شخباركم يالحلوين

أم علاااوي
شخبار علاااوي ؟أيام الاغتسالات أيام صعبة صراحة الجرح ما يمديه يجف من زود كثرة الاغتسال وأني بعد ما طلعت من الاربعين بخمسة أيام سيده جتني الدورة الصراحة انصدمت ما مداني أنسى الدم وبلاوي الدم يمكن لأني ما كنت أرضع زين من جديه بسرعة جتني عندي أخت ما تجيها الدورة إلا عقب الولادة بسبعة أشهر وأختي الكبيرة هالمرة ما جتها الدورة إلا عقب الولادة بسنة وشهرين يعني من جسم إلى جسم يفرق يقولون اللي تجيهم الدورة بسرعة هذا معناه أنه التبويض عندهم مرتفع وتمام

أم معاذ ونور
الله يرزقك بالذرية الصالحة داومي يوميا على هالآيتين ( ربي لا تذرني فردا وأنت خير الوارثين)والآيه الثانية(استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا) وكثري من الاستغفار ورب العالمين ما بيخيبك خصوصا وأن شهر رمضان الكريم على الأبواب

علامة تعجب
شخبار زهوور؟؟روحة السعودية يبغي ليها دوارة ومن مجمع إلى مجمع ومن مكان إلى مكان أني شفت على بنات أختي فساتين جدا بسيطين وناعمين وفي نفس الوقت راقيين في خطوبة عمهم مشترتنهم أختي من الحياة بلازا من محل إسمه على ما أعتقد الأميرات وأحيانا الهرم بلازا ينزلون فساتين حلوه ومجمع الظهران إذا فيه تخفيضات تحصلين فيه قطع حلوة وأني إن شاء الله بروح مذركير اللي في السعودية اللي يم الكورنيش تقول حماتي أسعارهم أرخص من البحرين

ورد البحرين
شخبارك وشخبار أطفالك؟؟ فعلا قعدة الوحدة في شقتعا أريح وأفضل خصوصا أن عندك ولد من قبل فيتعبك واجد ما يصير طول الوقت تراقبينه عشان لا يركب الدرج الله يخليهم لش ويعطيك الصحة والعافية إلا بسألك متى بيوظفونك؟؟؟

بالنسبة للي بديت أتسوق شوي حق الشغل فصلت بالطو واشتريت ليي كم شنطة وبالنسبة لتجهيزاتي حق بنوتتي بكرة بروح أسوي أوردر حق الفراشات عشان يمديهم يبرزون لا أتوهق حزة الحزة

مساء الخير كروشات


بنات انه بدخل الشهر الثامن وللحين ماجهزت شي انه رحت السعوديه وشفت ان ملابسهم حقت البيبي واااايد حلوين واسعارهم بعد حلوه ومناسبه فأنصحكم يابنوتات انكم تشترون من السعوديه

أم حوريه
هلا بالغاليه
اقول لج اني قبل 4 او 5 ايام كان موقف عليي وما ينزل
الا نادرا وكلش قليل يعني في اليوم مره يمكن والحين
يوم ما باقي شئ اخلص الاربعين الا قاعد ينزل مره ثانيه
امي تقول لي يمكن الدوره وانتين مفهيه واني اقول ما ادري
صج ما ادري شلون افرق بين اذا هو نفاس او دوره؟
امي تقول ان ما تجيها الدوره بعد النفاس الا ب7 اشهر
عماتي لا تجيهم الدوره مره وحده مع النفاس بالاخير او
بعد النفاس بس متواصل
والله يستر جان مو اخلص الي باقي لي من النفاس 6 ايام
واخلص وياخوفي انه ما يوقف او يقعد يسوي ليي حركات بعد
واحنا بشهر الله :(
بصراحه الغسل لوعت جبد ما توقعت جذي
خخخخخخخخخ

وعلاوي الحمدلله زين بس الزكام الله يغربله مغربلنه مسكين
والحين بكره بيكمل اسبوع والادويه لازم اوقفها ولا اشوفه خف
البارحه يقعد من النوم يصيح لانه ما يقدر يتنفس وينزل البلغم
في صدره ويقعد يلع ريقه بره يعور افادي

ورده007
الله يسهل عليج و تقومين بالسلامه انتي والبيبي
هذا او حمل لج ورده؟ وشخبار الثقل معاج
وشلون للحين ما خلصتين اغراضج الله يعينج
يالله تسوقي وشوفي لنا اذا في ثياب حلوين للعيد
الى البيبيات الجدد :)

قوه بنات
ام علاوي بنتي اسمها زهور بالنسبه الى الدم اني استمر ويايي ثلاث شهور ونص يوم ينزل ويوم لا وخبرش اني كنت والاده 23شعبان يعني جم يوم ودخل علينا شهر رمضان وابتدي ويا الغسل ساعات كبرى ساعات صغرى ساعات وسطى ويوم 28 من ولدت جتني غسالت الاربعين وتفرقين من حيث لون الدم وريحته وتحسن بحرارة الدم اذا نزل الله يعينش في شهر رمضان لازم اذا استحاضة كبرى او وسطى مايصير ياذن الا وانتين مغتسله اذا اذن وما اغتسلتين صار عليش يوم تدرين اني ديك السنه صار عليي 11يوم
هلا ام حواري والله رحت الهرم وطابا والحياة بلازا وما عجبني شي

علامة تعجب
اوهو عندج معلومات مهمه ومفيده للي مثلنا اول مره
سوري صج قلت لج ام زنوب وانتي ام زهور ماعليه من
كثركم خخخخخخخخخخخ

المهم شلون اقدر اميز بين دم الدوره والنفاس؟؟
وياعلي يعني شنو 3 اشهر نظل نفاس مدري ينزل دم
وهذه حالتنا نغتسل ونصلي وبعد الحين الصوم وياسلااام
واذا جتني الدوره يعني خلاص بيوقف دم النفاس يعني مو يمكن
اخلص الدوره والنفاس بعدها ينزل ؟؟

ويش هالبلوه استغفر الله
ردي عليي بسرعه وظروري الله يخليش
والي عنده خلفيه بعد لايبخل عليي الله يخليكم