بنات الامارات..كل وحده تخبرنا منو احسن وحده في التوليد..

السلام عليكم
موضوع جميل يا اخت (بك استجير)
ياريت البنات من الامارات الي سبق لهم الولادة انهم يفيدونا
انا بصراحه من ابوظبي واراجع مع مستشفى الكورنيش مع الدكتورة براكسي بس اهي بأجازة حاليا فاراجع مع د.فيلب وفي نفس الوقت راجعت كم مرة مع الدكتورة كمليا شااااااااااطرة اهي في المركز الطبي العام .
ولكــــــــــــــــــــــــن
انا بولد في العين
ومخبوصة خبصة محتارة اولد في المستشفى الحكومي العين (الجيمي) او المستشفى الخاص الواحة
الجيمي الكل يمدحه من ناحية (الستف ) الممرضات والقابلات وتشرف على الولادة دكتورة اخصائية ولادة ومعاملتهم عند الي تربي زينه _من تجربة خواتي وكل المعارف-
بس عندهم مشكلة الغرف زحمه ولا تلقين غرفة سنعه ماعندهم نظام الفي اي بي
اما الواحه مشكلتهم اذا تعسرتي بالولادة-بعيد الشر- يحولونج اما على الجيمي او توام

اما مستشفى توام حدث ولا حرج غرف شحلوها والنظافة بسسسسسسسسسسسس
خرطي المستوى التمريضي عندهم سيء جدا اختي ولدت عندهم عذبوها تخيلوا كانت تولد ولما بنت عمي تنادي القابلة القابلة حضرتها تقرأ كتاب وهي قاعده على المكتب وتقول خليها احسن شي تولد بروحها ولا طلع الراس ناديني!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مافيه ازفت من كذي .
وبنت عمي لزم صايرة لها قصة مفجعه بعد ولادة اختي باسبوع
كانت مثلي تراجع بالكورنيش بس لان خواتها بالعين راحت تولد اهناك عند اهلها
وجابت تقريرها معاها نزل عليها ماء الجنيين في البيت ولما راحت لهم قالت لهم ان الماي نازل عليها ، وكان عندها حجم الجنيين اكبير وايد وكاتبين بتقرير الكورنيش انها لازم تولد بعملية لان كان عندها سكري الحمل ،وبعد تقرير من عيادة خاصة قايلة نفس الكلام ..
تخيلوا احملوها وقالوا لها انتظري الدكتورة المناوبة ولا ركبوا لها جهاز مراقبة الجنين ولا شي ونوموها في قسم قبل الولادة -مش في قسم الولاة مع ان الماي نزل -
والصبح شرفت الدكتورة لما الممرضة قاسة نبض الطفل قبل ما تجي الدكتورة بشوي كان كل شي سليم ولما شرفت الدكتورة قاست مرة ثانية اكتشفت انه مافي نبض !!!!
ولما كشفت عليها نسائيا طلع الحبل السري في ايد الدكتورة تخيلوا الطفل نشف ومات
طبعا صارت هيصة وزمبليطه على قولت المصريين وصراخ
وقالت لهم خلاص طلعوه بعملية .... مارضو قالوا نزلية طبيعي وعطوها طلق صناعي رغم رفضها -يعني غصبن عنها- وكانت تصرخ تقول شي داخل يتمزع
ولما لحضو انها زورقت وبدت تفقد الوعي فحصوها لقوا ان الكلى وقفت والاكسجيين قليل في جسمها دخلوها العمليات وطلعو الجنين واكتشفوا ان الرحم تفجر
حسبي الله ونعم الوكيل
قتلوا الجنيين وفجروا الرحم وماتقدر تنجب مرة ثانيه خلاص
الله يصبرها يارب ويحط البركه في اعيالها ويعوضها فيهم

فنتبهوا من مستشفى توام والقضية الحين في المحاكم
الله واكبر عليهم

ادري نكدت عليكم
بس ياريت الي عندها معلومات عن مستشفيات الامارات تشاركنا .

الله واكبــــــــــــر عليهم........والله عورني قلبي عليها الله يعينها ويصبرها يارب....
انا عن نفسي مابغي اولد في مستشفى الوصل لان من كثر مشاكلهم خفت واهم شي عندي staff الي بيكون عندي وقت الولاده وفوق راسهم الدكتوره اهم شي تكون عندي...عشان جي افكر اربي في ويل كير انا اراجع عند دكتوره خاصه في حمر عين وهيه نفسها تولد في ويل كير وقالت انها بتكون عندي طول الوقت...بس انا خايفه من تكاليف المستشفى تكون فوق 10000

مرحبا خواتي موضوعكم وايد مهم بالنسبه لي حاليا لان كم شهر وانشالله بربي..
انا بصراحه مرتين ولدت ف مستشفى الوصل الحمد لله ما صارت لي اي مشكله معاملة الممرضات زينه هم الي يولدونج والدكتوره ينادونها عند الضروره احس به مستشفى زين, المستشفيات الخاصه ما اتشجع اسيرلهم لان اذا تعسرت الولاده يحولونج الوصل ومستشفى الوصل احسن مستشفى اطفال ف الامارات اذا نزل البيبي تعبان ..
بس نصيحه لا تسيرون المستشفى الامريكي ثلاث من اهلي ولدو فيه وما كانو يمدحون كانو الممرضات يعصبون عليهم ولا يساعدونهم ف الولاده وبعد يطنزون عليهم, صح المكان نظيف والغرف زينه بس شو الفايده اذا المعامله سيئه

السلام عليكم ...
انا سمعت من اخت زوجي انه مستشفى الجيمي رائعة من حيث الاهتمام بالأم والجنين (هي ولدت مرتين فيها )وما يخلونك تطلعين وخاصة باول ولد حتى تتعلمين كيف ترضعيه وتهتمي به ...وانو الواحة مو كتير احسن وما يصبرون عليك بس المنيح انو يخلون زوجك يدخل معاك على الولادة.

عفوا وبعد يقولون انو مستشفى الكورنيش كويسة انا اقول ما اسمع ولسا ما جربت ادعولي الله يكرمني واجرب ووقتها بقولكم شورايي.....
اخت بك استجير ماشاءالله صورة بتجنن الله يحفظه ويحميه ..