بنات شخباركم؟؟ وحشتوني

بغيت اسألكم بخصوص كرسي السيارة ..

ولدي الحين صار عمره حوالي 7 اسابيع: 49 يوم..

واني شفت في مذركير كرسي سيارة ينسدح (مو مشة بالمئة يعني) ويتقعد.. بس زوجي يقول ما يصلح له بعده صغير.. مع انه ينسدح..

اني بموت من الحبسة ولازم اطلع ويا زوجي.. وحتى الاماكن القريبة ما يخليني اروح بروحي.. واتملل اذا هو على الزام وابي اروح بيت ابوي.. وهو مو حاس فيني.. >>> قصة عمري

عادي اذا كمل شهرين آخذ له كرسي سيارة واحطه بسيارتي؟؟

هلا وغلا بالغاليات
شكثر انقهر اذا اقعد اهذر واكتب وبالاخير ينمسح الكلام
ولا لي حلق اكتبه مره ثانيه اووووووووووف

عموما وردة البحرين رديت عليج رد شطوله وانمسح خخخخ
مابرد اكتبه مره ثانيه عليه العوض ومنه العوض

أم صباح
ما يشوف شر حمودي والله يواليه العافيه
والله يستر اذا شرفنا البيبي ولد شلون بتحمل تطهيره
صج مأساه البيبيات الصبيان :(

هديل اهلين واخيرا طليتين علينا حبوبه
اتوقع ان كرسي السياره مو زين للبيبي بهالسن
توى على قولتهم عظامه طريه لا يتعور
نطري بعد شتسوين او قبل يروح زوجج الشغل خليه يوديج عند اهلج
او احد من اخوانج او ابوج يجونج يأخذونج من شقتج الله يعينج عالحبسه

صبرك ياقلبي هلا وغلا
ها انتين للحين هني ما خلصتين اغراضش بعدش ريضه يعني
يالله حبوبه خلصي وفكينا ترى حاملين همج احنا بعد نخاف تولدين
وبعدين تغربلين ابو الشباب والماما في تقضي حوايجج وكيفج
ترى ما يجيب الراس الا ذوقج

ملوووووك شكلها للحين تفتر على التوزيعات مدوخه نفسها :)
الله يعينها اهم شئ تعرضهم لنا وتعطينا التفاصيل يمكن نستفيد منهم
لاندوخ روحنا اكثر من جذي

يالله صبرك ياقلبي مبروك مقدماً على فك الحصار
بكره انتين بينا بدون بلاقيود واطلقي لقلمك ومشاعرك العنان
خخخخخخخخخخخخخخخخخخخ

السلام عليكم
هديل البحرين:
اووووووووه الشمس من وينه طالعه؟؟؟
واخيرا قلتين اطل يمكن في كوسجن شي ماشيات
مادري والله عن كرسي السياره بس اذا هو يصير ينسدح يتراولي عادي
بس اسالي اهل الخبره

ام علااااااااوي:
ههههههههههه وين اخلصهم اني اخلص اغراضي لو اغراض البيبي لو اغراض ملجه اخوي
او اتفرغ لويش مادري..
ان شاء الله هالاسبوع اخلص اغراض البيبي لان ملجه اخوي اخذت لي جلابيه واكسسورات تناسبها باقي احجز صالون وخلاص
والبيبي *****الله يومين ثلاثه بخلصهم لان اعرف شنو ابغي ومن اي المحلات يعني بس اروح اخذهم وامشي

اما التوزيعات مخليتنهم اخر همي لان منزله صور اشكاااال واجد اذا دخلت التاسع بشتري الاغراض وبشتغل عليهم
واوردي مابسوي شي فخم شي بسيط وناعم لان حجرتي مافيها مكان حق ابره زياده مو ستاند فخم بعد

ورد البحرين وام علاااااوي وصبرك ياقلبي
الشر ما ييكم ان شاءالله ومشكورين على ردكم لي وحبيت ابشركم ان الحمدالله نزلت حرارته بس صوته رايح حتى الصياح الحين عنده خفيف من كثر ما صاح وصرخ يوم الختان بس ان شاءالله مع الايام يرد صوته ان شاءالله،والحين اعطيه حليب دافي عشان يدفي بلاعيمه
وقريت في المنتدى من اشوي ان البكاء المفاجئ والحاد يسبب ارتفاع في درجة الحرارة مع التهاب

اللهم سهل حملهم وولادتهم اللهم آمين