اشوف ان فية عوايل ماتحترم زوجة الابن والله الشغالة يحترمونها كثر
وفية حمات تموت على حريم عيالها اكثر من بناتها
تصدقين عاد هذا شئ محيرني ليه الظلم لية

بعترفلكم اعتراف, انا بعد ملكتي ما ادري ليش بس قابلت خوات زوجي بنفس شينه و يوم رحت الديره ما رحت زرتهم الا بعد شهر و اخته الصغيره دقت على مره و قالت لي متى بتجين و نبي نجيك, رديت عليها بنفس شينه يوم اكون فاضيه بجيكم انشاء الله, و بعدها لو دقت اقولها اني مشغوله, بصراحه ما ادري ليش بس ما كنت ابي تكون لي اي علاقه فيهم و دخلت حاميه بس بعدين حسيت اني غلطانه و ربي يسامحني

تسلمين ام الخمائل موضوعك حلو

لكن اعتقد ان التعامل يكون على حسب شخصية اللي قدامك
مثلا فيه ناس حليلين و طيبين وفيه ناس قشرا

بالنسبة لي الحمد لله تعامل خوات زوجي معي حلو حتى انا اللي اقضي معهم اغراض فرحهم

و حريم اخواني كلهم احترمهم لكن اعامل صاحبة المشاكل برسمية حتى لا يصير بيننا احتكاك
و يروح فيها اخوي
و الباقيات حليلات احبهم و دايم اوصي اخواني عليهم
حتى قبل فترة كلمت واحد من اخواني يهدي مرته ورد >>>>>>> هاه وش رايكم عاقله صح

أنا أعتقد ممكن الخوات أو الأم يكرهون مرة الولد اذا حسوا انها تختلق المشاكل مع ولدهم، أو اذا حسوا انها ترهقه بطلباتها ومو قنوعه.. يعني يحز في نفسهم يشوفون ولدهم مو مرتاح

انا ما أقول ان هالشي يعطيهم الحق انهم يكرهونها، لأن الخلافات والطلبات موجوده في كل بيت
لكن بس أحاول أفهم سبب الكره... وأكيد لو كانت مرة الولد منفصله في السكن وهم ما يشوفون هالأمور جدام عينهم، ما كانوا بياخذون على خاطرهم من مرة الولد

وفي مرات تكون الأم غيرانه من مرة الولد فممكن تضايقها بدون لا تحس

وفي مرات مرة الولد تكون متعاليه على أهل الزوج لأنها تشوف انها أحسن من مستواهم اجتماعيا أو ماديا

وفي مرات ممكن مرة الولد تطلع حرة خلافاتها مع الزوج في أهله!

وأنا أعتقد أغلبية المشاكل تصير بسبب الحساسيه الزايده وهالشي طبيعي لما يكون في اكثر من عايله ساكنين في بيت واحد... وكل واحد يبتدي يحاسب الثاني حتى على الكلام والحركات

......الله يهدي الجميع

اعتقد ان السبب الاول يرجع الى سوء الظن اللي انتشر في مجتمع النساء بشكل غريب ..

صارت الوحده مننا اذا سمعت كلمه ولا شافت تصرف من اخوات زوجها او العكس هم شافو من زوجه اخوهم تصرف ..يقدمون سوء الظن على حسن الظن

قال الله تعالى "يا أيها الذين آمنو اجتنبو كثيرا من الظن ان بعض الظن اثم"


اما السبب الثانى هي الغيره من الطرفين يعنى ممكن المشاكل تكون بسبب غيره اخت الزوج من زوجه اخوها او العكس والوحد منا لازم تمسك نفسها وماتخلى الغيره تسيطر على تفكيرها وتجعل مخافه الله قدام عيونها ..
سواء كانت اخت زوج ....او زوجه اخ ...


..

.