بنات الامارات الفرد المائي ؟

السلام عليكم ورحمة الله وبركاته
شحالج وشوعلومج ، عساج بخير ، حبيت أخبرك عن هذا المكان أو المركز الخاص بالفرد اللي يفيد الشعر وهو ضد الرطوبه ومفيد للشعر ، هذا المكان اسمه المركز الألماني للعنايه بالشعر ورقم تلفونهم هو( 6729236) ، وإذا ماطلع الرقم اتصلي في الإستعلامات اسألي عن رقم تلفونهم ، وبصراحه أنا سرت عندهم على أساس إني راح اسويه وكنت حاطه في بالي إن سعره بيكون عادي كنت اتحسب ، وبعدين حطيت في بالي إنه بيكون بحدود ال 500 درهم ، بس للأسف كان اكثر عن جذي وبعدين ماكنت حاطه في بوكي غير هذا المبلغ خبله ، المهم أنا اخبرج عن الاستقبال وايد روعه عندهم صاحبت المركز ألمانيه تدخلج عندها وتستقبلج السكرتيره المصريه لاتعطيه ويه حلج عليها مايوقف من كثرة سوالفها ، المهم تشوف الألمانيه شعرج وتقولج شو يحتاج وبعدين تخليج تشوفين شريط فيديو يوضح لج كل شي خطوه خطوه ، وبعدين ترد عندج وتقولج شو رايج في اللي شفتيه ، وتقول لج عن المبلغ اللي بتدفعيه ، وراح تقولج فكري وردي علي ، وبعد تحجز لج موعد عندها وتخبرج أنه بيكون عباره عن test يعني امتحان لجزء بسيط من شعرج عشان تشوف شعرج كيف بيتقبله وشوينفع معاه ، وبعدين راح تخصمه من سعر الامتحان اللي سوته لشعرج من المبلغ ، وطبعا الشغله مب ساعه أو ساعتين لأ يبي لج على الأقل يوم يعني بحدود سبع ساعات عشان يسونه لج ، المهم هذا اللي اعرفه بالإضافه إلى مجموعه من الشامبوهات اللي مبلغه بحدود 500 درهم راح تعطيج إياهم ببلاش ، طبعا يكفي المبلغ اللي راح تدفعينه لهم ، تبين اصدمج هو ب 4300 درهم تقريبا ، بصراحه أنا وعدتها إذا بعرس بسير عندها عشان اسويه ، هذا كل اللي اعرفه والسموحه إذا طولت عليج ممله ،،،، اتمنى إني اكون افدتج وافدت غيرج
دعواتكم لنا بالستر والهدايه .....:32::32:

الف مليون شكر بس مب جنه المبلغ بسيط ها ها امزح لكن كله يهون عسب الشعر :26:

هلا سومي وشكرا للتوضيح بس ممكن اعرف هذا الى تقصدين فيه هو الفرد اليوكو , وممكن اعرف عنوانهم بدبي
وكمان سؤال هم يسون الفرد على طول الشعر يعني الاسعار تختلف حسب الطول :26: :26:

السلام عليكم ورحمة الله وبركاته
الغاليه شويخ 2005 :24:
تراه ولاشيئ هالسعر ، الله يهديج ذبحه تراه ، بس والله إذا النتيجه حلوه الواحد يسير ، احسن عن الصوالين اللي يحرقون شعورنا ، ونستانس عليه أول أسبوع وبعدين ردت حليمه لعادتها الجديمه ، ردت الكشه ، وجنج مب مسويه شي لشعرج ، تبينها نصيحه من أخت حبتج في الله طبعا أنا اقصد عمري ، إذا عندج ميزانيه وترومين عليه ، توكلي على الله ، أنا تراني يالسه احوش وان شاء الله بسير عندها ، بس انصحج المصريه لاتعطيها ويه بتشوفيها ، وبتصدقيني ، وماتدرين يمكن في يوم نتلاقى أنا وإنتي ،،،، وتوكلي على الله ...
اقول تراه مكان مقسوم لقسمين ، قسم للحريم ، وقسم للرجال ، وكانت تقول السكرتيره ، أن اكثر زبائنها من الموظفين الكبار اللي يشتغلون من الديوان والدائرة الخاصه ، هذا اللي قالته ، يحليلنا مايدرون نحن على قد حالنا ، مايخصنا في الديوان ولاغيره ، على العموم هذا اللي اقدر ادلج واخبرج عنه ، والسموحه على الهذره الزايده

الغاليه وريق :32:
ترى مااعرف إذا شيئ منه في دبي ، بس اكيد عندهم ، وراح اكتب لج الرقم وموقعهم والباقي اسمحي لي يالغاليه كملي انتي
رقم التليفون : 02/6729236 ، الرقم الثاني :02/6729237
البريد الألكتروني :
dolcinea@gmx.de
اسم اخصائية الشعر في المركز الألماني للعناية بالشعر :(( دوينا شيرازي ))


دعواتكم لنا ولكل الأمه الإسلاميه
:27: