بنات الامارات،،، حد منكن يدليني على حرمة تسوي دخون غاوي؟!!!

أختي لينا خبريني انتي في اي إماره علشان أخبرج أحسن دخون وعطور لاني اعرف كذا حرمه يسوون
دخون وايد حلو واذا تبغين الاسعار بعد ......

في وحده في دبي دخونها غاوي في الرخيص وفي الغالي

انا اخذ من عندها للمناسبات 100 درهم
وعندها 40 حبه 150 العلبه مليانه
وعندها 70 درهم

انشاء الله اني افدتج اذا تبين الرقم راسليني على الخاص

السلام عليكم اخواتي العزيزات،،،

الاخت أم عليا الغالية،،،
ياسلام عليج انتي بس،،، جيه الفزعة والا بلاش،،، الغالية ياريت لو تخبريني عن الحريم اللي يسون في دبي،،، الصراحة ما اعرف ولا وحدة وسمعت عن شقرا لوتاه جان تعرفينها،،،ما ادري جان عندج رقمها،،، ياريت لو تنعتيني على وحدة تسوي دخون من الزين وعلى ضمانتج ها،،، وخبريني بعد عن الاسعار ما عليج أمارة،،،

اترياج الغالية على الخاص وتسلمين واااااااايد


الاخت توتة الحلوة،،،

مشكورة الغالية وايد على الرد والمعلومة،،، حبيبتي ما خبرتيني عن اسم الدخون اللي تقولين عنه غاوي،،، شو اسم اللي بـ 100 وشو اسم اللي بـ 150،،، واي واحد تنصحيني فيه؟!!! ياريت لو تطرشيلى على الخاص رقم الحرمة واسعارها وبكون شاكرة لج وايد،،،

تسلمون خواتي وايد على المساعدة والله لا يحرمني منكن آآآآآآآآآمين

توتة الحلوة وانتي حلوة

ام عليا الله يخليلج عليا

واذا حد من الاخوات الفاضلات

اذا ما عليكن امر انا بعد ابي عنوان الحرمة والاسعار اذا ممكن لاني من زمان ادور عن دخون يتسوا في البيت وحدة ربيعتي عطتني رقم وحدة في ابوظبي بس وايد غالي ومب يلين هناك 0000 لنتظر ردودكن بسرعة

سلالالالالالالالالام

أنا أعرف وحدة حرمة أسمها حمامة يمدحون طيبها بس ماعندي

فكرة اذا هيه تبيع دخون:24:

وبتحصلين دخون عند محل الياسات الي في سوق الحمرية المركزي

عندة أشياء وااايد حلوة من طيب ودخون:24: