أم حورية :

شخباركم حريم وشخبار الحمل وياكم ؟؟ بما أنه الموقع يفتح عندي بدخل كل يوم وبهر قبل لا تدق عليه وما ينفتح عندي أحيانا أربعة أيام ما يفتح كأني مطرودة صبرك يا قلبي أني الحمدلله بخير كله أشرب ماي وطول يومي في الحمام متعقده أخاف يصيدني جفاف والتهاب مثل الحمل الأول وترقدت بالنسبة للتجهيزات أحس لسه بدري عليها لأني بعدي في الشهر الرابع إذا دشيت السابع ببدي أجهز داك اليوم وداني زوجي بيت الحوامل اللي في مدينة عيسى عجبني طقم فراش وشنطة وفستان وقماط قطن واللي يحطونه على المرضعه ب37 بس قلت مابتسرع بدور بعد بعدهيه وقت . بالنسبة لسؤالش عن أستخدام الموانع أني بعد ولادتي الأولى كنت أستخدم المانع الطبيعي وفعلا ما حملت وناوية هالمرة استخدم المانع الطبيعي بصراحة أخاف من الحبوب ومستحيل أجربها أخاف تسبب ليي العقم أو تمتني أخاف أصير دبدوبة كفاية أني باقي نقطة وأصير دبدوبة الحمدلله الطول نافعني صبرك يا قلبي يالقمر صدق قعدت البيت ما في أحلى منها نوم وأكل وتلفزيزن وراحة بال وبتربين أولادش وما بيتغربلون ولا بيضيعون لكن ماديا ما بتكونين مرتاحة شهريا تنتظرين الفلوس من عند زوجش وعندش ألف شي تبغين تشترينة وخصوصا إذا صار عندش أطفال تبغين تكشخينهم وتلبسينهم أحلى الثياب والماركات وما تقدرين لكن إذا عندش معاش بتشترين لش وإلى أولادش كل اللي خاطرش فيه هذا غير أنش بتساعدين زوجش في شراء أرض أو بناء بيت إل إذا كان زوجش تاجر وبيعطيش ديك الشهرية اللي كأنها معاش بيصير ما في أحلى من القعدة في البيت وتربية الأطفال وتدريسهم ملاك لش وحشه ريتاج ازيك وازاي العيال وبتولدي في البحرين والا في مصر أخخخخخخخخ على مصر أم الدنيا خاطري أسافر مصر وأشوف الآثار واشتري ليي من ثيابهم ومن القطن المصري باقي البنات شخباركم كلكم ؟؟؟ وينكم عسى ما شر ما تبينون ؟ عندي سؤال لكم كلكم بما أن فيي بنوته أن شاء الله أي أحلى اللون الوردي أو البنفسجي محتارة بين هاللونين أشتري فراش وردي وإلا بنفسجي؟؟

شخباركم حريم وشخبار الحمل وياكم ؟؟ بما أنه الموقع يفتح عندي بدخل كل يوم وبهر قبل لا تدق عليه...

صبرك ياقلبي :

السلام عليكم كروووشات شلونكم شخباركم شمسووووين؟؟؟ ام حوريه: هلا فديتش شحوالش؟؟ اييي دام انتي في الرابع يعني لحين توها الناس على التجهيزات عبالي مثلنا قربت الولاده اني باقي لي 10 ايام واخلص التاسع واذا ماولدت بيعطوني طلق صناعي الله يستر ومشكوووره حبيبتي عالرد على سؤالي اني زوجي مو راضي اشرب حبوب كلش يقول مو زين وله اضرار واااااجد حتى مرت حمي وخواتي يقولون احنا الحين اربع سنوات وفوق وماحملنا على اولادنا ومااستخدمنا شي لا حبوب ولا موانع ولا غيره امم بالنسبه للألوان الوردي والبنفسجي حلوووين جهزي من اللونين لان اشوف بنت اختي عندها فراش بنفسجي طالع عليها رووووووووووعه وحتى الثياب الورديه والقبعات وجي حدهم فنن على البنوتات يعني نوعي يتراولي احلى يصير نوره: هلا حبوبه شخبارج وصلتي اي شهر؟؟ ومتى الولاده؟؟ ههههههههههه اذا انتي تتخلين روحش بتحطين من فوق السرير يعني بتاخذين احتياطات عمري ماتخليت هالشي شلون طحت ماادري امم بالنسبه لسوالف النفااس امي وخواتي قالوا لي بعد لازم تحطين الملح مثل ماقلتي يرجعج بنت وينظف الرحم تقول لي اختي اشكرى بتشوفين الوصخ بعيونش وبعدين هذي اعشاب ان مانفعت ماضرت بس تنفع لان مرت حمي بعد قالت لي انها عقب كل دوره اخر يوم تحط لها ملحه تقول صج تقعدين يوم ثاني تشوفين الوصخ يعني صج تنظف الرحم مو هرار السوائل سمعت ان الاشياء البارده عموما كلها مو زينه والتدفي ضرووري يعني مو تسبحين وتطلعين في الايسي

السلام عليكم كروووشات شلونكم شخباركم شمسووووين؟؟؟ ام حوريه: هلا فديتش شحوالش؟؟ اييي دام انتي في...