&& ورد البحرين&& :

مـلآك: الله يسمع منش وتتسهل الامور, اليوم صمونا بالخبر انه بنخلص التدريب تاريخ 15/7 للحين متفائلة اني بخلص وبعدين بولد هههههههههههههههههههههه.. بالنسبة لسالفة اغراض السباحة, اذا كنتين بتولدين في السلمانية فأكيد بيعطونش هدية عينات مجانية شامبو وصابون جسم وزيت ومناديل جونسون, وتقدرين تخلين هذي الاغراض كلها لنهاية الشهر لين جيتين بتشترين اغراض البيت العادية تشترينهم وياهم.. بس انصحش انه تشترين حليب صناعي اكيد حتى لو تبغين ترضعين البيبي طبيعي بس اذا عندش ناس بتستحين قدامهم وانتين توش جديدة يمكن ما بتعرفين ترضعين, ويمكن بعد تحسين روحش تعبانة وما تقدرين ترضعين.. وفي كلا الحالات ما بتخسرينه.. صبرك يا قلبي: اسم ولدي احمد وكاتبتنه في التوقيع.. والنونو ان شاءالله الجديد بنسميه يوسف.. سالفة التنقع ما يحتاج تتنقعين ولا شي, اهم شي سوي ليش محلول سافلون مخفف بالماي مثل ما مكتوب على العلبة مالة السافلون, وخليه في غرش مصكوكة عشان يكون ضمان نظيف, كل مرة تدخلين الحمام مجرد تغسلين روحش من فوق لفوق, وتنشفين روحش زين, وبعدين تحطين كريم على الخياط.. وبس شوفي النظافة والعناية سهلة.. اهم شي طول فترة التئام الجرح على طول تقعدين على اشياء لينة وتخلين رجولش مضمومة (مصكوكة) عشان يلتئم الجرح عدل وما يخترب الخياط.. وبترجعين احسن من الاول.. ام حورية: اهلين وسهلين.. وان شاءالله على طول بنطل عليش في التجمع واكيد ناس جديدة بتنضم للتجمع بأذن الله.. بالنسبة لشق العجان فالقانون في السلمانية والمستشفيات الحكومية ما يسونه لش إلا اذا كنتين محتاجة.. وانتين تقولين ساعة ونص يخيطونش فمعناته لو ما شقوش ما قدرتين تولدين.. والمرة الجاية بينتظرون عليش للأخير يمكن تحتاجين ويمكن لأ.. صديقاتي اربع توهم والدين وما احتاجوا خياط ومستانسين.. اني بولدي اول شي شقتني وبعد ما قدرت اولد وطلبت منها تشقني مرة ثانية وبالغصب ولدت.. وساعة كاملة تخيط فيني غير الخياط اللي عذبني فترة طويلة عشان يلتئم, وهالمرة اكيد بيخيطوني لأنه دكتورتي قالت لي 100% بحتاج خياط ولا ما بولد, وبعد المثانة عندي صادها هبوط خفيف بسبب ضغط الولادة ومحتاجة اسوي عملية بعد ما اولد, فأني بطلب منهم يشقوني قبل كلشي وبعده ما فيني شدة تزيد نسبة هبوط المثانة واحتاج لعملية اكبر.. كريم ميبو مااقدر على ريحته ومستحيل مستحيل افكر استخدمه خياااااااااااااس غير طبيعي,, يتراوليي لو افتحه بيغمى عليي.. كفاية الكريم اللي بستخدمه مخدر ومعقم راح يسوي خبر.. ام علاوي: شحوالش ان شاءالله زينة..؟؟ الحمدلله على ارتفاع نسبة دمش اتحملي بروحش وباكلش وكلشي بيصير اوكي..

مـلآك: الله يسمع منش وتتسهل الامور, اليوم صمونا بالخبر انه بنخلص التدريب تاريخ 15/7 للحين متفائلة...