الله يجزيكن خير يا خواتي وما تقصرن
الغالية بنت الشيخه : انا يا اختي من العين وسالت دار الهجرة والسعادة قالولي ما عندهم مؤثرات .. لكن ما سألت في الشارقه مع انها اكيد موجوده خاصة بمحلات الاغاني لكن انا ما ادخل هالمحلات وعلى كل حال الله يجزيج خير واذا عرفتي شي عن هالموضوع خبريني
الله يحفظج وجميع الاخوات
اصداء
•
الصفحة الأخيرة
تعرفين,,,, لما تسمعين بعض الشرايط الاسلامية بتلاحظين انهم يضمنون هالامؤثرات معاهم...
فيا حبيبتي اذا قرب منطقتكم تسجيلات اسلامية- مش أي تسجيلات- اطلبي منهم هذي المؤثرات ومابيقصرون ان شالله,,,
شي ثاني .... اعتقد انه في محلات الموسيقى الكبيرة والمشهورة كل أنواع المؤثرات المطلوبة ماعليج الا تروحين وتسالين... ويمكن بعد يوفرولج اللي تبينه لأنه معظم مؤثرات الطبيعة اللي تكون في مثل هالمحلات تكون مع ايقاعات موسيقية وهذا اللي تبين تتحاشينه....
music box في كارفور العين هذا هو المحل اللي طاري على بالي... حسيت انه فيه كل شي... بس طبعا انتي لازم تتحرين الحلال....
التسجيلات الاسلامية هي أحسن خيار,,,,
اذا كنتي في الشارجة أكيد هناك وايد تسجيلات .... في العين قليل بس موجود تسجيلات دار الهجرة ودار السعادة...
راس الخيمة تسجيلات كبيرة اسمها (تسجيلات الدرر الاسلامية)
بعدني بسأل التسجيلات اللي حذالنا وبسأل صديقتي من راس الخيمة...
اذا شي فخاطرج مايردج الا لسانج...
بنت الشيخة...