بنات الامارات الفزعه:(

السلام عليكم ورحمة الله وبركاته


اشحالج الغاليه ؟
اولا الف مبروووك وانشاء الله الذريه الصالحه والحياة المنعمه بالراحات.

وبعدين بالنسبه لسؤالج ترى انا من بوظبي وفي محل في بوظبي مول ما اعرف اسمه بالضبط بس هو حق هالسوالف الفرش للعرايس وهالسوالف.

اما ايكيا اكيد سمعتي عنه هذا انا اختي خذت من عندهم فرش امريكي بس وايد حلو يعني تم وياها مدة سنتين وهي تغسل فيه كلما خاس بس بعده كنه يديد والله وقيمته 1000 درهم بس يستاهل الصراحه .
وفي محل في روتانا الي مقابل لامسي بالظبط في الخالديه بعد عندهم محل روعه حق هالحركات واشياء ايرانيه روعه بعد.

وانشاء الله اسالج عن اسماء هالمحلات وارد عليج اسمحيلي والله ما ادل في العين وايد ولا جان ساعدتج والف مبروك حبيبتي.

السلام عليكم ..


الاخت العزيزه أولا مبروك .. و ان شالله منه المال و منج العيال ..

ثانيا اذا حبيتي محلات من خارج العين ممكن افيدج ..

يعني محل ( ذا ون) في دبي و الشارجه عندهم اشياء رائعه و افكار رومانسيه .. ما اعرف اذا عندكم في العين .. و محل دبنهامز بعد ممكن تلاقين فيه اشياء حلوه ..

بس انا نصيحتي لج انج ما تشترين الوان غامجه او مزركشه كلما كان بسيط و الوانه هاديه و فيه دانتيل او تطريز بسيط كلما كان احلى و ما بتملين منه بسرعه و بعد بيكون اسهل في الغسيل ..
محلات جي سي بيني و السلام عندهم اشياء حلوه و غاليه لكن ما انصحج فيهم لانه بسرعه يبين عليه انه قديم من بعد اول غسله لانه يطلع في قماشه حبوب .

فديتكم والله مشكورات وعادي عندي ان كان من اماره ثانيه بروووح عادي بس انا المحلت اللي تطرونهن رحت كله سبورت انا اريد حركات دانتيلات شغل دلع يعني ههههههههههه وشدن حيلكن تراني خويتكن

اختى في محل شن ون

ما دري مكانه وين بالضبط في دبي بس في عجمان في ستى سنتر

من زمان رايحة المحل وفيه اشياء حلوة

وفيه محل في صحاري نسيت ما دري في الطابق الاول او الثاني

على ما اعتقد الاول اسمه ليوا يمكن فيه اشياء حلوة حتى فوط ما جد شفتها في اي مكان


لانى شفت فوط في دبنهامز موجودة بس يمكن الالوان او الخامة تختلف في صحاري ما دري شوه اسم الحل

بس هو في الطابق الاول في السيد عندال الى يبيعون اقمشة

اختي مبروك مقدما..
في محل في أبوظبي اسمه أنا وصغيري يسوي لج شراشف رووووووووووووعه ويسوي لج قميص النوم نفس الدزاين, روحي شوفيه ما بتندمين..