هلا وغلا
شخباركم امهات ومربيات وحوامل
مبارك عليكم الشهر وعساكم من عوادة بصحه وسلامه
ام علااااااااوي
الله يكون في عونش سالفة الاستحاظه تلوع الجبد من قلب
خصوصا رمضان الوحده تتحير ان كان قبل صلاة بس هالحين صلاة وصوم بالنسبه للدوره فافضل انها جتش علشان يتنظف الرحم من بقايا الولاده اني للحين ماجتني السخيفه تنتظر رمضان علشان تهل بشايرها ياريت ماتجي الا ليلة العيد خخخخخخخخخ
بالنسبه لنومة علااااوي على جنب اني نور كانت جذي اول ايام لدرجة انها قرعت وشعرها يحت اشوفه في المخده غير شكل راسها اللي توه قاعد يعتدل فنصحوني بمخده خفيفه مجوفه وفعلا نفعتني وهذا شكلها

ان شاء الله تفيده
بالنسبه للخروج نور بعد نفس اللون كانه فيه كركم وريحته قويه ويلعوز الثياب ومايطير الا بالغصب والله المعين
ام حوريه
بنت ولا ولد كلهم نعمه والحمدلله بس الله يعينش على الحيرة في التجهيز وردي ولا ازرق عالعموم الله يعيطش اللي في خاطرش يارب ياكريم وبالنسبه للخيط كلش مايسوى مره نور لفيتها به ماقعدت من النوم الا تصرخ الا ملفوف في رقبتها وحرمت استخدامه شرعااااااا
احب التطريز
مبروك ماااااااااااجاكم وتتربى في عزكم شيخه البنات ويرزقكم برها
وباقي الامهات وينكم اكيد سهر طول الليل وقعده طول النهار والعيون مبققه خخخخخخخخ شروايي
تعذيب اجباري
سي يو

السلام عليكم..
مبارك عليكم الشهر
علامة تعجب:
اهلين خيو... والله اذا على الرجال تنتظرين تكملين اغراضش مااقول الا فلحتين.. خخخخخخخخخ وش انسوي فيهم كل يوم مشغولين وتطلع عندهم شغلة جديدة واحنا اللي ننصاد.. زني شوي عليه وافتكي قبل الزحمة ولوعتها.. (( اشوش))
والعمر كله ان شاءالله زين زين طلعتين انتين وام حورية اكبر مني.. اشوى عفر للحين اني صغيرة<<<<<<<<<<<<< بصدق روحي

ام حورية:
اهلين خيو.. ولا تشكين ولا تحتارين.. الالتراساوند هو الاضمن.. ودكتورة فهيمة واجد شاطرة واجهزتها واضحة..
وسالفة صوت دقات القلب في حملي بأولادي ثنينهم القابلة قالت لي من صوت دقات القلب بنت خخخخخخخخخخخخخ وشوفي بعينش..

ام علاوي:
اهلين خيو..
الله يساعدش على علاوي وان شاء الله مع الايام بيتعود وبتتعدل نومته وراسه..
ولون الخروج طبيعي.. لأنه من قبل صاد ولدي نفس الشي وسألت دكتورة اطفال وقالت لي انه عادي ودام انش ترضعين يمكن من الاكل اللي تاكلينه يأثر على اللون..

احب التطريز:
مبروك ما جاكم وتتربى بعزكم الوردة الصغنونة..
اشرايش في الولادة كشخة؟؟

جافالف:
هلا وغلا بالغالية.. نورتي التجمع وينش من زمان؟؟
وشخبار الجهال ان شاءالله زينين..؟؟

باقي البنات وينهم صبرك يا قلبي وياسمين.. طمنونا عليكم..

شخباركم ويا الشهر الكريم والعبادة؟؟ وشخباركم ويا الطباخ؟؟

جافا لوف
هلا أختي شخبارك وشخبار الجهال؟؟ أكيد خيوه اللي يجي من الله حياه الله اللهم لا أعتراض صبي وإلا بنية كله واحد بس كوني فقدت بنيه خاطري في بنت عدل.وبالنسبة للتقميط بالخيط أني إن شاء الله إذا ولدت بخلي بنتي عند عمتي تجودها فلازم بتقمطها بخيط

ورد البحرين
شخبارك؟ وشخبار الجهال؟ يعني أني عجوز واجد يالله ماعليه شيبنا والعوين الله.يعني خلاص أعتمد أكمل تسوقي وردي وبنفسجي أني فصلت فراش وردي وواحد جاهز أشتريته لون محايد

أم علاااوي
شخبارك وشخبار علاااوي؟؟ لا تصيرين دقيقة واجد ولا تحطين بالش على كل شي ترى بتتعبين أحسش مثلي واجد دقيقة ملاحظة حتى الخروج تحطين بالش عليه مثل ما قالت لش ورد لأنش ترضعين طبيعي من جدي يتغير لون الخروج بتغير أكلش

اشوف هلى هلال رمضان وهلت الخيرات حتى بالمنتدى
هههههههههههههههههههاي يعني منورين الحوامل والامهات
شخباركم وي الجوع صامدون ان شاء الله :)

علامة تعجب
لاحبيبتي عادي افا عليج حياج نتعرف عليج
واذا ما شالتج الارض تشيلج عيوني يالغاليه
الحين اني بسألج من وين بستره انتي؟؟

جافا لوف
هلا وغلا شخبارج مع السهر الله يعين
ان شاء الله انتظم نوم الصغنونه؟
ادعي ليي ان شاء الله يوقف هالبلوه
اشوف الحين من اغتسلت الوضع بالسليم
وان شاء الله خلاص وارتاح من سالفة الغسل
خصوصا بشهر الله كلش صعب لو تروح عليج
نومه الفجر تروحين فيها فاطره وكفاره مشكله

وعلى سالفة المخده اني عندي على شكل U
بس ولدي يعفس الدنيا اذا اخليها ليه ويقعد يمصها
لان فيها دبدوبين على جنب مدري يخرعونه ويصيح
لو شنو السالفه المهم انه ما حبها ولايرتاح منها ولاينام
ناقصه جنون زين ينام لي 10 دقائق يخليني اريح فيها من صياحه
وعلى قولتج اني الاحظ هالايام في شعر وايد على فراشه
يؤ جان مو يقرع ولدي بس الحمدلله شكل راسه طبيعي بس أذونه
وناس تقول لي انها تعتدل على قولت امي لو بتظل جذي جان احنا
اولادها كلنا تخفست اذاينا ان شاء الله صدق ترجع طبيعيه ولا يفوتكم
الحين اذونه الثانيه بعد بدأت تتخفس شوي لاني قمت اغير له نومته
كل بين فتره على جهه وعلى الورى

واخاف استخدم المخده U واذا يرجع يستفرغ يعني يفطس في استفراغه
خصوصا انه هالايام وايد يستفرغ و ومن غير المخده وهو يفطس ومدري شلون
يصير يفاغص وحتى عيونه تطلع

وعلى الخروج اني الي خوفني يوم سويت بحث عنه طلع ان بسبب نزله معويه
وها الي خوفني بس الحين اشوف قل يوم جذي ويوم جذي وما يلحق يوسخ الثياب
لان من يخرج على طول اغير له كلش ما اخليه يطول لدرجه ان يقولون لي خليه يكمل
واستهلك حفاظات شكثر وبعد صايدنه حرار بمنطقة الخروج مدري من شنو

ياعلي فتحتين لي موضوع وابغي اتنفس فيه بس
يالله تحمليني شوي شسوي احس روحي تعبانه من هالسالفه

ورد البحرين
هلا حبوبه
شخبارج مع البيبي اليديد
وشلون وضعج اليديد وان شاء الله
مسيطره على الوضع وشلون غيرة الاخوان؟

ام حوريه
شخبارج خيه
شخبار استعداداتج الى الدوام والولاده خخخخ
الله يعينج تبغين تداومين بسرعه؟؟ لانها اول تجربه

وعلى سالفة دقيقه الكل يقول لي لاتصيرين دقيقه
وكل تحاتين وتحطين بالج على اشياء ماله داعي بتتعبين
لان مشوارج طوووووويل واني غصب عني شسوي هذا
طبعي مو بس دقيقه الا اطحن على الشئ واخاف وما
بيربح الساعي وبيطور من عيادته الا على ايدي
هههههههههههههههه
امي تقول لي لوع الله جبدج حتى الحفاظه تعسعسين فيها
المشكله ما اقدر اقول ليها ماشفتين شكثر تعبت عليه لان
كل شئ جافته حتى واني اولد مو فاصل بينا الا ستاره يعني
سمعت وشافت كل معاناتي

ياعلي ما اقدر اتذكر الله يساعدكم ياحوامل على الولاده ويسهل عليكم يارب

اليوم فيني طاقه وايد هذرة ولو ان المفروض اني تعبانه لاني توني راجعه
من التسوق الى شهر الله :) يعني دايخه ومو نايمه كلششششششش
من امس مو مخليني علااوي انام
يالله دعواتكم

هلا وغلا
ورد البحرين ...
الحمدلله الجهال زينين بس خبرش شهر الله وتجهيزاته وطباخ ونفاخ خخخخخخ
ام حوريه ...
الله يعطيش البنوته اللي تفرح قلبش يااااااااااااارب
ام علااااااااوي ...
اني بعد ما امهل على نور بالحفاظه بس من تخرج يتلعوزون ثيابها لانه خروجها صاير مثل الماااي والله يساعدنا
سي يو