هلاااا اخت عواطف00
اشكرك عزيزتي على الرد والترحيب:26:
وفعلا اخذت من اللؤلؤه جلابيه من الغريب كانت مره ناعمه وحلوه وجديده
الكل انهبل عليها00واخذت منها اختي بعد وحده حلوه
هلااا مريم
مشكووووره على الرد والترحيب:26:
ما قصرتي والله انتي والاخت عواطف
بالنسبه لجلابيات الغريب الي اخذتها مره كانت حلوه
رغم انه مو اي شي يعجبني 00 يبيلها تنقيه
وبالنسبه للحر عندنا وعندكم خير
حتى حنا انصلخنا من الحر 00 يالله اتعودنا عليه
ما قصرتو بنات
:24: :26: :24:
مراميه
•
الصفحة الأخيرة
اول شيئ انا اسفه على التأخير اختي مراميه ...
انا بوصف لج اللي اشوفه شوفي اذا بغتين الجلابيات تحصلينها بسوق المحرق اكوو محلات ووايد واكو محل مااذكره بالظبط اتحصلين فيها الجلابيات بخياط وبدون خياط حليوة كلش وسعرها ارخص من الاماكن الثانيه ..عندج محلات الغريب حلوة جلابياته بس انا ما تعجبني كلش يعني تحصلين وحده حلوة في مليون بس اشوف العالم هاب فيه ...عندج بعد السعفه اسمع يقولون فيها جلابيات انا شخصيا مادري ما قط رحت .. على فكره السعفه في الرفاع عندج محلات في مجمع العالي واليشمك في الرفاع ..بس هذي اللي اذكرهم بس اركز لج على سوق المحرق الجلابيات عندهم ...
اما ملابس الاطفال فانج تحصلين في مارينا مول بالطابق الارضي عند رعايه الامومه مذر كير ومحلات بوسني يم الرعايه تحصلين فيها ملابس اطفال حلوة لسن من يوم الى اعتقد 7 سنوات او يمكن 6 سنوات .. في مجمع السيف والعالي بس غالبا الاسعار مو معقوله وتحصلين بعد بمجمع البحرين بس السعر مو اوكي
بالنسبه للسوق الشعبي اكو سوق واقف بس يا اختي حر وايد ما تقدرين تمشين بس تحصلين فيه اشياء زينه يعني اكو داشاديش حلوه عندهم ...اكو السوق الشعبي بس ماانصحج تروحين مافيها اماكن الا حق المواعيين وقليل حق الملابس
والله ما اشوف منتزهات يعني اكوو بس المائيه اذا رحتين تموتين من الحر ..بس اكو اماكن سياحيه حلوة بس انا والله ما شفتها ويبي لها يعني يبي ليها مبلغ محترم جزر حوار وجزر الدر واكوو عالم فتون حق الاطفال في مجمع البحرين واكوو صاله العاب وايد حلوة في مجمع الدانه حتي انتي تقدرين تلعبين يقولون الى سن 50 سنه يقدر يلعب بالعابها عندج النادي البحري والكورنيش حلوو حق اليهال