حبيبتي ترى بين الطريق بين بوظبي ودبي ماتحسين فيه ابدددددددددددددددد دبي حلوه بزحمتها وابوظبي حلوه بهدوؤها ورومانسيتها... وعلى فكرة مركز ابن بطوطة هذا موقعهم الصراحه المركز قممممممممممممممممة في الابداع من الموقع بتعرفين وهذا موقعهم :http://www.ibnbattutamall.com/

وعلى فكرة فيه مصانع في عجمان يقولون من اروع ملابس الاطفال والملابس النسائية اللي تصدمج بحلاوتها الصراحه شفت بضاعة وايد من منتجاتهم روعه والله .. ورخييييييييييييييييييييييييييييييييص موديلاتهم مثل برومود وماركات ثانيه انا اعرف وايدين يشترون من هناك وملابس النوم عندهم حلوه واااااااااااااااااااااااااايد وأقطان وسوالف .. لو حد بيوديج هناك انتهزي الفرصه عشان تشتري احلى الاشياء وبأسعار معقولة... وياريت بنات عجمان يفيدونج..

اعتقد مركز البستان في دبي اسعاره زينه وتحتكم المحلات العائلات يروحون له غالبا.

على فكرة ابن بطوطة عبارة عن ستة مولات في مول واحد ضخمممممممممممممممممممم على حسب الدول اللي في الموقع مثل الهند والصين وغيره شوفي الموقع لا تطوفينه

نسيت اقولج صح..دبي عندهم الوندر لاند حديقة مائيه كبيرة.. وهذا موقعهم: http://www.wonderlanduae.com/

وفيه حديقة الحيوانات في دبي.


ومدينة الطفل في دبي وهذا موقعهم http://www.childrencity.ae/about_us/a_about_us_intro.asp

وهي مدينة تعليمية ترفيهية.

ع فكرة الغالية أنصحج بمركز مدينة زايد
انا شخصياً ما رحت له لاني من اهل العين
بس ربيعتي راحت له واشرت منه فستان يجنن وبعد فترة راحت لدبي أظني مركز البستان وشااافت نففففس فستااانها بالضبط بس الفرررق انها كانت شاريته ب500 بس أما هناك لقته ب2500!
فهو مركز رخيص وحلووو مثل ما قالت لي حتى الاكسسوارات اللي فيه تجنن ع قولتها بس يبيلج ادورين زين


أما عن داري العين واللي تبعد شوية عن بوظبي تقريباً ساعتين وعن دبي ساعة ونص
مثل ما قالن البنات
وترا جو العين هاليومييين رهيييب رغم شوية هالغبار والمهب لكن نزلت عليها أمطار بعد هالمهب وصار جوها حلوووو عاد ماادري إذا بتلحقين وتستمر هالامطار إن شاء الله والا ترجع لنا شمسنا الحنووون الحارقة خخخ


عدنا الله يسلمج بالعين
جبل حفيت وحواليه منطقة المبزرة حلللوة إذا بتروحون هناك تتعشون مثلاً أرض خضرا واسعة وفيها شاليهات ونظيفة وفي قرب الجبل بحيرة تقدرون تخلون العيال فديتهم يلعبون بالقارب هناك
وكل ما ركبتي فوق بالجبل كل ما كان المنظر احححلى خاصة بالليل

وعندج الله يسلمج بعد من الاسواق والمجمعات
العين مول مجمع يضم محلات وااايدة وفرصة لج هاليوميييييين أغلب المحلات فيه مسووية تخفيضااات رهيبة وفيه نكتار إذا حابة تراه مو موجود في بوظبي

وعندج بعد كارفور بالجيمي وهو بعد مجمع تجاري يضم محلات كثييييرة

بالإضافة لمحلات ثانية
بس هذيلا أهم مركزين كبار عدنا وترا العين فديتها صغيرة الله لا يحرمني منها

اممممم
وللترفيه بعد
عندكم متحف العين وحديقة الحيوان وحديقة الهيلي وحدايق عامة مثل حديقة الجاهلي والبصرة وعين الفايضة

امممم وشو بعد
هذا اللي ببالي الحين وإذا تذكرت شي إن شاء الله بقولج
ونتمنى لج إجااازة سعيييدة في ربوع بلادنا مع شمسنا الحارقة خخخ
حاولي تحجزين التذاكر مع وقت الامطار عدنا خاصة هاليومين الجو عدنا جناااان


أختج: هموووسه
:)

الغني عن التعريف هو الله سبحانه


إن شاء الله