اخواتي العزيزات ماخاب من استشار ولا ندم من استخار
من هذا المنطلق ساكتب مشكلتي وان كنت متردده قليلا في سردها
القضيه ومافيها ان زوجي له ثلاث شهور ينام في المجلس بعيد عن غرفة النوم
ولما اساله عن السبب يقولي ان الفراش حق السرير مو طبي
قلتله مو عذر اشتري فراش طبي بدل النوم لوحدك في الجلس قال طيب ولنا فتره لا اشترى ولا نام في الغرفه
وكل مره اساله عن السبب يرد نفس الاجابه
لكن انا اشعر ان في شي لكنه لم يفصح عنه
الشيء الثاني انه حتى المعاشره له شهر مايجيني :35:
يمكن بتقولون انت السبب
مايرجع من العمل الا انا متشيكه ولابسه
غرفة النوم غيرت فيها المفارش والاكسسوارت سويت تغيير عشان اجذبه لها لكن مافي فايده
كما انني قبل النوم اتزين واتشيك والبس قميص نوم
حتى الفتره الاخيره كل مصروفي بس حطيته لغرفة النوم وللملابس حقت النوم والمكياج
حتى هو لاحظ لكن ماعلق
تعبت وبدات اطنش الموضوع لكن طبعا مااهملت نفسي لاني طبعي ماحب يشوفني مبهذله مهما كان
بنات ممكن يكون يحب
حتى العصريه اللي كنا نجلس فيها نتقهوى مع بعض صار يتهرب للنوم من القعده معي
صار وقته بعيد في ذا المجلس اما نوم او ينسدح فيه اروح له احيانا بالقهوه ويقولي روحي الصاله باجي اتقهوى هناك
جلست فتره اطارد فيه لكن مليت من هذه العيشه والله ماكاني وحدة متزوجه
عندي من الاولاد 4 ولله الحمد
وعمري 36
يعني لسى في مقتبل عمرنا ولكن لا ادري مابداخله
حاولت اساله ابين له انه متغير يقلي مكبره الموضوع
الين صرت مطنشه
لكن ماني مرتاحه
بنات اذا كنتم في مكاني كل وحدة تقلي ايش بتسوي
رعود الجنوب @raaod_algnob
محررة ماسية
يلزم عليك تسجيل الدخول أولًا لكتابة تعليق.
الله يعينك بصراحه قهر
والله لو انا منك لجيب فراشي واروح انام معه ماخليه لوحدة بعدين يتعود
وربي يسخره لك ويبعد عنه بنات الحرام
والله لو انا منك لجيب فراشي واروح انام معه ماخليه لوحدة بعدين يتعود
وربي يسخره لك ويبعد عنه بنات الحرام
اوطان
•
الله يفرج ما بك من كرب وهم ويكون في عونك ويسخر لك زوجك
والله حطيت نفسي مكانك لكن ما لقيت لك حل ولا عرفت شلون بأتصرف لكن إن شاء الله الخوات مابيقصروا بالنصيحة وأنتي عليك الدعاء والاستغفار وحولي الموضوع ما يطول عن كذا الله يكون في عونك
والله حطيت نفسي مكانك لكن ما لقيت لك حل ولا عرفت شلون بأتصرف لكن إن شاء الله الخوات مابيقصروا بالنصيحة وأنتي عليك الدعاء والاستغفار وحولي الموضوع ما يطول عن كذا الله يكون في عونك
الصفحة الأخيرة
ابعدي عنك الشكوك ,,
وحااولي ان تتقربي منه ومن همومه ناقشيه وشااركيه ..اعرفي ما يعاانيه من مشاكل فقد تكوني لا تعلمي مابدااخله
اما انه يبتعد عنك شهرر فهذا طبيعي جداا..