بنات الامارات ساعدوني وين الاقي خياط ممتاز للثوب الاماراتي؟؟؟

نسيت شي بعد اباكم تخبروني عن الكوشه و دخلتي للقاعه كيف تكون اعتقد كل شي بسويه تراثي شكلي جيه:26:

ياربي ولا وحده من اللي دخلوا عرفوا وين احصل خياط ولي يسلمكم ردوا عليه ليش جيه دايما لما اسالكم عن شي ما تردوا:(

هلاااااا بميووثه :27:

اولا مبروووك مقدما على العرس وعقبال الصبايا
حبيبتي مادري انتي من وين؟
اذا من بوظبي سيري الخياطين اللي بشارع المطار عندهم تخاوير روعه

بس تعالي اقولج انا بنت عمي يوم عرست زوجها بغاها تلبس ثوب وسوت الثوب وطلع روعه وسوت معاه ذيل
وفجت شعرها ولبست طاسه ذهب ومرتعشه وحزام وكفوف لانه يناسب اللبس وسوت مكياج يبرز العيون :27:
وطلعت صدج عرووووس خليجيه

وسلامتج


باااي

الف شكر لج حبيبتي دانه المزيونه بس ياليت لو تطرشيلي صورة الثوب عالخاص لو تسمحي لاني ابدا مب متخيله الثوب عالعروس وثاني شي انا ممكن اروح افصل بابوظبي لكن لو تعطيني عناوين بدبي يكون احسنلي ومشكورة مرة ثانيه...:27:

يا سلاااااااااام ماشي احلى عن الثوب على العروس .. فكره حلوة انج تلبسين ثوب من باب التغيير ..
انا ما اعرف شو احسن الخيياييط في دبي لكن نصيحيتي روحي عند مصممين مختصين في هالسوالف
وخليهم يرسمون لج الثوب رسم بحيث انه يكون مميز من ناحية القصه والتصميم وبعدها اشتري القماش ولا تنسين التوابع اللي لازم اتكون طقم مع الثوب اقصد العباة والشيله الساري والذهب من طاسه ومرتعشه وغيره والنعول
اتعرفين مرة شفت عرض في التلفزيون عن مصممة من دبي اتسوي اثواب بس شو كانن اجنان بس والله نسيت اسمها
ان شاءالله بنات دبي بيساعدنج وبيعطنج اسمها وعنوانها وعلى فكرة نسيت ما اقول انها كانت تكتب ابيات شعر على الثيبان بس بالتطريز والفصوص وكان ملفت للنظر وووايد حلو اتمنى انج تلقينها وتروحين اتسوين عندها ..
والسموحة...