بس دخلت علشان اسمك ذكرنى بنتى الصغيره

اختي دلع ماله سنع تحملي تاخذين الفرش والكفرات من محلات شريف لانه تقريبا بضاعته كلها موجوده في سوق الجمله انا يوم رحت سوق الجمله خذت طقم فوط ب 60 درهم لقيت عنده نفس طقم ب100 وشي
اذا تبين فرش وكفرات عندج دبنهامز عنده روعه بس انصحج لاتاخذين من عنده ملابس داخليه لانيمره خذت عنده ستيانه ب 90 لقيت عند وحده تبيعهم على 30

وعندج شنط الماركه في ابراج الامارات وبرجمان ولاتاخذين من لاسنزا لانه بضاعته مب اوكيه لانه لو تلاحظين على ملابس بيكون ميد ان جاينا او ميد ان اندونيسيا
واذا تبين قطع فساتين انصحج المحلات الي في بوظبي مثل سينيه و الباقه و بوكيه وسيرين كلهم عدال بعض ولا تاخذين من الغرير لانه وايد اسعاره ناااار
واذا تبين فساتين جاهزه عندج محلات في بوظبي مثل دونا ايفانكا ودونا موداا
اما دبي اولد هاوس فساتينه روعه غريبه ايي فستان مع شنطته ونعاله وعلى 7000 درهم

امممممممممممم اما ملابس داخليه وقمصان نوم عندج بشار في مركز المنال تحملي يقص عليج حاولي تكاسرين السعر ويااه وفي بوظبي محل اسمه ايوب عنده ملابس داخليه ماركات معروفه
اما العبي والشيل في دبي سويت ليدي في مركز شاطئ ولادونا انا فصلت عند لادونا عباه شيله طقم روعه كلهاا فراشات ب 900 درهم
وهيه نسيت في محل صغير يبيع شلح نص وقمصان النوم طويله الي تلبس في البيت وعنده استريجات واييب بضاعته من لندن اهوه عدال مركز الوصل انا خذت منه شلح واسعارهها 40 درهم
واي خدمه انا حاظره تقريبا كل خميس اكون في دي اجهز عشان عرسي

مره شكرا الله يسعدكم ان شاء الله .. :)

انا رجعت من دبي وتقريبا خلصت تجهيز الاشياء المهمه من هناك
والفضل يرجع لتوفيق ربي ثم لكم
وجزاكم الله الف الف الف خير

بس بصراحه دبي احسسسسن بلد الوحده تجهز منه
لانه فيه كل شي ويناسب كل الاذواق والاسعار
الله يوفقكم ويهنيكم يارب وييسراموركم
وينولكم اللي في بالكم قولوا امين