بنات الا جربت اكستر ديرم تدخل ضروري

السلام عليكم

ابغي اسالكم عن كريم التقشير اكستر ديرم

اختي في وجها حفر بسبب حب الشباب ماتهتم بوجها ودائما تقشر الحبة ((لانها مالقت من ينصحها وهي صغيره))

و اوقات كثيرة تفرك وجهه بالليفة اذا استحمت على قولتها ماتبغي احد من صديقاتها في المدرسة يضحك عليها او يعلق كان وجهها مليااااان حبوب في الخدود و منطقةالصدخ اساسا الحب كان مغطي وجهها بالكامل :(

والحين هي لما كبرت متاسفه كثير على شكل بشرة وجها فيها حفر كثيرة
وعندها عقدة نفسية ماتطلع من البيت ولا تزور احد واذا طلعت لازم تحصل لها كم تعليق سواء اهل او صديقات
وترجع من جديد تتحطم نفسيتها

والله ثم والله يصير عندنا عرس ولا تروح العرس :22:
امي مقهورة منها

خلصت دراسه جامعة

وقدمت على وظيفة وطلع لها وظيفة ولاراحت تقول بعدين يضحكون عليها في الشغل

و امي زعلانه منها علشانها حابسه نفسها في البيت ماتطلع :09:

حتي اذا زارونا ضيوف البيت قسم بالله ا ماتقعد حتي السلام ماتروح تسلم عليهم

متعقده مرة من بشرتها :09:

انا قلت لها عن كريم تقشير يخفف الحفر في الوجه اسمه ((اكستر ديرم)) وقلت لها قرات في المنتدي اثناء مشاركاتي مع البنات قالت لي اول اسالكم عنه

وهذه اسالة اختي

كم سعر الكريم ؟؟
كم مرة في اليوم تستخدم الكريم ؟؟
تبغي تعرف كم المدة الا تستخدم فيها الكريم ؟؟
تبغي وحده استخدمت الكريم ونفع معها تشرح الى اختي طريقة الاستخدام بالتفصيل الممل ؟؟
وتبغي تعرف بعد اذااستخدمت الكريم تاثر عليهاالشمس لانها تحب تقعد فوق السطح :)

وبعد عندها شئ مستحية تضيفة تقول لكم
عندها بقع بنية موجوده داخل الحفر في الوجه الكريم يزلها او لازم تختفي الحفر اول ؟؟

وتقول لكم اختي وهي تمليني الكلام تقول لكم
الله يرزقكم سعادة الدنيا والآخرة
والله يفرج هم كل مكروب فيكم ويوسع لكم في ارزاقكم

وتقول لكم بعد اعذروها على الاطاله في اسالتها

فرجتوا لها هم الله يفرج هم كل وحده فيكم :)