alqala :

هلا عزيزتي ... من دار دبي ... أنا سويت عملية تلقيح مجهري في مستشفى النور عند الدكتور أبو الوفا .. وهو دكتور ممتاز بس تكاليف العملية والفحوصات غالية عندهم ... وطبعاً عملية التلقيح ما نجحت هذي مشيئة الله.. فقلت خليني أسويها في مستشفى حكومي ( مستشفى توام ) صح مواعيدهم بعيدة بس الحمد الله على كل حال ... عند الدكتور وليد ... تصدقين أن من فترة كان عندي خلل في الغدة الدرقية .. وهو الدكتور الوحيد إلي عرف المشكلة من خلال النظر مش الفحوصات ... أما بنسبة للدكتورة حسينة سمعت أنها ووووووووايد ممتازة .. بس ماصارت لي الفرصة أزورها وأخذ أستشارتها .... ما أريد أشتت عمري عند أكثر من دكتور... وأنتي يا أختي توكلي على الله ....وأختاري دكتور من خلال أستخارة الله .. لأن التوفيق ونجاح العملية كله بيد الله .. حتى لو كان الدكتور شاطر وممتاز ونجحت عنده عمليات التلقيح .. وإلي أعرفه أن أغلب عمليات التلقيح لا تنجح من أول مرة ..إلا من خلال التكرار فيها ... والله يرزقنا بالذرية الصالحة جميعاً..

هلا عزيزتي ... من دار دبي ... أنا سويت عملية تلقيح مجهري في مستشفى النور عند الدكتور أبو...

الماسة زوجها :

السلام عليكم ورحمة الله وبركاته،،،، اختي هوني مشكورة على الموضوع وياليت ايكون مرجع لبنات الامارات وايفيدهم إن شاء الله لأن وحليلنا ماعندنا وايد مواضيع اتفيد اغلبها لبنات السعودية ماشاء الله عليهم المهم بخصوص الدكاترة الدكتورة جوان ماعندي فكرة عندها وماجد سمعت حد مدحها وايد يعني ماعندي فكرة عنها بخصوص الدكتورة حسنية قرقاش ابصراحة هي طيوبة وحبوبة واتوقعتها متكبرة وايد واتعصب بس طلع العكس وانا بإذن الله بسوي تلقيح هالشهر عندها وانا استخترت والحمد الله اتيسرتلي الامور وبتوكل على الله ومثل ماقلتو الارزاق بيد الله مب بالاطباء هذا شيء وانا اعرف زميلة لي في العمل من اول ماعرست اتقولي سيري عند حسنية وانا اقوللها لا مابا اتقولي زميلتها ماحملت 4 سنوات وماشاء الله سوت تلقيح ويابت تواءم بنات ماشاء الله وانا اهم شيء عندي طريقة العلاج واتكون صادقة معاي وحسيتبها اتجيك على كل شيء وصادقة بكل كلمة ماشاء الله يعني صريحة إذا ماينفع معاج إلا المجهري خلاص نوووووو واااااااااااااي وإذا في مجال اتقول لا بنحاول بس مابنأخر وايد والسالفة مب بيزات لا عسب موضوع الاحباط يعني تمشيء بالتدريج بس مب الممل البطيء فهمتو علي الدكتور بنكاش ماشاء الله شاطر وهو في عيادة كونسيف اعتقد وين مركز التعاون واعرف من الاهل ماشاء الله حملوا ويابوا توأم وبعد في وحدة 4 سنوات ماحملت وماشاء الله من اول مرة حملت ويابت بنت وفي الحمل الثاني بعد سارتله وحملت بعد ماكملت بنتها سنة وماشاء الله يابت بنت ثانية هم بعاد اشوي عنا بس عرفت عنهم والمشكلة انه مواعيده جدا جدا بعيده وانا خذتلي موعد معاه بشهر 12 سواء سويت عند حسنية ولا لا فقلت حتى لو استشارة لأنه شاطر وايد وقلت بعد بستخير انا خذت عسب إذا احتجت اسيرله لأن ماينحصل والمشكلة بس من الصبح لين الساعة 4 وبعدين ماتقدرين يعني وايد صعب على اللي ايداومون عسب جي اشوي ماتحمست والحين اخت زوجي من فترة سايرتله واعتقد بتسوي اطفال الانابيب عنده وإن شاء الله تنجح وبخبركم عن التجربة يللا اللي ايعرف مايبخل علينا وايساعد الجميع :)

السلام عليكم ورحمة الله وبركاته،،،، اختي هوني مشكورة على الموضوع وياليت ايكون مرجع لبنات...

honey_lipes :

هلا فديتج والله اني اتشجع اكثر يوم اشوف ردودج وردود البنات وعسى ربي ننتفع من هالتجمع ونعرف الزين من الشين .. الله يوفقج غناتي في هالمره وتبشريني بحملج جرررررريب يارب

هلا فديتج والله اني اتشجع اكثر يوم اشوف ردودج وردود البنات وعسى ربي ننتفع من هالتجمع ونعرف الزين...