صبرك حبيبتي اسعي والله معاج
لاتخلين يدج على خدج وتقولين هذا الي مكتوب لي
يالبطه ما باقي على موعدج الا يوم الله يسهل عليج ياااااااارب
وترتاحين من هالثقل والمحاتاه

الحين انتين موعد ولادتج 17/5 لاتحاتين يقولون البكر اكثر شئ يأخرون

وين باقي الكروشات لاحس ولا خبر

سلام شخباركم حبايبي ؟؟
وحشتوني

صبرك يا قلبي أني بعد ما غبت يومين عن التجمع قلت أكيد ولدت صبرك يا قلبي يالله للحين الله ماكتب أنش تولدين (انما أمره إذا أراد شيئا ان يقول له كن فيكون)الله يسهل عليش

أم علاااوي الله يسهل عليش

ورد البحرين الله يسمع منش ويرزقني بطفلة سليمة ويعطيني اللي في خاطري ويعطيش اللي في خاطرش بالنسبة للمكياج مستحيل أحط جان يصكوني بعين ولا أقدر أقوم وأتكسر نسوان أخواني أكبر حساد مافيي شدة خلني بصفرتي أحسن

يا رجائي بالنسبة للموعد البنات ردوا عليش ما قصروا الموعد الأول بس أسئلة حق يفتحون لش فايل حق متابعة الحمل والموعد الثاني ياخذون الوزن ويجيكون زلال البول والhp حق نسبة الدم ويقولون لش امبطحي حق يسمعون دقات القلب وصوت المشيمة وبس وأحيانا يكشفون على صدرش هل فيه غدد لا سمح الله أو أنه طبيعي وخلاص

يا رجائي حبيت أسألش بالنسبة إلى امتحان وزارة التربية ما أتصلوا ليي حق النتيجة يعني ماأدري نجحت لو لا السنة واجد تأخروا شكلهم كلش مو ناويين يوظفون أنتي اتصلوا فيش حق النتيجة؟؟

هلا وغلا
شخباركم ان شاء الله بخير
صبرك ... الله يسهل عليش وتولدين بسرعه وتقومين بالسلامه انتين وولدش وتفرحون بشوفته يارب ياكريم
ام علاوي ... شخبارش الحين الله يقومش بالسلامه
أم حوريه ... شخبارش ويا الثقل والتعب الله يقومش بالسلامه
باقي البنات
ملاك ... ورد البحرين ... يارجائي ... هديل البحرين ...
أمس كنت بايته في بيت اهلي وجاني طلق على خفيف يروح ويجي كل ربع ساعه
ومره وحده ضرب لي ضربه في الظهر صرخت الا ابويي وامي جو لي يقول بتصل في زوجش يجي المستشفى لينا وقومي بوديش الحين الحين مافينا شده يصير فيش شي واني اتألم واضحك وخايفه مادري شلون صرت الا شوي خف عليي الالم وقلت ليهم خلاص راح برد انام مافيني شي وطول الليل مانمت من وجع الظهر وقعدت من النوم الصبح الا صرت اوكي .......... معقوله يكون طلق كاذب
الله يقومنااااااااااا كلناااااااااا بالسلامه يارب

سلام كروشات شخباركم شمسووووين؟؟

ام علاااوي:
هلا وغلا
شخبارش شمسويه؟؟
ان شاء الله اليوم بروح امشي لان باجر معطيني موعد تخطيط ومادري شنو
وبيقررون يعطوني طلق صناعي او لا
ان شاء الله اولد الليله قبل ماروح لهم باجر ومادري شيسوون فيني

ام حوريه:
هلا حبوبه شخبارش
لا والله لحين ماولدت
مقاومه عندي للحين
ادعي ليي له

جافا لوف:
هلا وغلا شخبارش شمسويه؟؟؟
هااا جهزتي شنطتج وشنطه البيبي مال المستشفى؟
وشنو حطيتي فيهم؟؟
هذا عادي مو طلق يسمونه ريح استقبال على قولتهم
اني بعد يصيدني جدي طول الليل ماانام من الالم اللي يصيدني واقعد الصبح جني البخت مافيني شي
سالت هديل البحرين قالت هذا عادي
وسالت خواتي قالوا لي ريح استقبااال
الله يسهل عليش

هلا أختي جافا لوف شخبارش ؟؟
أني للحين في الرابع يعني للحين مافي ثقل أما بالنسبة لش فطبيعي تجي أوجاع وتقلصات ويمكن البيبي نزل لش في الحوض عشان يستعد للخروج من الرحم من جدي جاش وجع كثري من أكل التمر على الريق سبع تمرات وكثري من المشي والله يسهل عليك