هديل البحرين :

الف الحمدلله عالسلامة اختي صبرك يا قلبي.. اني ولدي ما وديته المستشفى لابو صفار لان ما كان واجد.. يبين طبعا من اللون.. يوم وديته يطهرونه اولردي يجيكون لابو صفار قبل.. اني وديت حمود الى الساعي .. واجد زين وتطهيره اوكي ويخدرون تخدير موضعي..

الف الحمدلله عالسلامة اختي صبرك يا قلبي.. اني ولدي ما وديته المستشفى لابو صفار لان ما كان...

&& ورد البحرين&& :

اهلين بنات.. شخباركم؟؟ صبرك يا قلبي: هلا خيو.. شحوالش وشحوال علوي؟؟ ان شاءالله زينين.. بالنسبة لسؤالش عن الصدر فشي طبيعي انه يتحجر اول الايام, لأنه سبحان الله الحليب اللي موجود في الصدر يكون اكثر من اللي يشربه البيبي.. ومثل ما قالت ملاك, حاولي تسوين لش كمادات ماء دافئ على صدرش وحاولي تعصرينه شوي عشان تخففين الحليب اللي فيه لا تصيدش سخونة بعدين.. وطبعا قبل كل رضاعة وبعدها اغسلي صدرك لا تتجمع البكتيريا ويصيدك التهاب.. والصدر ما يصغر ويا الرضاعة, ماشاءالله تحسينه واجد يكبر.. بس لما يكبر الجاهل على عمر العشرة اشهر بتحسينه يبدي يصغر عن اول ايام الرضاعة.. هذا من ملاحظتي.. ننتظر حلاوة تطهير علاوي.. ام علاوي: اهلين رفيقتي.. والله جان زين جت بس على النسيان, الا حب النوم اول الايام مشكلة.. كنت في كل مكان افلت روحي وانام.. والحين خلاص طار النوم ويا الاشهر الاخيرة.. وعندي تعليق على موضوع الممرضات.. شوفي الممرضة مطلوب منها واجد اشغال شي من جهة المريض وشي من جهة الصيدلية وشي من جهة الاشعة والدكاترة غير انه كل شي يصير لازم نكتبه.. وعدد الممرضات ما يغطي احتياجات المرضى.. يعني لازم يزيدون العدد.. اني ما ابرر لأحد, وكل واحد لازم يشتغل بناء على ضميره, لأننا محاسبين من رب العالمين قبل اي احد.. واحسن لش حاولي تساعدين روحش وكل شي سويه بروحش.. انتين بتصيرين ام خلاص يعني لازم تكونين قد المسؤولية.. ولازم تصيرين قدوة لأولادش في الاعتماد على النفس.. (( ما اتكلم عن المستشفى, حتى باجر لما تكونين في البيت)) اخذي كلامي من باب النصيحة والمحبة.. والله اني لما ولدت, من البداية لحظات الولادة والالم عاهدت نفسي اتحمل, ولآخر لحظة ما نسيت احد كل اللي طلبوا مني ان ادعي ليهم دعيت والله سهلها.. وبعدين لما نقلوني للجناح الممرضات يعرفوني, وكانوا يبون يدلعوني.. بس اول مرة خليتهم يبدلونه, لكن بعدين ما طاوعني قلبي. قلت ما في الا اني اللي تعبت فيه, ماادري شلون معاملتهم له من وراي.. ورب العالمين سهلها.. كأني من سنين واني والدة ومربية اولاد مو كأنه اول طفل اجيبه.. واول تجربة لي لأنه من سنين ومحد جاب في عائلتنا اولاد.. صدقيني بتصيرين خبيرة في ايام قليلة... وانتظر كلامش بعد الولادة.. بتصيرين شطورة مثل ملاك ما شاءالله... ام حورية: اهلين اختي.. ومشكورة على المدح بتخليني اصدق روحي :42:.. بس اذا الواحد عنده المعلومة ليش يبخل بيها؟ ومشكورة على الدعوات الحلوة والله يسمع منش ولش المثل ان شاءالله... والله في من الرجال الباصقين لآخر الدرجات اشكال والوان.. واني ما اقول بس المرضى.. لو بس عليهم يهونون.. بعض المرضى يقهروني لما اقيس لهم الضغط يمدون ايدهم عشان يا زعم حسب الحاجة وفي نفس الوقت اللي يلمس بطني واللي ايدي وكله مسوين روحهم بالغلط:( في ناس يمكن تقولين مرة بالغلط لكن اذا اكثر من مرة يتكرر وش تقولين؟ ومرة رحت اعطي واحد ادويته وهو في غرفة خاصة, ما شفته الا قاعد استغفرالله شوي وتقولين ربي كما خلقتني حده لابس هاف:44: وش تسوين فيهم والله ذيك الليلة مت من الخوف لكن مسوية روحي مو مفتكرة ولا كأني اشوفه.. وغيرها من القصص بس ما ابغي الوع جبدكم.. والاسئلة حاضرة ومن عيوني: الحبوب اللي يعطونش اياهم فيتامينات.. لكن ممكن يعطونش اشياء ثانية مثلا مضاد لو لا سمح الله عندش التهاب.. بس لازم بيقولون لش.. واكيد مهم انش تاخذينهم, لأنش فقدتين دم اثناء الولادة ووراش رضاعة لازم تاخذين مكملات.. وفيهم بعد كالسيوم حق العظام.. ولو اخذتينهم اكيد كنتين بتحسين بتحسن.. وحجم الحلمة ماله دخل في قبول او رفض الرضاعة.. اهم شي تدخلينها كلها في فم الطفل.. وبعد من المهم ان شكل الحلمة يكون للخارج بارز مو للداخل.. وطبعا اذا وزن الطفل صغير واذا ما تعرفين شلون ترضعين الطفل بصورة صحيحة يمكن يسبب رفض الرضاعة.. وحاضرين خيو لأي سؤال.. ملاك: اهلين ام حمود.. عجل خلاص حمود صار رجال.. وانتهت المحاتاة الحمدلله على سلامته.. والحمدلله الحين افتكيتين من السيم.. يعني شوي تحسين براحة اكثر من قبل.. حاولي تسوين لش جدول تنظمين فيه وقت رضاعة وتسبوحة حمود عشان ينتظم نومه وترتاحين.. طبعا حاولي ما تاكلين اي شي يسبب غازات لا يزيد عليه مسكين, وابطحيه على بطنه (( طبعا قدام عيونش, بس مو تنيمنه جذي)).. وان شاءالله بيصير احسن.. ما شاءالله صارت عندش خبرة في سوالف الجهال.. على قولتهم البنت تولد ام بالفطرة.. وما عليش شر خيو.. ان شاءالله يروح الالتهاب وتصيرين زينة وطمنينا عليش.. يالله اخليكم حبوبات.. تحملوا بروحكم..

اهلين بنات.. شخباركم؟؟ صبرك يا قلبي: هلا خيو.. شحوالش وشحوال علوي؟؟ ان شاءالله...

أحب التطريز :

أم حورية سمحيلي بجاوبج اممم مرة حضرت محاضرة عن الرضاعة في المدرسة وكانت اللي تحاضر ممرضة ف السلمانية وخبرتنا عن هالموضوع تقول موضوع الحلمة مب وايد مهم ف الرضاعة هي مجرد بس يطلع منها الحليب لكن مش فيها يتخزن الحليب بمعنى ان البيبي في عملية الرضاعة لازم يمسك بالحلمة و المنطقة المحيطة بها ويضغط ع المنطقة البنية لان هي اللي فيها الجيوب اللي يتخزن فيها الحليب ف قبل كانو وايد يهتمون لموضوع الحلمة الغائرة وهالسوالف وكيف يطلعونها بس الحين لا هالشي مب مهم لان الرضاعة تتم بالضغط على الهالة البنية المحيطة بالحلمة و كذلك ف الطفل اللي يرضع فقط بمص الحلمة تتسبب للأم تشققات عكس الطفل اللي يرضع و هو ممسك كل المنطقة وتكون عملية الرضاعة اريح :)

أم حورية سمحيلي بجاوبج اممم مرة حضرت محاضرة عن الرضاعة في المدرسة وكانت اللي تحاضر ممرضة ف...