وينكم كروشات مختفيين
يعني كان لازم تجي صبرك علشان تتحمسون لقصة
ولادتها وتدخلوا تباركون وتهنونها و ترضون علينا ونشوفكم

جافا لوف الله يسهل علينا ان شاء الله ونولد ونقوم بالسلامه
و نفتك ونرتاااااااااااح من هالكرش الي كل ماله يذبحنا
متى ان شاء الله موعدج حبوبه؟

هلا وغلا ورد البحرين
افا بس افا صج تعب الشفتات لكن على الاقل
كل بين يوم طلي علينا وطمنينا عليج وعلى وضعج
وعلى موعدي ياريت اولد قبل بوايد او اني ااخر يومين
علشان اوضع في مولد الامام ع والحين هالرسمه الي تحت
ردودي كل ما اطلعها واشوف انها بأخر مرحله مدري شيصير
فيني شوي استانس وشوي اخق خخخخخخخخخخ

أم حوووووووووور فديتج وفديت دعواتج المستجابه
خخخخ مدري ليش احسها مستجابه
بعدين شعليج من الي يفوشر عليج انتي ما عليج الا
من الي انتي تقتنعين فيه والا اذا بتابعين هاي وهاي
بتتعبين ولا بتخلصين يالغاليه
كل واحد وله ذوقه وميزانيته و ظروفه ومو شرط بالنسبه لها حلو
يعني يطلع بالنسبه لج حلو بعد و في اشياء ارخص وافظل حتى من
ناحية الجوده جيكي روحي بيبي بورن الي بجدحفص اني فصلت عنده
وكلش عجبني وحتى ملاك فصلت عنده ويمكن يعجبج واسعاره مو رخيصه بعد
ولا كلش غاليه يعني معقوله وافضل من غيره بأشياء وايد حتى من النجم الجميل
اني خذيت من النجم الجميل فراش وشنطه ب30 والحين اذا اشوفهم اتحسف
احس ما يسوون و لا فيهم شئ افضل من غيرهم رغم اني كنت متحمسه لهم بالبدايه
واحس حجمهم كبير مدري شلون بقدر احمل البيبي فيهم

صبرك ياقلبي شلونج وشخبار صحتج الحين
ان شاء الله افضل من قبل وشخبار السيم معاج
عمتي توها والده في جدحفص وكانت تمدح معاملتهم وتقول
انهم وايد زينين وهي اول مره تولد عندهم كل مره تولد بالسلمانيه
وتقول ان معاملتهم افضل من السلمانيه وشجعتني اولد عندهم
وانتين تقولين غير كلام يمكن على حسب الشفتات النرسات؟؟
وقولي لنا الخياطه تألم والا لا؟؟ والسيم بعدين؟؟
ننتظر تكملين لنا معاناتج مع الولاده و معاملتهم لج شلون
الحمدلله اهم شئ انها تيسرت بفضل رب العالمين عليج
وقمتين بالسلامه وننتظر باقي الاجزاء
ووين مفكره تطهرين علاوي؟؟
صج وشخبارج كونج رجعتين على طول شقتج شلون الوضع
معاج ومع البيبي شلون تقدرين تديرين امورج؟؟وتباشرين الزوار؟؟

اي صج اليوم بدأت امشي
رحت جيان ومنها تسوق ومنها تمشي لين قلت بس ما اقدر
تقريبا تسوقت ومشيت ساعه ونص اذا مو اكثر

باقي الكروشات الله يسهل عليكم يارب
وتوضعون وتقومون بالسلامه يااااارب
ولاتنسونا من خالص دعاكم فأحنا محتاجين له

قوه نسواااااااااااان
صبرك ياقلبي ... الحين بنسميش ام علاوي 2 ... هههههههههه خوش قصه المهم افتكيتين وضحكتيني طالعه من الولاده تتهاوشين ويا اخوش خخخخخخخخ
أم علاوي ... الله كريم خيوه نولد ونرتاح ... موعدي ... 6/6 عند فوزية كمال ... وموعدي عند المستشفى 8/6 بس احس مواعيد فوزيه كمال اظبط ... علشان اولد بسرعه
مشاريعي حاليا ... قاعده اتمشى بس وابي اولد ... ماحد سألش
باقي البنات شخباركم
أم حوريه ... يارجائي ... ملاك ... ورد البحرين
طمنوناااااااااااا عليكم

فوووووووووووووووووووووووووق

أم حورية انا شريت طقم المفرش والشنطة واحد من خياط الخاجة اللي بسوق محرق وهذا بـ 25 للطقم
وواحد من محل اغراض البيبيز اللي بسوق واقف و هذا بـ 18 دينار قطعتين
وواحد مفرش خالي من عند حرمة تفصل هالشغلات و هذا بـ 6 دينار

ف مو شرط اللي يكون غااالي هو الافضل ولا الاحلى

انتي وذوقج ماعليج من الناس اللي يتشاوفون

و انا اللي شريتهم اسعارهم معقولة وعاجبيني

انا حرمة اخوي بحملها الاول شرت من السعودية و ع اساس انه كشخة وحلو ،، هي عجبها بس انا ماعجبني

ف المووضوع نسبي


أم علاوي شخبارج ان شاء الله علاوي طيب

بنشارك بس لا تزعلين ،، اتكيسل اكتب رد شسوي


اليوم ف المدرسة ركضت ورا وحده من التلميذات جان تزفني العاملة خخخخ من زمان ماركضت عجبتني السالفة صار خاطري

و إذا يقولون لي امشي اقولهم ماقدر << نوع من العيارة

صبرك يا قلبي
يعني ولدش كان معاند عدل وعاجبنه الوضع داخل بطنش ثلاث حبات وبالغصب رضى يطلع يالله ماعليه الولادة موشي سهل وحتى لو عانيتين واجد الألم كله بتنسينه مع مرور الأيام أهم شي سلامتش وسلامة البيبي

أم علاااوي
أني اختفيت من اختفت صبرك كنت أحاتيها وابغي أعرف آخر أخبارها لأنها ماشاء الله عليها نشيطة على طول تشارك مثلش ياأم علااوي أنتون اللي محركين التجمع ومحلينه وبالنسبة للفراشات بروح بيبي بورن بعد بجيك ما بتسرع ولا بصم روحي بسعر واجد غالي أبغي سعر في حدود 35 مو أكثر وشكرا على النصيحة وبالنسبة لدعواتي على قولتش تحسين أنها مستجابة هذا من ذوقش ومن طيبة قلبش يالقمر والله يعطيش مرادش ويسهل عليش بجاه شفيع الأمة (شكلي صدقت روحي ما أنعطى وجه)

جافا لوف
شخبارش ويا المشي والله يسهل عليش وتولدين بالسلامة وبالنسبة ليي انتظر أدش السابع عشان انطلق حق التسوق حلو التسوق يسلي ويونس