هلا حبيبتي كوكبه

في محل في السطوه اسمه
my perfum
يبيع عطور مثل عطور باريس غاليري يعني اصليه وبسعر ارخص ويبيع بعد عطور ثانيه

وبالنسبه لمركز الطوار مو كبير وايد
وافضل عطر... انا ما جرب كل عطوره لكن يمدحون غناتي

واي خدمه ثانيه انا حاضره,, لا تقولين احراج ترا عادي كلنا خوات ولازم نساعد بعض
:26: :26:

هلا فيج أختي في الامارات..

بخصوص الجلابيات في محلات كثيرة تبيع الجلابيات منها الرخيصة اللي هي للبيت أو للزيارات العائلية يعني الأهل وفي للمناسبات والعزايم.. اليشمك والهودج وراجو الجلابيات اللي عندهم غالية يعني للمناسبات وفي بعد في سوق عكاظ وهو شعبي وبعد في الشارقة عندهم السوق القديم وهو شعبي وفي محل عند مركز أبو هيل في دبي اسمه الكشخة بلازا وبعد يبيع شيل وملابس نوم حلوة وفي مركز ابو هيل نفسه في جلابيات.. وبالنسبة للعطور ما أدري يمكن اللي سمعتي عنه انه رخيص هي العطور الي تنباع في غرش معبأة هني.. هي أصلية وانا استخدمها وريحتها تتم واحسن من الاصلية بعد لانهم يجيبونها من الشركة نفسها بالجالون ويعبونها هني في غرش 50مل أو 100 مل.. ترى العطريكون غالي عشان الشكل بس والتغليف مثل عطر الشيخ عند باريس غاليري ب500 وعندهم ب 100 فقط.. وهاي بتحصلينها عند جرير للعطور ومحلات كثيرة في السوق القديم أو سوق البحر في الشارقة

الف شكر بنات دبي انت خجلتوني بمساعدتكم لي وكان هذا عشمي فيكم

شهلة الف شكر عمري ما قصرتي انا تعبتك معي

غرشوبة بو ظبي مشكورة

ليالي دبي الله يعطيك العافية فعلا انتم خجلتوني والله يقدرني ورد لكم الجميل