صباح الخير عليكم جميعا



أم علااااوي ابشرج انا اليوم دشيت التاسع :)

صبرك ياقلبي
هلا يالغاليه ان شاء الله ولدج ماعليه الا العافيه
وعادي اكثر اليهال يجيهم بوصفار من هالجو
نسيبتنا ولدت قبلج وقبل ملوووك وبنتها كان
فيها وايد بوصفار بس الحمدلله الحين راح عنها
بس للحين تحاول تعطيها الحندبان تقول احسن
واقصد النباته هذه الي مثل قطعة السكر يجون
مربعات صغار كل وحده بروحها او يجون مجموعه مع بعض
هي لها اسم غير بس ما اذكره خخخخخخ
ان شاء الله فهمتين عليي
وفعلا بس يكبر الياهل يتغلب عليه لان مناعته تصير اقوى
وعلى طاري الطلق والولاده الحمدلله انج خليتيني اتفاءل
يعني كل يقولون البكر تطول بالطلق وايد 12 ساعه وفوق
الحدلله انتين بس 4 ساعات والله سهل عليج وان شاء الله تتسهل
عليي بعد وافتك

أحب التطريز
مبرووووك دخولج التاسع وبرزي روحش
بتطفشين وانتين تنتظرين وتعدين الايام والليالي
بتحسينه طوووووويل ولا يمشي هالشهر
وكل شئ بتحطين بالج عليه اقل الم او حركه
بتحاسبين ليها و القلق بيزيد اني طول الاشهر
مافكرت بالولاده الا هالشهر افكر فيها واحاتيها
والله يعينا ان شاء الله والله يتمم لج على خير
ويسهل عليج وعلينا يااااارب
ونسيت اقول لج كل ما اسمع يقولون فلان ولدت
اني اطفر اقول واني لمتى ههههههههههههه واذا
اروح ازورهم بالمستشفى او اشوف يهال تقولين
اصير كأني مجنونه الله يرزق الي ماعندهم يااارب
ولايحرم وحده هالاحساس
والله يسهل علينا ان شاء الله ونقوم مع عيالنا بالسلامه


عبيطه بس حلوه
ياهلا وغلا فيج اختي
حياج معانا شاركينا نستفيد ونفيدج حبوبه

أما عن نفسي
من امس وولدي قاعد لي في حلقي ما اقدر اتنفس منه
ولا اعدل ظهري لازم انسدح علشان اقدر اتنفس لانه
متعلق ليي فوق ورحت الى مراخه اليوم ومرختني
وقالت لي ان راسه فوق تخيلوا من حملت للحين كل
يقولون لي راسه تحت الا الحين قالوا لي راسه فوق
تقول لانه الحين في الفتره الاخيره يفتر لازم الياهل
قلت يمكن بيجي يسار على قولت الدكتوره كيران
والحمدلله انها عدلته ليي المراخه وصرت اقدر اتنفس
واتحرك لانه كان وايد عائق حركتي ولايقوتكم هالاسبوع
بعد نسيت موعدي خخخخخ واتصلوا فيني المركز و لوعوا
جبدي كنت في بيت ابوي نايمه ونسيت الموعد خخخخخ
وأجلوه ليي
يالله ادعو ليي ما باقي عليي الا 9 ايام
عن موعد ولادتي ادعو لي من قلب
ترى ما عندي أخوات وانتون مثل اخواتي
:)
يا خالق النفس من النفس يا مخلص النفس من النفس يا مخرج النفس من النفس خلصني وسهل عليا ولادتي ياااارب

ام علاااوي:
هلا يالقلب شخبارش؟؟
الله يسهل عليش يارب وتولدين بالسلامه
وهذي النبته هي دي اللي يسمونها قند؟؟
وماتأثر على البيبي سلبا؟؟
الحين قمت اعطيه ماي الحيج يقولون واااجد زين عن ابو صفار
وحتى الغرشه نفسها مكتوب عليها لعلاج ابو صفاار
اعطيه في انبوب عشان يشربه وان شاء الله يخف عنه معنى اللي فيه كلش مو قوي
خفيييف حده بس بعد احاتي والحين ما اقعده في الشمس
لان شقتنا ماتدشها الشمس كلش اقعد فيه برى ويصير حررر ويعرق ويقعد يصيح
واحس الحر يزيد ابو صفار يعني مو جني قاعده اسوي شي اعرضه للشمسيه مثل ماقال الدكتور والماي وخلاص

احب التطريز:
هلا وغلا خيووو
شخبارش شمسويه؟؟
وينش مختفيه شدعوه؟؟
الله يسهل عليش يارب
ها جهزتين الشنطه مالت المستشفى؟؟

حق اللي قريب بيولدون نصييييحه حطوا للجاهل حفاظات لان هناك اذا تقولين لهم تبين حفاظ
جنش تطرين من عندهم او ماخذه من حلال ابوهم .. وحطوا دي المناديل اللي تنظف البيبي لان طبعا
مابتعرفين تروحين تغسلينه في المغسله وهم حدهم بس اول مره يبدلونه وعقب يقولون ليش بدليه
والصابون قالوا لنا مافيه اختي شافت غرشه فيها على نهايته حطت فيها ماي وسبحته
بس يوم اللي ترخصت بمشي حطوا لي عالطاوله شنطه فيها عينات صابون جونسون
هذا بالنسبه لجدحفص السلمانيه ماادري عنه شي صراحه بس يقولون افضل
وانتوا اخذوا احتياطكم اني توهقت في سالفه الحفاظ صراحه

صبرك ياقلبي
شلونش شخبارش وشخبار علاااوي النبات غير والقند غير النبات يجي مكعبات وشفاف ويعتبر سكر طبيعي ويجيبونة من إيران وأغلب السوبر ماركت يبيعونة ومكتوب عليه نبات طبيعي يجي في كيس شفاف معقولة ما تعرفينة حتى اللي تجيهم حرحشة أو كحة يمصونة ويخفون موتحطين للجاهل قند

أم علااااوي
الله يسهل عليك أستغلي هالأيام السعيدة وذكرى مواليد الأئمة (ع)في الدعاء وطلبي اللي تبغينة والله مابيخيبش بالنسبة للمركز ونسيانش للمواعيد والله زين يتصلون لش خلف الله على مركزجدحفص حدهم فاشلين لا يتصلون ولا يفتكرون أني ما أنسى مواعيدي بس في الحمل الأول طوفت ثلاث مواعيد عمدا ولا اتصلوا ولا افتكروا

ورد البحرين
هلا وغلا شخبارك وشخبار حمود ؟شخبار السكر وياش شلون جدي ممرضة وفيش سكر؟؟المهم عجل جاش طلق كاذب الله يساعدش هو أنتي ناقصة الله لا يراوينا إياه يالله شتسوين الحمدلله على كل حال إلا بسألش أنتون الممرضات على طول لكم تطعيمات صح؟؟ يعني حتى لو كنتون حوامل؟ زحمة شغلتكم لكن شتسوي الوحدة الحياة صعبة أني سمعت بعد يقولون أن الجلف جايبين إياهم حصبة وبيطعمونكم بعد والله حالة

نوررررره
شخبارك وشخبار السكر وياك إن شاء الله صار أوكي

بالنسبة لأخباري أول أمس صنفت أروح السعودية لأنه كان زوجي متعاير ولا راح الشغل قلت عجل ودني السعودية قال أوكي وأني استانس قلت بغير جو وببدي أتسوق وبعدين غير رايه خضرته لأنه ليسنه منتهي يقول الحين مشددين المرور وحضرته ليسنه منتهي صار ليه أربع سنوات صدق بارد خرب برنامجي

السلام عليكم جميعاا

ونرد السلام علّي سلموو : وعليكم السلام والرحمة

أم علاوي : شكلج تحبين البيبيز واااايد ربي يقومج بالسلامة وتفرحين بوليدج
أنا صراحة واااااايد مشتاقة للبيبي واحس متحمسة وااااايد للولادة


أم علاوي نمبر توو
ملاحظة اني اتغلى

واللهي موجودة بس اتصفح بهدووء

شنطة المستشفى والله للحين ماجهزتها ،، انتظر اخواتي الصغيرات يخلصون امتحانات عشان يندمجون معاي ف المهمة

مستانسين يحليلهم فقلت اشركهم ف قضيتي :P

والله زين قلتي عن الحفاظات لان هذاك اليوم اسأل امي قالت لا تحطين المستشفى يعطوون


أم حورية

شخبارج اختي

يعطيج العافية