يا بنات الإمارات
أبي أعرف وين أبو هيل ؟ أهو مجمع ولا محل؟
وأبي تقولون لي عن الأسواق (مب المجمعات..ممكن تقولون لي بعد عن المجمعات) اللي تبيع الشيلات والجلابيات الحلوه في دبي وأبوظبي؟ لاني مب من الإمارات
ومشكورين واااااااايد:27:

ام النفيش

هلا فيك ,,, مركز بو هيل هذا مجمع من دورين فى محلات متنوعة مثل ازياء ماهر وغيرها بس تقريبا95% من المحلات كلها لتفصيل العبايا والشيل اشكال والوان وباسعار متنوعة بس من المحلات الحلوة فيه جاكارد , بو حليقة و النواسات ,صالح الجزيرى وغيره كثير


اما باقى المحلات فهى منتشرة بالمجمعات مثل سيتى ستنر وافى مركز الشاطىء مركز مزايا المنال والمنطقة المحيطة بالمنال فيه سوق نايف والوصل فى بعد محلات تبيع شيل وعبايا

اتمنى اكون افدتج :27:

هلا
بوهيل موجود في (ديره ) يعني اركبي تاكسي وهو يوديج على طول
وحلات العبايا بتحصلينها في الدور الأول مب الأرضي
وبتحصلين فيه محلات جلابيات وبعد بتحصلينهم في سوق عكاظ هذا عاد في نص الزحمة

مشا اللة البنات ماقصروا

ماي ليدي .. بوظبي "مركز فتوح الخير في الطابق الاول" خياطتهم اوكي بس نوعيه الخام مب زينه والشيل عندهم غاليه ولا تسوى :)

العنود .. بوظبي "فتوح الخير في الطابق الارضي" خياطتهم مرتبه والخامه ما شاء الله ما عليها كلام :)

نوران "في الخالديه والسوق الجديد" الخامه حلوة "قويه" عندهم وخياطتهم ماشي حالها :)

بلو ليدي "دبي في مركز الملا بلازا" عندهم اشياء حلوة وخياطتهم وخامهم بعد حلوين :)
____________________________________________________

بالنسبه للشيل " ما البس المطرزة احس مالها داعي واذا بغيتي خامه شيل حلوة محل العبايه السحريه في بوظبي شارع المطار وين عند الخياطين ؟؟ :)




هذا اللي مخيطه عندهم بس :) :) :26:


وان شاء الله اكون فدتج بشيء :27: