سلام عليكم يالحلووووين
شخباركم شمسوين عساكم بخيييييييير؟؟؟

قطع الليل ونبض الفرح:
ياهلا وغلا فيكم في التجمع
اخباركم يالحلووووين

قطع الليل:
اذا بتشوفين التجمع من البدايه بتستفيدين من اشياء واجد كل مره طالعي لش جم صفحه
لان في كل المعلومات اللي تبغينها من اسماء محلات وكل شي عنهم وفي صور بعد

نبض الفرح:
الله يعينش والفال لينا


ملاك:
هلا وغلا حبوبه
انتي شخبارج شمسويه عساج بخييييييير؟؟؟
خخخخخخ توش صغنونه 18 سنه اني 19 سنه
اني اكبر بسنه
شهر 6 بدش 20 سنه

ورد البحرين:
رفيقتي الجميله ماهي اخبارك؟؟
شحوالش وشحوال احمد والنونو اللي داخل كلهم زينين؟؟

يلا اشوفكم على خيير يالغالياات

هلا يا الحلوات.. شخباركم وشخبار الحمل وياكم؟؟

اول نقطة.. استغربت منكم تقولون الخياط اخذت فيه ساعة وساعة ونص
اني بالسلمانية يمكن ما اخذ الا سبع دقايق.. ووالدة شهر 2 يعني مو من زمان..

امم ثاني نقطة .. اني السلمانية ما عطوني ادوات استحمام ولاشي ما عطوني كم حفاضة وفوط صحية ..فحملوا احتياط.. صح مو لازم من اول يوم تسبحونه بهالاشياء.. بس احتياط..

ثالثا:: ولدي اكو استخدم له منتجات جونسون والحمدلله ما فيه الا العافية ولا قشرة ولا شي.. اذكر اخوي طلع له قشرة (بالاحرى يسمونه قشبع) وهو صغير بس هاي مو من الشامبو..

صبرك يا قلبي: اني تدرين امي ذبحتني طول فترة الحمل وهي تقول زوجش اسمه فيه ابو علي.. وكله تسمي البيبي علاوي.. لكن عناد للكل سميته محمد ههههه ما عليش من احد وسمي الي يعجبش..
والنقط حبيبتي اسمها سالينال.. زوجي يشتريها من صيدلية جعفر بـ 700 فلس..

ملاك : توني ادري ان عندش ولد بعد.. فكرتش بكر خخخخخ.. الله يحفظ لش حموووود ويجيب يوسف بالسلامة..

تجمعكم حليو... خسارة ما لحقت عليكم >>> عاد اهم شي ولدت واقتكيت الحمدلله

سلام شخباركم بنات ديرتي..
شكلكم كلكم بتولدون قبلي :(
هذا اول واحد و توني في الشهر الثالث..و حدي مستعجلة متى اولد خخخخخخ
و مستعجلة ع التجهيز..نسوااان نحب السوق و الهياتة :)
ان شاء الله اذا بديت اجهز لازم افتر ع الموضوع من البدية..

اهلين اختي .. صبرك يا قلبي ..
انا من فترة ابتديت اقرأ في الصفحات .. وحصلت كذا محل حق ثياب وهالسوالف خخخخخخخ

ان شاء الله اذا احتجت اي شي ادري فيكم ما بتقصرون :)
يالله سي يوو

السلام عليكم..
شحوالكم بنات؟؟ ان شاءالله كلكم زينين وبصحة وبسلامة :)

ملآكـ:
اهلين خيوووو.. اني الحمدلله زينة والبيبيات بعد اوكي..
ما ابغي اخوفش عن الثقل, بس الشهر التاسع بسرعة يزيد وزن البيبي كل اسبوع في حدود 200-400 غرام, غير عن قبل زيادة وزنه تكون بطيئة.. فكلما ظل في بطنش بيبكر وبيزيد الثقل والتعب :( لكن الشي اللي يفرح انه بيطلع حليو وامتكتك وابو خدود :42:
والعمر كله حبوبة :) اني انخطبت وعمري 18 واتزوجت وعمري 19 الباقي مااعلم :42:.. واني بعد نهاية شهر خمسة عيدميلادي, اللعام صرت 23 والسنة بعد 23 هههههههههههههههههههههههههه

قطع الليل:
اهلين حبوبة.. ولكمووو في تجمعنا..
تجهيز البيبي اهم شي الميزانية من البداية تشيلون للبيبي اول بأول مبلغ.. والتجهيز امره سهل كلها جم طلعة وانتين مخلصة خاصة ثيابهم.. لكن تبتدين من السادس او السابع احسن عشان ما يزيد الثقل ويصير التسوق صعب وعشان ما تشترين الثياب من وقت ويتغير الجو او تطلع موديلات جديدة وتتحسفين :icon28:
واذا على محلات ثياب الجهال واجد وافضلهم سنتربوينت اما القماطات والفراشات فكل ناس وليهم راي غير..
وحياش الله..

نبضة فرح:
اهلين خيووو.. والله يعينش على السهر ويا البنوتة.. اهم شي سوي لش نظام. مثلا كل يوم تسبحينها في وقت محدد وحاولي تبطحينها على بطنها عشان الغازات تطلع منها بس مو تهدينها بروحها!! وهي في ايدش.. ولا تخلين كل شوي احد يدخل عليها عشان ما يعتفس نومها.. وان شاءالله بينتظم نومها وبترتاحين..

صبرك يا قلبي:
اهلين رفيقتي واختي الغالية وحبيبتي وويش بعد؟؟ ماادري ويش .. <<< كل هذا عشان قلتين جميلة :42: ههههههههههههههههههههههه
اني الحمدلله تمام والانتاج كله تمام (( ليش قاعدة في مزرعة انتاج؟!!))...
انتين شخبارش ان شاءالله زينة؟؟ جهزت توزيعاتش ولا للحين؟؟

هديل البحرين:
اهلين خيو..
الخياط والله يعتمد على الجرح واللي تخيطش بعد.. اذا الجرح غزير واللي تخيطش بطيئة حسبيها عاد.. اني اخذو ساعة لأنه البيبي كان امتكتك واحتاجوا يشقوني مرتين فانتين عاد حسبيها.. غير ان اللي خيطتني قالت لي بظبطش واني ما كنت افهم وش السالفة او وش تقصد.. الا الاخت خيطت وخيطت ورجعتني ازيد من البنية خخخخخخخخخخخخخخخخ..
وليش ما عطوش السلمانية عينات استحمام مجانية؟!! هم على طول عندهم.. يمكن بالغلط نسو يعطونش.. حماتي تشتغل ممرضة في اجنحة الولادة وعلى طول تجيب لينا عينات مجانية يقولون الزايد واللي الناس ما رضوا ياخذونه..
وملاك بكر.. انتين تقصديني... اني اللي عندي حمود وبجيب يوسف :42:

يا رجائي في شدتي:
اهلين خيو..يمكن انتين اخر وحدة بتولدين بس لازم في ناس بتحمل وبيدخلون التجمع وياش.. غير ان احنا ان شاءالله لازم بنشارك في التجمع..
والايام بسرعة تمشي بتشوفين انش بسرعة ولدتين وعندش البيبي وما بتصدقين.. والله يثبت لش حملش..

بنات ذكرت شغلة.. محد تكلم عن جهاز سمع صوت البيبي.. اللي تخلين واحد ويا البيبي وواحد وياش برة الغرفة, ترى واجد مفيد اني عندي واحد احسن من كل شوي تبطلون الباب وتقعدون الجاهل..
والشي الثاني عن الشفاطة ((شفاطة الحليب)).. هذي بعد واجد زينة, كانت عندي وحدة يدوية لأنه قالوا ان الكهربائية تأثر على الرضاعة وتتعب الصدر.. وهالمرة بشتري ان شاءالله الشفاطة اليدوية اللي دايركت موصلة بالمرضعة.. احسها واجد مفيدة وعملية..