كيفكم يارب بخير ..
موضوعي هذا رح يشمل كل شي متعلق " بالاجسآم المضاده " اللي في الرحم .. كفانا الله واياكم منها
الاجسام المضآده :
هي زياده في المناعه وتعتبر الجنين جسم غريب وتطرده وتسبب تجلط في المشيمه وتمنع وصول الغذاء له
وبذلك يتوفى الجنين ...
عادة يكون في الشهور الأولى من الحمل
علاجها : اخذ ابر مسيله للدم (هيبارين) والجديد منه ابر كلسكان تؤخذ مره باليوم بعكس الهيبارين مرتين باليوم
وحبوب بيبي اسبرين ..واذا لزم الامر ومانفعت الابر يضاف لها حبوب كورتيزون ..
واقدم لكم تجربتي معها ..
حملت بأول حمل واستمر لمده اربع شهور واسبوعين وفي فترة الحمل كان كل شي طبيعي لكن بنص الشهر الثالث قالت لي الدكتوره الموية ناقصه ع الجنين وحجمه صغير وعطتني بيبي اسبرين واستمريت عليه لكن الله ماكتب له يستمر وتوفى الجنين وسويت عملية تنظيف.. :frown:
بعده قعدت 9 شهور ورحت اكشف لاني طولت شوي وطلع عندي خمول بالغده وأثر على التبويض واخذت العلاج للخمول والحمدلله ربي كتب لي الحمل بعده بشهرين وقعدت 3 شهور وتوقف نبض الجنين يعني توفى ونزل لحاله بعد ماتركت الدوفاستون (المثبت) .. :frown:
بعده رحت اكشف واحلل عن سبب وفاة الجنين وطلع عندي اجسام مضاده .. وقالوا لي بالحمل الثالث لازم تاخذين ابر مسيله للدم ..
وبعدين حملت بعد 10 شهور واخذت الابر من يوم ماحللت يمكن من غابت الدوره 3 ايام وكل يوم اشك ابرة ..
جعلها تكفير يارب وفي موازين الحسنات ومن عانا نفس معاناتي ..
ولكن الله ماكتب يكمل حملي وتوقف نبض الجنين بالاسبوع السابع وانا رحت اكشف بالاسبوع العاشر .. :frown:
الله يعوضني ويعوض كل من اجهضت يااارب العالمين
ضاااقت بي الدنيا ورحت لم كم دكتور ودكتوره وكلهم قالوا لي لازم تاخذين كورتيزون يمكن الاجسام اللي عندك قوية ونزيد جرعه الكلكسان(مسيل الدم) بالكورتيزون !!
والان لي سبع شهور من اخر اجهاض .. ومازلت ابحث وابحث عن سبب الاجسام المضاده بكبرها
واشتركت بكم منتدى بقروبات خاصه بالمتأخرات بالحمل .. عشان ابحث اكثر واكثر :icon32: ..
وكان امس تراسلت معهم وقعدت انا وعضوه هنا معنا نتكلم بهالموضوع اللي هو الاجسام المضاده وهي نفس حالتي وقالت يمكن يكون السبب زوجك !!
يعني تشوه بالحيوانات المنوية واستغربت هل يمكن هذا السبب !!
قلت يمكن لأن الجنين يكون متشوه ويموت :confused- ..
بحثت امس واليوم عن هذا الشي وطلع مو هو السبب ..
وهذا اقتباس لكلام دكتور بخصوص التشوهات حيوانات المنويه ..
وتطمن قلبي شوي وقلت الحمدلله مو هي السبب
واليوم دخلت القروب مره ثانيه وشفت وحده من البنات هنا وقلت لها عن مشكلتي وقالت
ان وحده تعرفها صار لها مثلي جاء لها كم طفل وبعدهم كل ماحملت ماتوا واللحين عندها ماشاء الله توأم :biggrinlo
قلت لها كيف عالجت ووش صار لها !!
قالت هي راحت عند دكتوره اسمها عبلة الزواوي
وكشفت عليها واكتشفت شي هو مسبب لها توقف نبض الجنين ..
وش تتوقعون !!
صار
فيها
فايروس الجدري المائي (العنقز) :42:
صار واحد من عيالها قد جاه العنقز .. وهي احتفظ جسمها بالفايروس وكل ما حملت مات الجنين
و بعدين اكتشفت ان اذا صار حمل يرفضه الجسم ويطيح ..
عاد انا سألتها مره ثانيه عشان أتاكد وبقتبس لكم سؤالي
وقالت بأدق عليها وبأرد لك وبعد كم دقيقه جاوبتني .. وقالت :
وبحثت عن العنقز وهل له مسببات للحمل !!
واقتبست لكم كلام دكتورة بنت النيل من احدى المنتديات ..
واللحين بقولكم انا 99% يمكن مثلها لأني قبل لآ احمل بحملي الاول بـ5 شهور جاني العقنز وانا عروس :icon36:
إن شاء الله بروح للدكتوره وباخليها تكشف علي ويارب يكون علاجي من بعد الله بيدها
واللي عندها أي معلومه عن الاجسام تضيفها هنا عشان نستفيد
واللي جربت الكورتيزون ياليت تقول لنا تجربتها
-0-0-0-0-0-0-0-0-0-0-0-
ويارب تشفيني وتشفي كل من عانا من الاجسام يارب ونفتك منها ولا نستعمل ابر ولا شي ونصير طبيعيين يارب العالمين
آميييييين
وادعولي و للي قالت لي عن هالدكتوره ان ربي يرزقها الحمل ويشفي زوجها من اللي فيه يارب
:26:
واللي تبي عيادة الدكتورة عبلة الزواوي موجوده الان بحي المروج بمبنى مقابل جمعية الاطفال المعاقين من جهة الشمال..بشمال الرياض على شارع الامام محمد بن سعود.. اسم المركز (افينيو)
رقم العياده / 2006090
في امان الله