jafalove :

هلا وغلا شخباركم انتو وكروشاتكم ابي اسألكم خصوصا اللي فيكم حامل ببنت:42: تجيكم ضيقه وتحسون انكم ماتقدرون تاخذون نفس خصوصا وقت النوم ؟؟؟ اللي تصيدها ياليت تخبرني شسوت علشان تخف عليها وراحت المستشفى ولا لاء وبالنسبه للمزاج فهو زفت من قلب ولله الحمد حتى ولدي :arb:مسكين اضربه ضرب كبار مو ضرب جهال حتى ساعات لمن يعوره الضرب يقعد يصيح ويروح يحضن ابوه يقول انا ماحبش احب البابا ويبوس ابوه ويحضنه وبعدها يرجع يقول آسف ماما انا احبش وعاد تعالو شوفو المناحه اقعد احضنه واصيح ويأنبني ضميري وبس يرجع يعاند يرجع كل شي مثل ماكان أحس روحي بستخف كل شوي بحال صايره حساسه وزعوله واصيح على اقل شي غير هالبلاوي اللي تصيدني غير سالفة الضيقه والثقل كله صداع كأنه فيني بلاعيم بس مو بلاعيم:22: اوووووووووووووووووووووف ملل متى اولد وافتك :22: :32:

هلا وغلا شخباركم انتو وكروشاتكم ابي اسألكم خصوصا اللي فيكم حامل ببنت:42: تجيكم ضيقه وتحسون انكم...

&& ورد البحرين&& :

صباح الخير.. سلام عليكم بنوتات... وحشتوني جميعا جميعا.. شكرا ليكم على سؤالكم عني والله وفيكم الخير ما قصرتون.. ((ما بذكر اسماء اخاف انسى احد ويزعل مني, بس قريت كل ردودكم)) ما شاءالله صار لي جم يوم غايبة عنكم وللحين التجمع نشيط.. اني غبت عنكم لأني ابتديت من يوم الاحد تدريب, يوم السبت حاولت ادخل لكن النت كان فيه مشكلة واليوم توه تصلح.. حدي يومين كنت نهار وبعدين صرت آخر ليل.. ما تتخيلون الوضع رجعت البيت الصبح طارت النومة بس امشي من غير توازن كأني سكرانة, وبعدين يالله اخذت ولدي ونيمته عشان انام... آآآآآآآآآآآآآآآآآه ما نمت الا اربع ساعات.. بس ما عليه تجربة جديدة وممتعة.. شفتين صبرك يا قلبي وام علاوي حسدتوني هههههههههههههههههههه.. اتذكر ملاك سألت عن جهاز سماع صوت البيبي.. هذا الجهاز اقترحته علي امي لأنه استخدمته لينا يوم كنا صغار (( تخيلي)).. اشتريته من مذركير ماركة جونير ب7 دينار اعتقد.. والحمدلله واجد ريحني وللحين شغال وخاشتنه حق النونو الجديد.. وحماتي بعد اشترت نفسه والحمدلله ثنتينا حسيناه انه زين.. وقفلنا الغرف عن اخوانا لا يقعدون اولادنا هههههههههههههههههههههههههه.. بس ما اعرف اذا كان في ماركات افضل.. وفي نفس الجهاز يجي معاه كاميرا تشوفين البيبي بس سعره واجد اغلى في حدود ال 60 او 80 دينار.. وسألتون عن الحليب الصناعي.. الصراحة من جاهل لجاهل يختلف.. كل واحد معدته وتحملها للحليب, اول شي جربت نان وولدي كلش ما عجبه وغير انه صاده امساك فضيع منه وكنت بس اعطيه رضعة وحدة في اليوم ويصيده الامساك.. وبعدين غيرته ل بيبيلاك والحمدلله واجد ارتاح عليه.. حماتي ولدها ما ارتاح حتى على البيبيلاك وودته لاخصائي اطفال وقال ليها افضل حليب واخف حليب هو الابتيميل.. والحمدلله ولدها بعده واجد ارتاح.. وطبعا مثل ما قالت الاخت احب التطريز ما في على الرضاعة الطبيعية.. بس احيانا الظروف تمنع.. اني كنت في البداية بس ارضع ولدي طبيعي وما عطيته صناعي لمدة ثلاثة اشهر وبعدها ابتديت دراسة, قمت اشفط له حليب واخليه في مرضعة, وامي تحاول تعطيه لما اكون مو موجودة, وكان ما يرضى نهائيا يشرب اي شي, ينام بصياحه وجوعه ولا يشرب.. لدرجة في الاخير صاده جفاف وندمت على اللي صاده.. ومو كل وقت بتقدرون تشفطون حليب وبتخلونه الشي مو سهل.. احسن شي الاعتدال.. واللي سالوا عن البوكس المقسم موجود في رامز والانوار.. بس هو مو في قسم للاطفال لا. في قسم البوكسات يبى ليكم تحوسون مني مناك عشان تطلعونه.. بعد موجود في هوم سنتر بس مااتذكر بجم.. جافا لوف: حرام عليش تضربين الجاهل, كلنا تجينا حالات النفسية فيها زفت ولله الحمد.. ترى بيكرهش.. وكلنا اولادنا شياطين لو اكتب لش عن سوالف ولدي تستغربين لكن ماخذتنه بالطيب والحمدلله اشوفه احسن من قبل.. اما عن النفس اللي ما تقدرين تاخذينه فهذا من الثقل وشي عادي كلش.. اغلب الحوامل يحسون فيه.. حاولي تنامين على جنب بترتاحين.. وبرزي روحش للسهر من جديد.. من قلة النوم بتزيد عصبيتش ومن الغيار بعد.. فإذا ما جودتين اعصابش واجد بتضربينه وهو ما بيقصر في اخته.. الله يسهل عليش ويقومش بالسلامة.. يالله الحين بقوم وبخليكم, وان شاءالله كلما قدرت بدخل اسولف معاكم.. وانشوفكم على خير..

صباح الخير.. سلام عليكم بنوتات... وحشتوني جميعا جميعا.. شكرا ليكم على سؤالكم عني والله وفيكم...