الطفل .. في اللي يقول من الشهر الرابع .... و في من يقول السادس

وانا صراحة بدات مع بنتي من

من

من











الرااااااااااااااااااااااااااااابع


لفيت منتديات كثير و خصوصا الاجنبية و دخلت افضلها المتخصصة باطعام الطفل ... و لقيت معلومة مفادها ان منظمة الصحة الامريكية تفضل اطعام الطفل من السادس ..... و البريطانية من الرابع

يعني باذن الله مافي ضرر ... بشرط .... تعرفي الاطعمة المخصصه و المسموحه من الشهر الرابع تحديدا و باذن الله ما تاثر على الطفل

راح اشرحلك عنها .... بس اول راح اعلمك عن سيريلاك الصحة

شوفي ياقلبي ..... سيريلاك الصحة بالارز نوعين ..... نوع مخلوط مسبقا بالحليب وانتي لمن تسوينه تضيفين له ماء فقط ولا ينفع يضاف للرضعة مع الحليب لانك بكذا تغير التركيب و التركيز و ممكن يسبب امساك و اضطرابات هضمية للطفل

افضل كم ملعقة بسيطة منه خصوصا ان تو تاكلين طفلك ومعدته لسه صغيرة فتبداي بكميات صغيرة ... الافضل مقدار فنجان القهوة اول يومين او 3 ..... بعدين كل يومين تزيدين ملعقة وهكذا ..

حطي منه كمية بسيطة و فوقها شوي موية صحة فاترة ... مو حارة تغلي ولا باردة ثلج .... لا ... نفس حرارة الجسم

و اخلطيه لحد ما يطلع بقوام شبيه بالدانيت او الزبادي المخلوط ..... قوام خفييييف ... و سندي البيبي على مخدة مرتفعة ظهرة و رقبته بجلسة مريحة و اكلية شوي شوي بالملعقة وعوافي على قلبه .



النوع الثاني من سيريلاك الصحة بالارز ..... عليه علامة حمراء ومكتوب يحضر باستخدام الحليب ..... يعني مافيه حليب من قبل داخل في تصنيعه .... لا .... احنا نضيف له من حليب الطفل لمن نجي نخلطه ...... يعني تحضري رضعة الطفل كالمعتاد بنفس المقادير من حيث عدد ملاعق الحليب وكمية الماء ..... و بعدين بصحن تضيفي شوي شوي من السيرلاك للحليب وتخلطيه لنفس القوام السابق ... خفيف وتعطي الطفل


عن نفسي حبيت النوع الثاني اكثر ..... اللي هو بدون حليب .... لاني كنت اضيف ملعقة او 2 للرضعه مع الحليب و ارجها زييين و ياخذها الطفل في الرضاعة عادي .... بس راعي تكون فتحة المصاصة مناسبة و مقاسها لارج (كبير ) عشان ما يسد السيرلاك الفتحة و يضايق الطفل ....





نرجع للوجبات غير السيرلاك و المناسبة من عمر 4 شهور
القرع الامريكي (شكل الجره ) مسلوق او بالبخار
التفاح مسلوق / بخار
الافوكادو بدون طبخ .... حلو ويسمن لكنه دسم افضل من الخامس او السادس و بتشوفي صحة البيبي كيف تصير
الارز .... خذي المصري او ابو كاس ..... اطحنية وهو لسه ني بالمطحنة الكهربائية لحد ما يصير بودرة وبعدين اسلقية مع الماء و اعطية للطفل .... طبعا اي اكل تسوينه لا تضيفين لا سكر ..... و لاسكر نبات ... و لا عسل ... و لا ملح ..... كلها تضر كلى الطفل قبل السنة وجسمه ما يتحمل تصريفها و تشكل على الكليتين بالذات عبئ...... الطفل ما يقدر يميز الطعم وعلى حسب ما تعودينه

انتبهي .... كل شي تهرسيه بالخلاط فاكهة او خضار ...... وممكن تخففي القوام بالموية او تثقليه لو فرط منك بالسيريلاك ( الصحة رز بدون حليب )او بسكوت ميلوبا من 4 شهور


تاكيل الطفل من الرابع اسهل من السادس ..... بالسادس يكون اكبر متشرط ويميز شوي ..... غير كذا تكون كمية اكله قليلة مقارنة بطفل بدا ياكل من الرابع ..... بتلاقية ممكن يكون وصل لكمية طعام هي نفس كمية الرضاعة اللي بياخذها ..... لو 120 مل حليب يرضعهم ...... بيصير يقدر ياكل 120 مل سيريلاك ... تقريبا 4 ( اونصات - ارقام ) يعني حوالي اربع ملاعق كبار

لو صعب عليكي شي ..... راسليني بالخاص
ما ارجع لمواضيعي بسبة هالصيانة الي بلشتنا فيها ادارة الموقع

لا عادي اختى تعطي ولدها سيرلاك من اربع شهور اللي بالرز تحط تقريبا ملعقه كبيره منه في كاس صغير عليه اربع او خمس ملاعق مويه يكون سايل وتعطيه ولدها توكله بالملعقه ما تحطه مع الحليب