بنات اقرو موضوعي وعطوني ارائكم

السلام عليكم
والله ياخواتي ماني عارفه من وين ابد وش اقول
مشكلتي مع زوجي مشكله وكل يوم تزيد وتكبر
زوجي من يوم تزوج علي وهو كل فترة يتغير واكذب نفسي واقول يتخيلي من الغيرة والا هو طيب وبديت اشوف التغير والصد واصدد نفسي اقول لا من الغيره بس يتخيلي مايطيق يشوفني وبس يتهرب عني
انا متعوده كل سنه اعيد عند اهلي السنه هذي قلت ابغى اغير واعيد عنده واخلي عيالي يعيدون مع ابوهم وهم والله مودهم كل يوم يقولون لي تكفين يايمه غير رايك واخلينا نروح لخوالي واقولهم لا نبي نعيد مع ابوكم توقعته يبي يفرحبنا ويسوي لنا شي بالعيد المهم جا العيد ولا كانا بالبيت يطلع من اول مايصحى ولايرجع الااذا بغى ينام جيت انا بيوم شفته رايق وقلتله بمزح شكلنا بنحرم العيد بالقصيم مالنا احد وانت تاركنا ماتسأل فينا قام تنرفز وثارت الدنيا علي وكاني سبيته وقالي من قالك تعيدين هنا كان طسيت عند اهلك انا وديت (فلانه) علشان اطلع وادخل براحتي ماحد يقيدني تخيلو ودها لانه يرتبط فيها وانا لانه مايرتبط فيني ماقلي لاروحي ولا اجلسي المهم برمضان احترقت يدي وفيه واحد بالسوق عنده علاج للحروق يوزعه مجانا قلتله انت بكره مانت عندي والعصر فاضي اذا ماعندك مانع ابغاك توديني اخذ منه لانه يعالج ولا يترك اثر قال انا موديت فلانه علشان اوديك احرقني رده علي وقلتله انا مابي اتسوق اخذ العلاج وانا واقفه واطلع قال لا وخليتها بقلبي وسكت ويدي لو تشوفونها مشوهها لواني حطيت من العلاج كان فيه فرق 180%لكن ماقول الا الله يسامحه ومن كم شهر وهو كل ماقلتله شي قال اسكتي والا ابي اطلقك يشوفني خايفه من الطلاق ويهددني ومن رمضان كل ماقلت شي قال مابيك وقول بنفسي علشان يقهرني وانا اشوفه صاد عني واكذبه الى اليوم قاله بسبب تافه جدا ماينذكر من تفاهت وقال انا مابي اسويلك شي لأني مابيك
وشرايكم بنات والله اني مانشفت عيني من كثر الصياح:icon33: وكل اليوم راح وانا اصيح ولاسويت ولاشي
تكفون لاتخلوني ولو بدعوه انا ابي اربي بناتي وبنفس الوقت ابي اعيش مرتاحه وشلون وانا عايشه معاه وهو دايم يفضلها علي قدامي وراي ودايم يمدحها عند اهله وانا مالي ذكر