بنات الامارات او السعوديات اللي عايشين في الامارات/ أخذ حقه من النقاش

السلام عليكم ورحمة الله وبركاته
كل عام وانتم بخير الله يبلغنا رمضان لا مفقوديين ولا فاقديين
حابة استفسر منكم بعض الاشياء واتمنى الاقي اجابة عندكم
انا من المدينه حاليا انا في ماليزيا وزوجي وبناتي عايشين في المدينه المهم قبل كم يوم زوجي راح الحرم واتعرف ع واحد اماراتي عنده شركة كبيره في دبي ومن ضمن الهروج قال لزوجي ليه ماتجي الامارات وتشتغل قلو زوجي صعبه قله ماهي صعبة وفي كتير سعوديين هناك كمان اكتر من شعب الاماراتي وقلوه تعال اشتغل في شركتي واديك راتب بصراحه الراتب زوجي مايحلم فيه ولو بعد عشرين سنه...وسالو عني وقله ع تخصصي وقله مره مرغوب في الامارات وخاصة انها راح تكون اول سعوديه فالوظيفه بساهل تلقاها من غير واسطات فزوجي اقتنع وقاله ok..وراح يقدم ع تقاعد مبكر في شهر اوكست..
استفساراتي كالاتي
لو راح زوجي لوحده هو والبنات عادي يلاقي شقه ولا يعقدوه بحكاية انه مامعه زوجته.والاماراتي قال له اسكن بالشارقه وداوم انت بدبي.
صدق انه الشارقه في السكن ارخص من دبي والكهربا والمويه يختلف تسعيرته من اماره لاماره.بصراحه مستغربه من فكرته انه نسكن في الشارقه ويداوم لدبي..
السوال المهم والاهم في موضوعي الجنسيه متى يقدر زوجي ياخدها وهل تطول .لانه انا مخططه اني اخد الجنسيه الاستراليه وزوجي رافض انه ياخدها فراح انا اخدها لوحدي ع شهر سبتمبر بادن الله فلو الجنسيه الاماراتيه ناخدها سريع فراح ابطل من الجنسيه الاستراليه.لو كانت تاخد مده طويله وانا اخدت الجنسيه الاستراليه ورحت للامارات عند زوجي وبناتي معاملتي كيف راح تكون زي الاوروبيين ولا تختلف.لانه زوجي رافض ياخد الجنسيه الاستراليه يقلي مو قويه زي الامريكيه او الاوربيه..
حاليا هدا اللي جا ابالي من الاستفسارات وادا افتكرت شي ارجعلكم ان شاء الله..سامحوني ادا الموضوع ملخبط لانه اكتب من الجوال وكمان دوبه  زوجي اكدلي انه خلاص راح يروح الامارات وسوا اوراق التقاعد...فقلت ماافي الا انتم حبايبي اللي بتساعدوني..
رجا مشرفات لاتحذفو الموضوع او تنقلوه..
وكمان العضوات اللي مو اماراتيات ولا سعوديات مقيمات في الامارات رجا رجا لا تخربو موضوعي وتقلبوه لاستهبال..