أنا أول مرة أسمع فيه..الصراحة أختي بقولج هاذيلا الدكاترة إللي يطلعون في البرامج مال فنجال القهوة كلهم دعاية يسوولهم دعاية علشان يجذبون المرضى لأنهم غير معروفين وفي منهم لما يروحولهم الزباين شوفون إن هم غير ماهرين مثل ما كانوا في البرنامج.. والدليل إن محد عرف عنه لما سألتي لو هو معروف كان شفتي أحد عرفه وبعدين الدكاترة الزينين بتشوفين كله عندهم مواعيد مو فاضين حق التلفزيون كل يوم يجون..بس لو تبين أنا عندي دكتورة جلدية أفضل وعالجت صديقاتي إللي في الدوام وألحين ماشالله تعالي شوفي وجوههم صافية..بس أنا مادري شو مشكلة صديقتك إذا كان حب شباب ولا شي ثاني..

والله خاطري اساعدج بس مابي اليد حيله ماعرف

شو يا بنات الامارات ، وين الهمة ووين الذكاء ، تقولكم وحدة مريضة جداً ، و عندنا خدمة استعلامات الدليل مافي احسن منها ، لو قايلة لكم كريم و لا خلطة تنباع في آخر الدنيا جان يبتوا الرقم و اتصلتوا ، افا ما هقيتها منكم و الله

عزيزتي عديل الروح الدكتور عندنا في دبي و عنوانه : شارع المرقبات ـ بناية صيدلية علياء - الطابق الثاني.

على فكرة العنوان بالنسبة لأهل الامارات وايد سهل ، يعني المكان مشهور ، فإذا صار وجيتوا دبي و سألتوا أي احد وين شارع المرقبات على طول راح يعرف ، كما ان صيدلية علياء وايد مشهورة وعلى الشارع الرئيسي.
بالنسبة لرقم التلفون أنا راح اكتبه لك بس اذا انحذف راح ابعثه لك على الخاص 2977716 009714

وأي سؤال آخر انا حاضرة ، و الله يشفي مرضاكم و مرضانا ومرضى جميع المسلمين انشاالله

اشكركم اخواتي كلكم الي عرف ولي ما عرف
واخص بشكر الجزيل والي تستاهل احد يحب راسها ام عمر وعلي يعطيكي الف الف عافيه ويوفقك وينور طريقك ويمدك بصحه والعافيه لك ولاولدك ولكل من يحبه قلبك.

والله يا عديل الروح ان عيوني دمعت وانا اقرا ردك و دعوتك لي ، الله يوفقج انشاالله ، و يشفي مريضكم، و اي شيئ ثاني انا ترى حاضرة ، و ما تشوفون شر انشاالله.