الله يغنيك ويجبرك ويعوضك عن كل هالوجع
سوي اللي يريحك وماعليك من احد
وقبل كل شي استخيري
وكثري من قول لاحول ولاقوة الا بالله
ودايماً ذكري نفسك انك تجاوزتي حزنك الاول وبتتجاوزين هذا
مثل ماقلتي مايستاهل دمعه قوي قلبك وخليك اقوى منهم لايبين عليك الحزن
وعلشان تقدرين تتجاهلين زوجك اعتبريه طفل عنيد مايحسب حساب الكلمه واناني مثل الاطفال مايحب الا نفسه ولاتشرهين على شي يجي منه
الله يقويك وينصرك
وتجين تبشرينا بشارة خير يارب

اذا انتي مانحبينه وكارهته ليش وجوده معها يعتبر تعذيب لك
تبين شوري
لاتستاجرين الاجار يكسر الظهر ماراح تقدرين تبنين اذا تبغين
اجلسي ببيتك وابني على مهلك وهو لاتعطينه وجه ابد اعتبريه مو موجود لا هو ولا زوجته البيت بيتك طالمي انتي فيه وكلمتك هي الي ماشيه فيه
ان جينا للي وضعه شين فهو وضعها جالسه ببيت ضرتها بالملحق يعني بيت خاص فيها مالها انتي لك السعه وهي لها الضيق ليش تبين تقلبين الموازين وتخلين لك الضيق ولها السعه
لاتصيرين ضعيفه بمسمى ترتاحين تهربين ترى انتي صاحبة الحق وصاحب الحق ملك

ماانصححححك تتركين بيتك وليش تعب كل هالسنين ينترك لوحده دخيله
هي هذا اللي تبغاه تبغى الرجال والبيت والفلوس وكل ششي
اذا انتي تنازلتي عن بيتك علشانها لاتستغربين اذا طرد عيالك بعد فتره من البيت لانها ماتبيهم
انتي ليش تناظرين طلعوا دخلوا راحوا جو
يابنت الحلال اصلا هو عشرته تجيب الهم احمدي ربي ان فيه وحده اشغلته عنك وعيشي حياتك مثل ماتحبين
خليه يشوفك تلبسين وتطلعين ويشوف جلستك وجوك وروقانك خليه يشوف عيالك حولك وضحكم وجمعتكم
هو هالفتره فاااااز بالجديده واكيد الجديده مع السنين بتحمل وبيكون فيه بيبي وقلق وطلبات وبيطفش لانه شايب مو حمل مقاضي وازعاج وتطعيمات
بعد فتره هي اللي بتبدأ تناشبه وبتكبر بينهم وانتي بس تفرجي
حسبي الله ونعم الوكيل على كل زوجه ثانيه او ثالثه او رابعه تدخل وتفرق وتشتت اسره وتقهر ادميه كانت مرتاحه
والله يوفق كل زوجه ثانيه وثالثه ورابعه كافه خيرها شرها

لا تطلعين من بيتك
احقريهم ولا كأنك تشوفين شي
اساسا اذا انتي متضايقه تاكدي هي متضايقه ١٠٠٠ ضعف
طلعها من بيتها وضحك عليها ولحقك وسكنها في ملحق ام عياله
اعتبريهم السواق و زوجته
ولا تفكرين فيهم لحظه اذا استسلمتي للهم يسيطر عليك
خلاص شي وصار
تزوج ماعاد ينفع الكلام
اهم شي مصلحتك ومصلحه عيالك
لا تتطلقين وتشتتينهم ويصيرون تحت رحمه فلان وعلان
خليك في بيتك
وعمري بيت لك او اشتري ملك جاهز على اقل من مهلك
وخليه يلحقك اذا يقدر

اسمعي انا قد قريت قصتك من زمان وصراحه زوجك يقهر وزوجته ماجت عندك الا تبي تطلعك وتستولي على كل شي وهاذا ماهو من مصلحه عيالك يتمرمطون بالشقق وابوهم منبسط انا اقول اذا تقدرين تحملين اجلسي ببيتك انتي وعيالك وخذي لك سلفه وابني ارضك بدل ماتروح للاجارات اسكني ببلاش لين تخلصين بناء واذا استمر على حالهوهو كذا لان بيتك كذ سويتيهو تطلعين فيه بدون تعب ولا مرمطه بالشقق والمصروف خلي عياله يطلبونه اغراض ناقصه ماهو فلوس يكتبونه ويرسلونها عليه وسوي نفسك مااهتميتي لامرهم واعتبريه ميت والله لتنقهر مرته وهي تشوفك بالبيت ولاهتميتي وهي بالملحق وماتحمل وتخرج بنفسها وخلي عيالك يروحلهم ببيتهم يسلمون على ابوهم ويجيبوله من اكلكم كل مااشتهيتي سوي الاكله اللي يحبها وارسليهامع بناتك ويقولون احنا اللي سويناها وربي لتنقهرزوجته وتهرب يوم تشوفه ياكل من اكلك واما بخصوص نفسيتك شكلك ماجربتي تقرين سوره البقرة وربي انها سحر سحر عجيب سبحان الله بس كثير من الناس محرومين منها اقريها يوميا ماتاخذ معك ساعه واليوم فيه ٢٤ ساعه كلها نقضيها بشي ماهو مفيد واستمري على قرايتها وربي كان بينك وبين زوجك عين والا سحر والا شي انه يروح ويرجعلك وتنفرج كل همومك واستمري عليها وتشوفين العجب وتذكرين كلامي بس اقريها علشان تنغفر ذنوبك لان ذنوبنا هي سبب مشاكلنا وان شاء الله تبشرينا بكل خير قريب ان شاء الله والله يحسن احوالك ويرجعلك زوجك يعتذر ويحب رجولك كمان