مرحبا الغاليات

قريت آرائكم كلكم وما شاء الله عليكم ... بس انتبهوا من سالفة انكم تسوون معرض من غير ترخيص من البلدية عشان نحن كلنا وانتوا بنات ناس وما فينا على البهدلة

ومسألة ان نحن نطبع دعاية على ورقة A4 وتعطونها للي يبيع الجرايد .. هذه بعد ممنوعة
وما يستوي توزعين اي شي من غير ترخيص يا خواتي

انا اكلمكم من باب الخبرة في الدعاية لان هذه هي شغلتي

تبون شي يكون مضمون ومحد يقدر يناقشكم فيه ... نقدر نبتدي في معارض المدارس
يعني مثلا نسمع عن معرض في مدرسة معينة او جامعة معينة (افضل الجامعات اكثر)

وننسق مع الادارة انهم يبيعون لنا الاشياء بمعرفتهم
او تتفقون مع وحده من طالبات الجامعات اوقات المعارض بانها تشرف على البيعة وكل
شي .. لان نحن ايام الجامعة كنا نسوي هالطريقة وتكون سليمة 100%

وعقب كل بنت في الجامعة تخبر ربيعتها ... والله معظم المواطنات التاجرات اشتهرن عن طريق
معارض الجامعات لان عليها اقبال جداً كبير

وأكيد عندنا هنا في المنتدى عضوات بعدهن طالبات في الجامعة
ليش ما يكون بينا تنسيق معاهن


تحياتي

هلا اختي فتون .. نحن ما سوينا شي الا الكلام وما نريد نسوي شي بدون اذن البلديه وقلنا بنتصل وبنكلمهم
وفكره المدارس والجامعات لذيذه بس من اللي تعرف المدارس والجامعات اللي يسون فيها معارض؟
كليات التقنيه يسون بزار لكنه خلص وما بيسون الا السنه اليايه .. يعني هذيل نشطبهم من القائمه

هلا بنات ... شخباركم ...
الغاليات في مدرسه في عجمان سمعت انها بسوى معرض اذا تبغونى استفسر اكثر بستفسرلكم ...
والله يوفقكم ...

فتون الامارات : هلا الغاليةبالفعل احنا ناوي ننسو ي ترخيص وكل شي يكون في السليم مثل ما قلتي كلنا بنات ناس وما فينا عالبهدلة بس بصراحة يعجبني الحماس والكل متشجع يشارك .
فكرة المعارض في الجامعات حلوة وانا شاركت في معرض من شهرين بس ما كان في اقبال كثير

يعطيكم ألف عافية خواتي الغاليات:)
أختي العزيزة فتون الإمارات أول شي أشكرج على إنج عطيتينا مثل هالمعلومات... وأكيد أي شي راح نسويه بيكون بترخيص بدء من تثبيت أول دعامة في المعرض..إلى الدعاية..وحتى نهاية المعرض... واللي عندها معلومات في هالأمور ننتظر إفادتها لنا...

وبالنسبة لإقامة معرض في الجامعة أو التقنية... أشوف إنه نهاية العام الدراسي قارب ع الانتهاء ومن هني ما راح يكون فيه إقبال بالشكل المُرضي... حلو إنه يكون في بداية العام الدراسي سواء أكان الفصل الأول أو الثاني...

أما في المدارس فهناك دورات صيفية تعقد فيها وحتى في جمعيات نهضة المرأة ...ولا ننسى إنه في الصيف يوجد مفاجآت الصيف في دبي وأكيد راح تتوفر أماكن حلوة ومناسبة ممكن الاستفادة في هالموسم من إقامة المعرض...

والله يوفق الجميع..........:)