بنات الامارات..منو منكم تبيع أكياس لحق الليلة!! ياريت تحطولي صور!!

مرحبا الغاليه

بس حبيت اعطيج فكره و تقدرين تسوينها بروحج

انتي تقدرين تاخذين قطع ملونه ساده او مرسمه و تودينها الخياط بس تاخذين له شرايط نفس لون القماش يعني كل كيس له لوون و الشريط نفس اللون

و في فكره ثانيه انه اذا كان للبنات تاخذين قطعه ورديه ساده او مخططه او عليها رسومات اطفال للبنات و تاخذين لها شريط حلو يناسب القطعه

و نفس الشي بالنسبه للاولاد بس باللون الازرق


و انشاء الله اكون افدتج

بس انا ماعرف وين ينباعن جاهزات

بس انتي لو تسوينهن بروحج و على عينج و ذوقج يكون احسن و احلى

السموحه الغاليه :26:

مشكورة الغالية عالرد وماقصرتي.. فكرتج أعرفها بس أنا قصدي مجموعة كبيرة يعني للمدرسة عشان ولدي ياخذهم يوزعهم على الأولاد اللي وياه..

عالعموم يزاج الله خير..

الغاليه في فكره ثانيه عندي انج تاخذين بوكسات صغار يبيعونها ب درهمين و عليها شريط حلو و تقدرين تترسينها كله حلاوه و يكون ويا الشريط بطاقه و تقدرين تكتبين التهنئة بالكمبيوتر و تلصقينها في البطاقه


هاي فكره انا شايفتنها


و انشاء الله حد يقدر يدلج على مكان فيه هالاشياء الجاهزه

هلا اختى المسافره شوفي هذيلا سعر الحبه درهم واحد للكيس الوسط اما الكيس الكبير فدرهم ونص







وفي منهم اشكال وايد ويستوعبن الحلاوه والعصير والشيبز ...

اختي فراشتان ممكن ترسلي لي

الاشكال اللي عندك واحجامها واسعارها