سلاااااام
عذروني بس هاللايام مافي وقت ادش
علاوي ماشاء الله عليه ينام عدل يعني يخليني طول اليوم افرفش عشان اقدر ادخل
والله يومي ممل حده اقوم وياه الساعه 9 الصبح جنه عليه دوام وهو مو نايم الا 4 الفجر واجد عليه صراحه
وعلى مااسبحه وارضعه وانيمه وانظف واسوي الغدى واسبح الا رد قعد سوي رجع زوجي من الشغل
وطول اليوم زننن زننن زننن يعني لا ينام ولا يسكت هالشهر بوديه المستشفى بشوف شسالفته
وصادف تنظيف بيت ابوي لان امي وابوي مسافرين بيرجعون 3-8 رايحين شهرين عسل الخونه
والخياط لحين ماالتام وعاطيني موعد 15-9 يا حليلهم بكمل اربع شهور وهم يقولون خياط هالشهر بعد بروح عياده
بشوف شسالفه تعرفون دكتوره زينه حق هالسوالف؟؟

متباركين بالمولد اني شريت حق علاوي ثياب فنن وياهم جوتي بعد بس مابقدر اطلع فيه
مسكين بيصادف يوم تطعيمه مصخن وحالته حاله اي ناصفه بعد بعوض في ناصفه رمضان

ملاك زينه مافيها شي بس حمود مسكين ملتهبه اذونه واحتقان في البلاعيم ومغربلنها عشان جدي
مايمديها تشبك مسكينه ادعوا حق حموودي يصير زييين

انتوا شو اخر اخباركم

هلا ام حوريه
الحمدلله يشرب من صدر واحد والثاني احيانا كلش قليله يشرب منه
وشكله خلاص جف مافيه شئ وصار شكلهم يضحك واحد اصغر من الثاني
الحين حزبانه اذا كبر ويش الصرفه وياه بيشرب بس من احد الحين ويعور
شلون اذا كبر بعد شكلي بفطمه من وقت خخخخ

واكيد الي ينتخي بأهل البيت سلام الله عليهم ما يخيبونه
واذا لج رزق الله كاتبه تأخذينه لو بالسماء الحمدلله
وتستاهلين سلامة الغاليين مره ثانيه

والله يتمم لج على خير ويسهل عليج ياااااارب
وهذه اخر لج مره تتاخرين وماتدخلين

أحب التطريز
الله يعينج ويسهل عليج يارب
وتولدين وتقومين بالسلامه انتي والنونو
وتقر عينج فيه ويفرح فيه ابوه ان شاء الله
كم طاف من موعدج؟
وبعدين لا تنسدحين وايد كل ما تحركتين
زياده كل ما تسهل عليج احس من الراحه
صج ثقل وتعب وما تقدرين بس حاولي
وعلى قولتهم أمشي وايد ولو ان اني
مافادني المشي ولا شئ

صبرك ياقلبي
الله يعينج على الياهل و حنته وزنته
صج متعبين ما ينامون ولا يهداون
وكل يزنون يااااربي الله يعينا

وبعدين على سالفة الخياط ان شاء الله تصيرين
زينه ولاتحتاجين خياطه ثانيه لان صج مؤلمه
عمتي قلت لج انها مثلج وتوها الحين ملتئمه خياطتها
وهي من قبلج والده بشهر او اقل بشوي وتوى ملتئم
يعني لا تحاتين وخصوصا الي جذي يلتهب عليهم الخياط
ويقولون ما يصير يعيدونه اذا فيه التهاب
هذا حسب الي اسمعه منها
وخلي علاوي اليوم يفل روحه مسكين بالليل
علشان بكره يستعد للتطعيم والله يعين

وعن نفسي
وي على افادي ولدي
امس وديته المستشفى مريض خبركم الجو كسيف
مزكم و الغازات وايد زايده عليه والحمدلله عطوه قطور
وايد فاده للزكام و عطوه نقاط الى الغازات وايد ريحته
والحمدلله خلاني انام شوي ذبحني كم يوم مو نايمه

الله يجعلنا من خدام اهل البيت ومن انصار الامام القائم عج
ولاتنسونا من الدعاء

مرحبا

أحب التطريز
الله يسهل عليش وتقومين بالسلامة وتفرحين بشوفة البيبي بس لاتنسينا خبرينا إذا ولدتين

صبرك ياقلبي
الله يساعدك على السهر الجهال كله جدي ولا القهر إن الناس كله يقولون بس يطلع الجاهل من الاربعين يتعدل نومه يتعدل نومة طل أصلا كله مايكبر يدبر أصلا الجهال الخيريين انقرضوا أما جهال قبل كانوا يعطونهم ماي الغريب وكانوا ينامون لأنه قبل كانت فيه نسبة من الكحول وعقب منعوه في الصيدليات أما المتواجد الحين فهو خالي من الكحول ولا يأثر . شخباره عقب التطعيم إن شاء الله ما سخن الكل يقول إن التطعيم مال شهرين ما يمرض الجاهل أم بالنسبة للجرح الله لا يحوجك حق الخياط

أم علااااوي
شخبارك وشخبار علاااوي؟عموما يقولون بالنسبة للرضاعة لازم في صدر فيه حليب أكثر من الثاني أني أذكر إن اليسار كان فيه أكثر من اليمين اليمين كلش قليل يكاد ينعدم وفعلا شكل الصدر يصير مأساة واحد أكبر من الثاني لا تفطمينة وبلا عيارة تحملي

ملاااك
شخبار حمودي تمام ؟؟ ماخف عنه ألتهاب الأذون؟ داومي على القطور وبيخف إن شاء الله وماعليه شر

باقي البنات وينكم أكيد كلكم كنتون مشغولين بالناصفة الله يشغلكم بالخير ويجعل أيامكم كلها سعادة

سلااام

ام علاوي:
هلا خيووو شخبارش شمسويه؟؟
زين زين حصل ليه علاوي دوا استفاد عليه
الغازات بلوه الله يغربلها ان شاء الله
والخياط حسه التأم باقي شوي
بنت عم زوجي بعد جدي بس هذي ولدها كبير يعني قالت لي تمت 3 شهور والتأم
اني كملت شهرين الحين وان شاء الله خييير


ام حوريه:

هلا خيووو شخبارش
منو قال مايمرضون؟؟ اكو علاوي مصخن معور قلبي عدل
معنى اول مارجعت سييييده عطيته ادول وكل اربع ساعات اعطيه وسويت ليه كمادات
ونفس الشي مصخن
وماي الغريب قال لي زوجي ان صديقه قال له ان زين يخدر الجهال قاله زوجي اكيد فيه نسبه كحول
مستحيل يخدره وهو خالي من الكحول ومارضى اعطيه
ان شاء الله يارب ما احتاج الى خياطه ببركه دعائكم
انتي شخبار الحمل وياش؟؟؟

أم حور
هلا حبوبه شخبارش وشخبار النونوه
وايد ترافس شيطونه لو هادئه
اني ولدي من وهو في بطني شيطون
والحين الحمدلله مو مقصر فيني الله يهديه

اني عكسج خيه
ما يرضع ولدي الا من اليمين واليسار منسي
والحمدلله زين عرف يشرب منه واني عرفت
ارضعه من هالواحد الثاني كلش ما اعرف ليه
ولا هو بعد يعرف خخخخخ من جذي ما باقي شئ ويجف

اني اعطيه ماي الغريب بس على قولتج ما يأثر فيه ولا شئ
لا يخدره ولا ينومه لانه خالي من الكحول

صبرك ياقلبي
الحمدلله ان جرحج بدأ يلتئم وان شاء الله ما تحتاجين خياطه
ومثل ما قلت لج عن تجربة عمتي الحمدلله وعدت على خير

وي على افادي علاوي سخن الله يعينج عليه
اني احاتي هالابره حدددددي ما اقدر اشوف ولدي
مريض بعد ومسخن الله يعينا :(
شلون سويتين له كمادات بارده لو ساخنه؟
وعلى موقع الابره لو على الجبهه؟
يالله ان شاء الله ما تطول السخونه وتروح
الحين على الاقل تقدرين تطلعين فيه وانتي
مطمأنه عنده مناعه شوي

عن نفسي
الليله استمليت و طلعت رحت الماتم المولد
لمتى احكر روحي ما اقدر اكثر من جذي :)
27 يوم تقريبا محكوره ابغي اشم هوى شوي
وولدي مسكين متعبنه الزكام كريهه ما يقدر يشرب منه
لان ما يقدر يتنفس الله يعينه
وعلى السيم الحمدلله طاح السيم الخارجي بس الداخلي
ما ادري بس للحين في الم خصوصا لما ادخل الحمام
احس بضغط تحت وباقي الجرح ما ألتئم كامل باقي بعد
رغم ان السيم طاح بس التئم من فوق تقريبا كامل
بس باقي بعد أنج تقريبا مو ملتئم ما ادري ويش سالفته
بستمر على ميبو وبنشوف وين نوصل بس احس من ادخل
للحين مو مستوي خخخخخ لان يألم