عندك اختي مطعم البوم في دبي ،،،، ومطعم الاوبرج في فرع في جميرا وفرع في ستي سنتر ،،، ومطاعم المراكز كلها اوكي ،،، والمطعم الايراني الصالة الحمراء في السطوة ،،، ومطعم اصفهان قريب من السطوة ايراني بعد وعندك المطاعم في الفنادق بعد راقية وخصوصا اذا سكنتي بفندق حياة وحجزتي سويت بيكون عندك الاكل راق جدا وخصوصا الافطار بوفيه مفتوح وعندك بشارع الامارات بجانب هوليدي ان كراون بلازا وايد مطاعم وعندك قصر الهند قريب من الستي سنتر وعندك شليز بعد قريب من الستي سنتر تقريبا بنفس الشارع اللي فيه قصر الهند ،،، الخ وايد ما بتخلصين من دبي

شكرا اخواتي على الردود..........ان شاء الله بزور بعض منها في اقرب فرصه...........
اختي ريم مجلودي..... انا اسال عن المطاعم الراقيه في شكلها...يعني تنفع حق يلسات حلوه مب اي مطعم....
ادري اكثر المطاعم حلوه لكن مب كلها تنفع حق يلسات المتزوجين.........

والله مطاعم دبي كثيره والاكل لايعلا عليه بس الواحد ماوده يدخلها لسببين
1ـ قسم العوائل نادر مايكون فيه سواترولوكان فيه يكون اسم
2ـ الاغاني والمسيقى الصاخبه يعني الواحد يسمي على الاغاني ويقول الحمدالله على الاغاني ياخوات والله حرام
المفروض الهيئات تحط حد للموضوع هاذا وياليته على المطاعم وبس لا بكل مكان الاسواق والبقالات وكل مكان والله شي يضيق الصدر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم..

أختي وردة حلوة..

جربي هذي الرابطه

http://forum.hawaaworld.com/showthread.php?s=&threadid=161103

و ترى كل المذكورين يلستهم حلوه و راقيه..

السلام عليكم..

أخت وردة..
و الله معاك حق..
و الي يقهر زياده يوم تسمعين الموسيقى في المساجد الي في السناتر..
يعني لازم يحطون سماعات في كل مكان..