بنات افيدوني مشفى الملك سعود ولا القصيم الوطني

والله وانا اختك مااعرف بكريه بس اذا من بريده مالك الا الحبيب انا اراجع عندهم
وابالد عندهم ان شاءالله
الولاده مع اقامه ثلاث ايام 6300 والتامين 1000 ريال
وكلن يمدحوه واذا بعنيزه روحي للوفاء ارخص شوي بس كلهن مصريات
واللي سمعته بعضهن نفسها خايسه ومابينه وبين الحبيب شي بالسعر
الوفاء 5500 والقصيم الوطنى مااعرف عنه شي وسعود كل الناس تسبه بس عمليه يمكن زين

الله يقومك بالسلامه ويرزقك اللي تتمنين 

نفس الاستفسار تكفون بنات نبي تجارب

انا ما جربتها لأني جديدة بالمنطقة
بس على تجارب زميلاتي يمدحون مستشفى الحبيب
بعده بدرجة اقل القصيم الوطني بس كثير يرغبه لانه ارخص ولو كنتي معلمه لك خصم عندهم
بس اللي اشوفه ان افضلهم الحبيب وناوية بإذن الله اولد فيه ان الله تمم على خير وافضل الدكتورات عندهم حسب سؤالي وبحثي عايشة وساجيلا
وبالأخير الولادة تساهيل من رب العالمين

والله يااختي انا اراجع بمستشفى القصيم الوطني .. وبإذن الله ناوية اولد فيه .. اذا كانت اموري تمام .. انا خلصت التاسع والله يهونها
بالنسبة للاسعار .. طبيعي مع غرفة مزدوجة ٤٠٠٠ وللمعلمات تخفيض ٢٠٪
طبيعي مع غرفة خاصة ٤٨٠٠ بدون تخفيض
العملية ١٠٠٠٠
وفيه خمس دكتورات ٣ سودانيات سميه ورحاب ونجلاء والافضل سمية حبوبة مره وعروب اردنية ونزهه باكستانية ..
بس مشكلتهم ماتستدعين احد عند الولادة .. اللي مناوبة تولدك
وكنظره عامه المستشفى فخم والغرف فخمة وراقي مررره.. واسعاره معقولة..
وللمعلومية فيه كمام لتخفيف الالم وابر مهدئة من ضمن باكج الولادة
اما ابرة الظهر مافيه
والطلق الصناعي بالف ريال
هذا ماعندي من معلومات والله ييسرها لي ولك ولكل حامل ..