السلام عليكم ورحمة الله
شلونكم شخباركم؟؟؟؟

باركوا ليي وظفوني بعد أنتظار دام أربع سنوات وشوي بس للحين ما قالوا ليي في أي مدرسة الله يستر إن شاء الله مو ثانوي ما أقدر عليهم الصراحة إن شاء الله أبتدائي ومدرسة قريبة من بيت عمي ياااااااااااااااارب.أدعوااا ليي بالتوفيق خصوصا أني بداوم وأني في التاسع وبعدين بولد يعني يمكن أداوم أقل من شهر الله يستر

شخباركم امهات وشخبار بيبياتكم متباركين بيوم اسراء و معراج نبي الامه محمد(ص)
صبرك شخبارش وشخبار علاوي
ام حورية مبروك عليش الوظيفه
ملاك شخبارش وشخبار حمود وشخبار صدرش
ام علااااوي شخبارش وشخبار علاوي بالنسبة الى السيم استخدمي مر سويه غليظ يعني اخدي المر ودقيه وحطي عليه شوية ماي خلطية مع بعض سويه مثل الكريم وحطي على السيم بسرعة بيطيح السيم وبيلتئم الجرح
باقي البنات شخباركم

أم حورية مبروك ع التوظيف

بس بقولج خبر مب حلو للأسف : أممم اللي تتوظف ومايكون مر ع توظيفها سنة مالها إجازة براتب

يعني انتي اذا ولدتي مالج إجازة الوضع الشهرين الكاملين ،، لج بس إجازة بدون راتب

يعني انا لما رحت الحج كان للحين مامر ع توظيفي سنة او حتى فصل دراسي كامل

ف خصمو من راتبي أيام غيابي مع اني خذت اجازة بموافقة المديرة

علامة تعجب
هلا حبوبة شخبارك وشخبار صحتك إن شاء الله كل شي تمام

أحب التطريز
شخبارك؟ متى موعد ولادتك موكأنه قرب؟؟ الله يسهل عليك ؟إي الكل قال ليي إن الإجازة بتكون بدون راتب وكنت متوقعه لأنه ما بيمديني أداوم شي بس اللي أبغي أستفسر عنه الإجازة بتكون بس أربعين يوم ؟؟؟؟ تبغين الصراحة خيوه أني متخوفه شغل وأني في التاسع يعني بكون كلش تعبانة وبعدين بولد وشلون بخلي بنتي وبروح عنها أحس روحي متوترة وقلقة الله يسهل حملي وولادتي ويرزقني بطفلة سليمة وهادئة

ياسمين
شخبارك وشخبار زنوب ؟؟ الله يساعدك على الرقاد في المستشفى صراحة واجد تعب جربت الرقاد وأني حامل عذاااااااااب ما يخلون الوحدة تنام عشر دقايق على بعض الحين الحرارة الحين عينات الحين الوجبات الله لا يطولها عليك وتطلعين بالسلامة وإن شاء الله مافيك إلا العافية

أم علاااوي
شخبارك وشخبار علاااوي؟؟إن شاء الله خف ألم السيم وانصحش تتنقعين في الملح بعد 25 يوم من الولادة يقولون أفضل تحملي في روحش وفي علاااوي

صبرك يا قلبي
شخبارك وشخبار علاااوي؟؟ طمنينا عليك شنو آخر أخبار السيم إن شاء الله بدا الجرح يلتأم؟

أم الميرز
شخبار ولدك؟؟ وشخبار البيبيات إن شاء الله كل شي تمام؟؟؟

شخباركم كرووووشات
أم حورية
أني الحمد لله زينه وحمود حدث ولا حرج ومبروك على الوظيفة وإجازة الولادة كأنها 60يوم أو70يوم ألحين لاتفكرين في الإجازة أهم شي صحتش وسلامتش والله يسهل عليش