بنات الاردن........ممكن لحظه؟

شوفي حبيبتي

روحي على جبل الحسين رح تلاقي محلات بتبيع طقومة رسمية حلوة ... و أسعارها مش كتير رخيصة ... بتقدري تقولي معقولة و مقبولة ... في بجبل الحسين مجمعات كتيرة ... مجمع جاليري فيه محلات بتخدمك , لفي و طولي بالك ... بصراحة أنا ما بحفظ أسماء المحلات كلها و بالضبط , بس في محلات كتير , منها الي ببيع سبور و منها الي ببيع الرسمي للزيارات العادية و منها الرسمي الخاص بالحفلات ... كمان مجمع ماكسيم مول , فيه مويلات كتيييييييييييييرة و كل واحد و ذوقه ... بس بنصحك تلفي بالسوق كله و تشوفي الأسعار و شو الموديلات و بعدها حددي طلبك ...

شوفي مكة مول , بحتوي على كل الماركات العالمية ... و أكيد رح تلاقي طلبك بسعر عالي

إن شاء الله أكون أفدتك ...

:)

رفع
يالغلا
والله ودي افيدك بس بعطيك من خبرتي البسيطه في عمان
عندك مجمع سيتي مول
وعندك مكه مول حلوين
مكه مول فيه محل تحت مش فاكرة اسمه بس حلو للاطقم التايورات
والله يوفقك

عزيزتي ريمان ,,

فعلا متل ما قالوا الأخوات قبلي ,, في عندك مكة مول في محلات من النوعين غالي ورخيص , ماركات ومو ماركات , لكن السيتي مول كله ماركات وكتير حلو ومرتب , وعندك كمان عبدون مول ,, وصويفية شارع الوكالات فيه مانجو وزارا وماسيمو دوتي ( كتير فخم واغلى من الباقي ) ,, وفي كمان بشارع الجاردنز محل اسمه سوليتير كمان للأطقم ومرتب ..

أتمنى أكون أفدتك ,, وأهلا وسهلا فيكِ في ربوع الأردن :26:

وإزا حابة فساتين سهرة في عندك محل اسمه النفيـــــــــس في فرع بجبل عمان وواحد بصويفية , كتير مرتب وأحلى محل ,, وفي كمان محل اسمه مس يونيفيرس بفندق عمرة ( كراون بلازا ) هاد المحل برا , وفي كمان محل اسمه بيبي نفس العمارة بس لجوه بتنزلي درجتين ,, وهدول أفخم شي ..

:26:

في محل اسمه سوليتير بشارع الجاردنز

و محل اسمه فيرغو اخر شارع الوكالاات كتير مرتب