((بنات البحرين)) تعـالوآ نفيد ونستفيد

أم حورية • 15 سنة

شخباركم بنات ؟؟
متباركين بمولد الإمام علي عليه السلام

أم علاااااوي
شخبارك ؟؟ لا تحاتين حبابة ولا تعبين نفسيتش مردش بتولدين بدى عليش الطلق؟؟؟الله يسهل عليش

gasmeen(ياسمين) • 15 سنة

أم حورية :

شخباركم بنات ؟؟ متباركين بمولد الإمام علي عليه السلام أم علاااااوي شخبارك ؟؟ لا تحاتين حبابة ولا تعبين نفسيتش مردش بتولدين بدى عليش الطلق؟؟؟الله يسهل عليش

شخباركم بنات ؟؟ متباركين بمولد الإمام علي عليه السلام أم علاااااوي شخبارك ؟؟ لا تحاتين حبابة...

شخباركم بنات
متباركين بالمولد

ام علاوي
شخبار حبابة
الله يسهل عليش ان شالله
ويقومش بالسلامة

باقي البنات وينكم لا حس ولا خبر
سي يو

أم علااااااوي • 15 سنة

هلا وغلا حبايبي
وهم احنا نبارك لكم بمولد سيد الائمه علي عليه افضل الصلاة والسلام
وجعلنا الله من الموالين له ولائمة اهل البيت عليهم السلام وجعله الله
شفيعا لنا يوم القيامه

والحين اجي عن نفسي
:( ولدي خذلني ماطلع بالمولد رغم ان مدري شلون كان عندي احساس
بانه بيشرفنا في يوم المولد لكن للاسف الله ما كتب لنا هالشرف العظيم
بس ان شاء الله يشرفنا بخدمته لاهل البيت

وحالي على ماهو عليه بس الالام تزيد في الحوض وما اقدر اتقلب منها
ونغزات كلش خفيفه تحت تجي وتروح ولا اقدر اقوم واقعد الا بصعوبه مع الم
لكن طلق ابدا مو جايب خبر
والخيره فيما اختاره الله في الوقت المناسب ان شاء الله بيشرف
ولا تنسونا من دعاكم قي هذا الشهر المبارك
باقي الكروشات والامهات وينكم اختفيتون

&& ورد البحرين&& • 15 سنة

السلام عليكم..
شخباركم بنات..؟؟؟

وحشتوني واجد واجد.. مسامحة على الغيبة الطويلة لكن ما باليد حيلة..
اول شي للحين ما ولدت.. باقي على موعد ولادتي بالضبط اسبوع على حساب الدورة وبالالتراساوند مثل ما تشوفون بالتوقيع.. والله العالم متى راح تكون هالولادة..

كل اللي سألوا عني مشكورين على سؤالهم.. والحمدلله اموري ماشية تمام ويا التريننغ.. خلصت البروجكتات وبس بقى الهم الاكبر الامتحان اللي بيكون بتاريخ 7/7 وعاطية روحي امل اني بقدمه وتالي بولد..

خاطري ارد على كل وحدة فيكم لكن اخاف انسى احد... ان شاءالله من بعد هالرد ارد عليكم وحدة وحدة..
الامهات الجديدات هديل البحرين, ملاك, صبرك يا قلبي.. شخباركم على طول اتذكركم وشخبار النونوات؟؟

ام علاوي,ام حورية, احب التطريز, ياسمين .. شخباركم وشخبار الحمل والثقل وياكم؟؟

ام علاوي:
اتوقعتش بتولدين اليوم ماادري ليش.. لكن بعد ما عليه.. اهم شي خلي نفسيتش ريلاكس.. واذا قالوا لش طلق صناعي توكلي على الله واخذيه وان شاءالله تقومين بالسلامة.. الولادة يبى ليها طول صبر مو سهلة..

تخيلوا بنات قبل جم يوم لأني كنت احاتي سالفة السكري وعدم اهتمامي بالحمل رحت لدكتورة ساندو.. وخليتها تسوي لي فحوص كاملة.. الحمدلله طمنتني ان كل شي زين وان موعد الالتراساوند هو الاصح .. وبعدين هي تسألني قالوا لش بنت او ولد قلت ليها ماادري مو متأكدة بس الاغلب ولد.. الا هي تقول لي الحين صعب ان نعرف جنس الجنين عشان حجمه كبير.. لكن من وجهة نظري بالنسبة للي اشوفه فما اظن انه ولد.. هذي بنت..
ورجعت للحيرة من جديد.. الله العالم وش بجيب هالمرة..

احب التطريز:
هلا خيو.. مرة سألتيني عن الروب وانه نعمة الله شلون الواحد يستخدمه..
اذا من ناحية نعمة الله فكل في هالدنيا هو نعمة من الله..
والشي الثاني.. اني كان لي تاريخ وتجارب مع الاجهاض وكان يصيدني نزيف بس الحمدلله ما احتجت تنظيف, مرة من المرات بعد ما سقطت واجد صار عندي نزيف ودم بس ينزل نقط ومو راضي ينزل عدل.. رحت لدكتورة مصرية وهي قالت لي عن الروب.. واذا من الناحية العلمية فالروب يحتوي على خمائر وبكتيريا طبيعية.. وفعلا في نفس اليوم مع انه ما كنت مقتنعة حطيته ونزلت علي افرازات واجد وطهرت.. وللأمانة ما سويتها الا مرة وحدة..

يالله بنات عن اذنكم اخليكم واشوفكم على خير..

أم حورية • 15 سنة

شخباركم حبوبات؟؟؟

أحس أن التجمع صاير نايم والمشاركات قليلة وينكم ؟؟؟؟

أم علاااااوي
شخبارك؟؟ إن شاء الله كل شي تمام الله يسهل عليش ويردش بالسلامة ما عليه تحملي اللي متحمل تسعة أشهر ما يتحمل هاليومين صدق إذا قرب الموعد ولا ولدت الوحدة تصير قلقة بس ما عليه الصبر زين.أحس من يقرب موعد ولادة أي وحدة من العضوات ولا تولد يصير التجمع كلش مافي روح

ورد البحرين
هلا بالطش والرش وحشتينا واجد زين طليتين علينا مبروك لأنش خلصتين البروجكتات وعقبال ما تخلصين الإمتحان وبعدين تولدين بالسلامة بالنسبة لجنس البيبي كريهه إذا يحيرون الوحدة ماتدري بنت وإلا ولد صراحة حيرة بالنسبة للثياب أني ماأحب الألوان المحايدة طبيعتي بسألش ورد من اللي سوت لش ألترا ساوند أول مرة وقالت لش ولد؟؟؟

يوم السبت رحت السعودية ويا زوجي وتسوقت صراحة عندهم محلات واجد يبغي ليها بس رجايل ما قدرت أروحها كلها رحت بس بوابتين من الحياة بلازا اشتريت ليي ثياب وبعدين رحت الهرم بلازا وتسوقت لبنوتتي الله يجيبها بالسلامة وبعدين رحت السعر المنافس وبعدها رحت مركز المدينة وأكثر شي تسوقت لبنوتتي من الهرم بلازا في محلات واجد صوب السعر المنافس ما قدرت أدشها رجايلي تكسرت وبنجرت وآخر شي رحت خمس دوائر اشتريت شوية مواعين. واجد استمتعت بالتسوق في السعودية اسعارهم مناسبة الصراحة وإذا دشيت السابع بروح أفصل طقمين فراشات من الرياحين الصغار وبكمل باقي الثياب حق بنوتتي من سيتي سنتر بلبسها ماركات وبلبسها من أماكن عادية التنويع زين وموشرط أن ماركة يعني ما يخترب .الله يستر إن شاء الله اللي في بطني بنوته لأنه معظم الثياب والأغراض اللي اشتريتها وردي وبنفسجي

باجر إن شاء الله بروح أسوي فحص السكر ولو أني كارهة المستشفيات بس تشبعت منها لكن شسوي عشان أتطمن على صحتي الله يساعدني على دورة الراس اللي تجيني عقب ما أشرب العصير.
هذي آخر أخباري وأنتوا شنو آخر أخباركم ووينكم مختفيين؟؟؟؟؟