بنات اشك ان بنتي تعرضت لتحرش ابغى نصايح

السلام عليكم


انا معي بنت 5 سنين ماشاء الله جذابه و معها محاسن بجسمها مو دبدوه بس حتى جسمها جذاب


المهم صار لي تقريباً اسبوعين الاحظ انها دايم تجلس بزاويا الاشياء سواء كنب او كرسي او طاوله وتحك بنفسها


واذا جت تجلس على رجولي تجلس على ركبتي ودايم امنعها عن هالجلوس


المهم وقبل يومين لاحظتها مدخله يدها بسروالها


طبعاً كانت وقتها تشاهد تلفزيون انا طفيت التلفزيون وجلست اسولف وياها بشكل عادي ان ليش تدخلي يدك بسروالك قالت ابغى ادخل صبعي
قلت لها ليش مين يسوي كذا ضلت تضيع الموضوع
قلت لها في احد سوا لك كذا
قالت لا
قلت مين يسوي كذا طيب
ضلت تضيع الموضوع
بعدين قلت لها حرام ندخل اليد كذا عيب هذا المكان حرام مانلمسه الا اذا بنتطهر لما ندخل الحمام و ماحد يلمسها ابد غيرك انتي وبس وقت تتنظفي و ماحد يشوفها وان ربنا يشوفنا ومايرضى نسوي كذا وذكرت لها الجنة و النار بشكل مبسط
المشكله لسان بنتي ثقيل مررره يعني ماتعرف توصل لي معلومه مفيده ولا تعرف اسماء الاشخاص ما تحفظ الاسماء ولا تسأل اسمائهم وهذا الي موترني ان لو احد ضرها مابتعرف توصل لي المعلومه ومنقهره مره
طبعاً
بنتي والله والله ماتغيب من عيني ابد ابد غير فقط بالروضه
وانا خايفه مره اقول اما تعرضت لتحرش من طفل بالروضه لان في اطفال يتحرشو بسبب انهم هم تعرضو لتحرش
و وسوست بسواق الباص بس ماعندي دليل ولا مبين عليه
انا منقهره مررره ان زوجي حالياً مو موجود و انا محتاره شسوي مع بنتي طبعاً ماعندي اطفال غيرها هي واختها اصغر منها بسنتين
و والله محافظه عليها مره حتى تحت المريول اللبسها سروال طويل استرتش لتحت الركبة
ودايم انبهها وقت الحمام تسكر الباب وراها
بس بنتي تقهرررر برائتها فضيعه وتثق بكل الناس وماتخاف من احد ولا من الغرباء والي موترني انها تجذب الرجال بشكل لانها دلوعه بعد
يعني حتى رجال عايلتنا يموتون عليها بس والله ما ارضى تصير مع احد حتى عمانها و خوالها ابد ابد لاني وسواسيه من هالناحية
المهم بعد ماسويت لها محاضرة اليوم سوت حركه غلط
راحت على زاوية الطاوله وسوت الحركة
رحت زي المجنونه ضربتها ورى و هددتها بحرقها اذا ما تابت عن هالحركة لاني مو عارفه شلون افهمها ان عيب هالحركات وادور بالنت مالقيت شي ينفعني
لاني عارفه انها تحس بدغدغه بس مابغى يكبر الموضوع معها
ولازم هي تكون حريصه على نفسها وتفهم هالامور شلون اوصل لها الفكرة وهي من النوع البريئ مررره وكلامها ثقيل وتعبيرها بسيط
ساعدووني تكفون يا امهات


وادعو لبناتي ربي يحفظهم من شياطين الجن و الانس و شرار خلقه ويستر عليهم والله والله شايله هالهم اموت انا ولا يصير لهم كذا ولو تأكدت ان في احد متحرش فيها يمكن اروح اشب فيه حريقه بنفسي