بنات افيدوني تكفون( بخصوص فحص ماقبل الزواج اللي بالرياض)"اسعفوني بالإجابه ربي يوفقكم"

الفحص تروحين المستشفى وتسوين فحص والزوج يسوي فحص وبعدين يطابقونهم مع بعض

مثلا انا زوجي سوى الفحص قبلي بعدين انا سويته وفي اليوم اللي تطلع فيه النتيجه لازم زوجي يجيب نتيجة فحصه
وابوي راح بالنتيجه للمستشفى وطلب نتيجتي وطلبوا منه نتيجة زوجي وطابقوها وكتبوا لائقين ولايوجد امراض وراثيه

لكن اذا انتي فيك مرض معين يكتبونه بنتيجة فحصك بس
ولما يجون يطابقون اذا كان المرض مايأثر وراثيا يكتبون لائقين

وزوجي سواها بمستشفى وانا بالثاني عادي
وحتى تقدرون كلكم تسوونها بنفس اليوم وبنفس المستشفى وهم لما تخلص النتيجه يعطونك اياها مع مطابقتها


مدري احس اني دوختك بس المسأله سهله جدا وبسيطه مررررررررررره

اذا كنتي انتي المخطوبه الله يتمم لك على خير ويسخرلك هالزوج

والله يرزقك بالوظيفه اللي تحلمين فيها ويغنيك بحلاله عن حرامه

وموفقه

مشكوووووووورة الله يعطيك العافية ويسخر لك زوجك يااااااااارب

وانا متزوجة حبيبتي ههههههههههه

وساكنه بالخرج

بس اخوي تزوج ناس من الحوطة في الخرج عندنا

واتفقوا يسوون فحص الزواج بالرياض

انا عشان كذا حبيت اسال بس

................