أم حورية :

قوة حبيباتي شخباركم جميعا؟؟؟ جافالوف الله يفرج عنش ويشافيش أني أدري شلون العملية تألم لأنه عندي أخت ولاداتها اسم الله عليش كلها قيصرية وكنت أشوفها شلون تتعذب ولا تقدر تقوم لأنه البطن كل حركة تخليش تتوجعين حتى العطسة خصوصا وأنش عندش طفل من قبل والحين بعد طفله رضيعه ويبغي ليها عناية اللهم فرج عن أختي جافا لوف فرجا عاجلا كلمح البصر أو هو أقرب يالله ألم أنثى ياهلا وسهلا فيش وين هالغيبة واخيرا قررتين تشاركينا إي خلش جدي شاركينا نفيد ونستفيد حبوبة الله يعوضش حبيبتي ويثبت حملش ويتمم لش على خير ويقر عيونش بشوفة ولدش سليم معافى وأخيرا حصلت وحدة موعد ولادتها شوي قريب مني أني موعد ولادتي نهاية شهر عشرة يعني أنتم السابقون ونحن اللاحقون شوفي حبيبتي بالنسبة إلى طقم الفراشات روحي الملائكة الصغار اللي في عالي بيعجبونش 100% لكن أسعارهم غالية إذا تبغين أسعار شوي أرخص ومفارش حلوه روحي الرياحين الصغار اللي في الديه إن شاء الله بيعجبون بالنسبة للأدوات الصحية أني آخذ أدوات الاستحمام من بيجون الريحة حلوة وناعمة وآخذ الشنطة الصغيرة اللي فيها البودرة واللوشن والزيت والشامبو وسائل الاستحمام انصحش لا تاخذين الشنطة الكبيرة لأنه بتملين ما بتخلص بسرعة الصغيرة أفضل تكفي واجد خبرش الأطفال نقطة شامبو تسوي رغوة في شعرهم نوووووووورة هلا وغلا أني في الحمل الأول ماصادني سكر بس أحس هالمرة مستجنة واجد أكل كاكو خصوصا من وصلت الشهر الخامس ونفسيتي للأكل مفتوحة هالشهر شنو بيروح هالمتون بعد الولادة الله يستر ياسمين أهلين حبيبتي الله يتمم لش على خير وتحملي في روحش وشربي ماي واجد الحمدلله إنش تقريبا كملتين تجهيزاتش الأساسية وحلو أن الوحدة تجيب بنت بعدين ولد أو ولد بعدين بنت يعني تجرب النوعين لأنه إذا جابت الوحدة بنت بعدين بنت يصير خاطرها في ولد وإذا جابت ولد وبعدين ولد يصير خاطرها في بنت على كلا الله يسهل عليش ويرزقش بالولد الصالح الحمدلله إحنا في البحرين مجتمع متفتح وما يفرق بين الولد أو البنت بس في بعض العوائل للحين تفضل الولد على البنت بس بعد أشوه من السعوديات مساكين يكسرون الخاطر حتى لو الوحدة تجيب ست بنات على بعض بعد تظل تحاول تجيب إلى لين ما تجيب الولد صراحة مأساة باقي البنت وينكم؟؟ صبرك يا قلبي أم علاااااااااوي ورد ؟؟ نسيت ما قلت لكم أني اليوم يازعم صايمة أحس روحي أتنافض من العطش وكل حين أحسب باقي كم ساعة عن الآذان اليوم أول خميسيه من رجب ليها أجر عظيم وفيها بعد صلاة 12 ركعة بصلي وبطلب من رب العالمين أن يعوضني خير ويرزقني طفلة سليمة والله تعبت من التفكير والوسواس وطبعا ما بنساكم بدعي ليكم أن رب العالمين يسهل عليكم ولادتكم وييسرها والوالدين بدعي ليهم الله يهدي أولادهم ويخيرهم عشان يخلون أمهاتهم ينامون شوية وأنتون بعد أدعوا ليي ما استغني عن دعواتكم الحلوة أدري أني وااااااااجد هذرت وعورت راسكم صدق ما انعطى وجه بس ابغي اضيع الوقت جان يآذن

قوة حبيباتي شخباركم جميعا؟؟؟ جافالوف الله يفرج عنش ويشافيش أني أدري شلون العملية تألم لأنه عندي...

يا رجائي في شدتي :

شحووااالكم كروشاااات من زمان ما دشيت اسلم عليكم:42: رجعت من ايران تاريخ 7-6 وكله اجي اقرا ردودكم بس اتخايب ارد صبرك يا قلبي حمد الله ع السلامة..و مبروك عليكم علااوي>> واجد متأخرة :09: لاعبة فيه لعبة ها اني امس قاعدة املغص في ولد اختي عمره 4 اشهر..امي تقول لي الله يستر على ولدش بتلعبين فيه مسكين ..اقوليها انزين هم عبارة لعبة عجل ويش خخخخ جتني الصيحة يوم قريت قصة ولادتش:icon33: تخيلت روحي مكانش مع انه توه الناس..الله يسهل علينا كلنا ملاااك شخبارش خيو و شخبار صدرش الحين..جربي الملفوف منتين خسرانة شي مساكين احنا الوحدة من تحمل يبتدي مشوار التعب و حتى لما يكبرون نشيل همهم..الله يبلغنا فيهم ان شاء الله و يعوضنا تعبهم في الدنيا و الآخرة جافا لوف حمدالله ع السلامة حبيبتي..و تتربى في عزش و عز ابوها الله يخفف عليش آلامش و تعبش ام علاوي ون:42: باقي اسبوع عن موعدش..الاحظ اللي يدشون التاسع كله على اعصابهم لأنه الوحدة تكون خلاص تعبت من الحمل و تبي تفتك يالمفهية حطي لش نوتة ع الثلاجة او اي مكان عشان لا تنسين موعدش..اني احس بدا وياي خرف الحمل اول امس طلعت من السيارة احسب بندتها و هي السويج فيها و تشتغل زين اذكرت و رجعت ليها..و اليوم ما سويت غدى لأنه المفروض اقول لزوجي انه الغاز مخلص و نسيت:09: يالله اريح رحت اشتريت بارز:42: ام حورية شحوالش رفيقتي اني بضل وياش للاخير و بولد عقبش ..اني موعدي نهاية شهر 11 بقوم الحين لأنه المستر:arb:يبي الكمبيوتر برجع اكمل وياكم بعدين:)

شحووااالكم كروشاااات من زمان ما دشيت اسلم عليكم:42: رجعت من ايران تاريخ 7-6 وكله اجي اقرا ردودكم...

n0o0o0rA :

بي تحملي أنا صادني نفس الشي قبل لا أكتشف أن مرتفع أول الحمل كانت الحلويات ولا تخطر على بالي من طفت الرابع وأنا ملهوفة على الكاكاو والبيبسي والكيك وعقبها أكتشفت أن مرتفع شوي فتحملي بروحج من اللحين أحسن لا تتغربلين هلا والله حيا الله يا رجائي من وين طالعة صار لج من زمااااااااااااااااان وحشتينا كأن ردج ناقص والا يتهيأ لي؟

بي تحملي أنا صادني نفس الشي قبل لا أكتشف أن مرتفع أول الحمل كانت الحلويات ولا تخطر على...