up

الغالية حالياً فيه شركتين بينطرحون للاكتتاب العام

تمويل بتاريخ 27-2-2006 وبتنتهي بتاريخ 8-3-2006
والاتصالات المتكاملة بتاريخ 4-3-2006 وبتنتهي بتاريخ 13-3-2006

مشكورة ورد جوري
وعلى شو تنصحيني لأن الميزانية تعبانه؟

بصراحة مستقبل هالشركتين وايد اوكيه
خصوصاً ان شركة تمويل تطبق الشريعة الاسلامية
وشركة الاتصالات المتكاملة تعتبر ثاني شركة اتصالات في الامارات
وهالشركتين بينزلون في سوق دبي المالي

بالنسبة للحد الادنى
تمويل 20 الف سهم (( كل سهم بسعر درهم واحد ))
الاتصالات المتكاملة 5 الاف سهم (( كل سهم بسعر 3 دراهم))

في موقع www.uaesm.com/vb متخصص بالاسهم الاماراتية فيه شرح مفصل عن طريقة الاكتتاب في الشركتين وان شالله بتستفيدين منه

واذا تبين نصيحتي حاولي ادشين في الشركتين

اذا تبين نصيحتيه لا تشترين الحين تريي الين ما ينزل واشتري وخليه عقب الين ما يرتفع وبيعي

عندج في بوظبي
اتصالات نازله ها الايام وفي امل انها ترتفع قريب لانها محققه ارباح وايد وكسبانه صفقات
دانه غاز سعرها رخيص ويمكن يكون ربحج اكثر

ودبي عندج اعمار يقولون عنها هي قايدت السوق يعني ستحيل تنزل اكثر عن جذيه
واملاك تقدرين تربحين فيها لانها مب غاليه وخاصتن في ها الفتره نازله
بنك دبي الاسلامي قوي ومستحيل تخسرين فيه وايد


والله يوفقج انشالله