كوبونات الراقية تسجيل الدخول

أم علااااااوي
أم علااااااوي •
هلا وغلا ما شاء الله كل الحبايب نوروا

ملوووووووك
نورتي المنتدى برجعتج يالغاليه
والحمدلله انج بديتي تصيرين احسن
و الله يعين حمود على الختان و بلاويه
وين ختنتين ولدج؟؟
وننتظر قصة ولادتج على ناااااار
والف حمدلله عالسلامه والله يعطيج العافيه

ورد البحرين اخيرا صرنا نستاهل ونتشرف بردج
حشى وايد طولتين اخر مره تتعززين علينا
ندري مشغوله بس مو تقطعينا كل هذا
<<<< شافت روحها فاضيه الحين وتبي
الكل يفضى لها خخخخخ

الضغط عندي يلعب مره فوق مره تحت مره اوكي
فأني هاملتنه ولا اعور راسي معاه يقولون لي كل يومين
اقيسه او اخذ جهاز بس اني مطنشه لان تعبت بس اول اسبوعين اهتميت
والحين تركته يولي لاني احس اذا احاتيه بيزيد فجذي خله يولي يرتفع وينزل
و يصير اوكي على كيفه بدون سبب

بعدين ليش توقعتي ان البيبي بيطلع صغنون؟؟
للعلم ان امس موعدي ووزني ما زاد حتى الدكتوره
تقول لي 4 اسابيع ولازاد وزنج حتى بوينت واحد
بس مشكله ماعندهم سونار علشان اعرف وزن الياهل
بس يوم الخميس عندي موعد في ابن النفيس وبنشوف
البيبي زاد لو لا

الله يسهل عليج واني دخلت التاسع من امس :)
وانتي ان شاء الله تتمين اغراضج و التريننق
وبعدها تولدين بالسلامه ياااااااااارب

هذرت عليج وايد والله العالم متى بتدخلين وبتشوفين هالقرقه
خخخخخخخخخخ

صبرك ياقلبي
ياقلبي والله الحمدلله انج رضيتي
كل شئ ولا زعل الغاليين :)
ومحد يقدر يزعلج اذا بتعاقبين البيبي معاج
خخخخخخ
يالله نسمع خبر ولادتج في اقرب وقت
وان شاء الله من تروحين العصر يولدونج
ولا نشوفج بالمنتدى الا و معاج البيبي :)
صبرك ياقلبي
صبرك ياقلبي •
ام علاااوي
رجعت ماولدوني ههههههه

رحت سووا لي تخطيط وعطوني موعد باجر الساعه 8 الصبح طلق صناعي
دعواتكم يالحلووووين
&& ورد البحرين&&
&& ورد البحرين&& •
اهلين بنوتات..
اليوم فاضية شوي كل شوي ادخل واطل عليكم هع هع من خرعة الفضاوة..

ام علاااوي:
والله من زمان تستاهلون ولا اني مو وجهي وجه تجمعات لكن للجميع معزة على قلبي.. وش نسوي الحال كسيفة..
اتوقع البيبي بيطلع صغنون لأنش عندش الضغط.. والحوامل اللي عندهم ضغط في الحمل عادة ما يزيد وزن النونو مالهم.. عاد مو تخافين, اذا طلع برع ويا اهتمامش بيصير مربرب وحليو.. وبعدين اذا كان النونو صغنون بسرعة بتولدين وبتتسهل الولادة..
عكس الحوامل اللي مثلي اللي عندهم السكر.. النونو بسرعة ينتفخ في بطنهم.. والله يعين حزة الولادة بالغصب يطلعون.. لكن يجون مربربين وشحلاوتهم..
شفتين كل شي له حسنات وسيئات..
اما زوجي باجر بيسافر.. وقاعد يقولي مو تسوين فيني دقة وبالعناد تولدين قبل ما ارجع .. خخخخخخخخخخخخخخخخ واجد متفائل الاخ

صبرك يا قلبي:
اهلين رفيقتي.. عجل خلاص لحظة الصفر قربت.. اليوم تحملي بروحش واجد وريحي روحش.. وفي نفس الوقت تكشخي خبرش باجر بيحطون عليش الطلق.. وما انصحش تقعدين كلش من وقت... لا ريحي عشان تتسهل الامور..

وادعي لينا خيو والله يقومش بالسلامة..
صبرك ياقلبي
صبرك ياقلبي •
سلام

ورد البحرين
شوفي وش حلاوتش وانتي كل شوي تطلين علينا
تنورينا والله
توني مخلصه سباحه قلت بسوي شعري سشوار وبنام من الساعه 10
لان بقعد 6 ونص الصبح لان موعدي 8 الصبح
يوووه يعني اللي في بطني بيطلع مربرب وبالغصب بيطلع؟؟
لان اخر مره قالوا لي وزني زايد لازم اخفف سكريات وحلويات وجدي
واني طنش تعش تنتعش
الله يستر بس اخاف يوهقني ومايطلع الا بطلعه روحي
ان شاء الله مابنساكم بدعي ليكم كلكم اذا قدرت اسوي شي حزتها عاد
أم علااااااوي
أم علااااااوي •
صبرك الله يسهل ان شاء الله
اقرئي سورة الزلزله وسورة مريم
و اكلي تمر شبعه وسوي لج بكره
ماي ورد مع زعفران و هيل خلهم يطبخون
وشربي الماي هذا الكلام قالته لي مراخه
صدق تعالي ليش ما تروحين لمراخه
تمرخج قبل تروحين المستشفى يمكن يحصل
تغيير
المهم بكره الصبح تنقعي في ماي دافي مايل للحراره اكثر
هذا الي عرفته من المنتدى كم شغله بسيطه
والله يسهل عليج يارب منو قدج بكره البيبي بيكون بحضنج
وترتاحين من الكرشه والثقل والله يعينج عالطلق
لاتنسينا من دعاج الله يسهل علينا و ادعي الى المعتقلين الله يفرج عنهم

ورد البحرين ياحظنا اليوم فاضيه لنا
اني صج الضغط لاعب فيني بس يعني مو لدرجه
اخذ حبوب او شئ و يوم الخميس بنشوف وزن البيبي
لان الشهر الي طاف كان 2 وشوي ما اذكر كم
بس يقولون الصغير اصعب بالولاده ما يقدر يغافص ويطلع
لكن المربرب دفعه اقوى ويساعد بطلعته لكن يسبب شق اكثر ولا يندرى
يالله كبير او صغير المهم سليم و معافى الحمدلله