كوبونات الراقية تسجيل الدخول

مــــلآكــ
مــــلآكــ •
قطوة*صغنونة قطوة*صغنونة :
السلام عليكم خواتي انا من البحرين وحامل لثاني مرة والحمدالله بس ودي اعرف منكم اماكن حلوة حق تجهيزات يعني مثلا وين بالضبط محل الرياحين اللي تتكلمون عنه ومحل احلى الاطفال ؟؟ اذا ممكن تقولون لي وين بالضبط او ارقام تليفوناتهم واي محل ثاني يفيدني غير مذركير وسنتر بوينت وسديم ؟ :) بليز ياكروشاات انا انتظر ردكم بفارغ الصبر
السلام عليكم خواتي انا من البحرين وحامل لثاني مرة والحمدالله بس ودي اعرف منكم اماكن حلوة حق...
هلا حبوبهـ

شخبارج اليووم؟؟

وبالنسبه للمحلات عندج الريااحين الصغار صاير في منطقة الديه

اول ماتدخلين الديه امشي كل سيدا وبيكون على ايدج اليسار

اتمنى فهمتي علي لان ماعرف اوصف واذا مافهمتي بنخلي وحده من الكروشات تشرح احسن مني :35:

ومحل احلى الاطفال صاير في سوق واقف عند محل البزازة

وفيه محل اسمه النجم الجميل انا لحين مارحت له بس شفت شغله وايد حلوو ومرتب

ويقولون ان صاير في بوري ورا مستشفى الامل

ومحل اشراقة رضيع في المنامه يمدحون فيه بس ما ادله بالظبه اي صووب الي تعرف اتمنى تدلنا :35:

و بــس اذا عرفت اماكن بعد بكتبهم
مــــلآكــ
مــــلآكــ •
أم_صباح أم_صباح :
هلا ملاك حبيبتي انا الحمدالله بخير وحبيت اقولك ان التهاب اختفى والحمدالله والحين احس بثقل والشد العضلي زاد علي وخاصة في الليل ولا وصرت قبل لا انام اتخيل ان راح اولد اليوم لانه تجينيني الالام مثل الالام الدورة واتخف لين ارتحت وان شاءالله يارب اوصل للتاسع واولد بالسلامة انتي شخبارج وشخبار الحمال معاك؟
هلا ملاك حبيبتي انا الحمدالله بخير وحبيت اقولك ان التهاب اختفى والحمدالله والحين احس بثقل والشد...
ان شاء الله دووم يالغاليه

والحمدلله ان راح الالتهاب عنج وتحملي بروحج عدل الحين ترى ماباقي شي

و الله يسهل عليج حبيبتي وتقوومين بالسلامهـ :35:

وانا الحمدلله بخير وبديت احس بالثقل حتى احيانا ماقدر امشي وايد

من امشي مسافة احس بشي ثقيل:44:
هديل البحرين
هديل البحرين •
مرحبا حبيباتي..
أبشركم ولدت بالسلامة تاريخ 8-2-2010 الساعة 7 و22 دقيقة وجبت "محمد" الله يخليه لنا بالسلامة..

بدت علي اعراض الطلق من يوم السبت الصبح.. كنت رايحة الحمام وانتو بكرامة الصبح ورجعت بنام بس كانت عندي مثل الام الدورة في اسفل البطن بس خفيفة.. وظلت تروح وتجي بس عادي يعني مو مؤلمة.. وبالظهر وقفت ورحت بيت جدي عادي..

وبالمغرب (ليلة الاحد) ردت علي وكانت اقوى شوي.. ولما جيت بنام ما قدرت كانت تروح وتجي كل حوالي 7 دقايق ويمكن بعد 5 كل 5 دقايق.. وظليت على الحال وما قمت من الفراش لحد 1 الظهر..(زوجي راح الدوام) يعني ما نمت كلش لان ابي انام بس ترجع علي الالام.. وكانت بالبطن بس .. يعني ظهري كلش ما حسيت بشي.. بس كان عندي ترجيع.. رحعت حوالي 3 مرات مع انتي ما اكلت شي ولوعة بعد..

والظهر اتصلت فيني امي وخبرتها.. قالت يمكن ريح استقبال,. بس متكررة واجد عندش.. وطبعا مع كل هذا اني مستبعدة اني بولد لان موعدي 10-2 والثاني 19-2 .. آخر شي كنت اتوقعه اني بسبّق .. الحمدلله رب العالمين..

وقمت غسلت الثياب وشوي نظفت بس ما يمديني لان كلحين يرجع الالم,,

والعصر بعد اتصلت امي وتالي جت لي المغرب لان تحاتيني واجد.. وقالت خلنا نوديش المستشفى يمكن يحطون عليش سيلان بتتعبين واجد لان.. قال زوجي لا خلنا نخبر امي قبل ونشوف.. وجت لي عمتي ومرختني وقالت لي شكلش الحين منفتحة 1 سانتي.. توها الناس عالمستشفى ولو علي ما وديتش يلعبون فيش بس خايفة عليش من الترجيع بعد.. وما تدرين يمكن هاي الام ولادة .. وتالي بخروني ببّن (قهوة مطحونة) وماي وزعفران.. وتوكلنا على الله واخذت شنطتي وبالسيارة شربت كف مريم منقوع بماي ..

وثلنا المستشفى حوالي 8 ورحنا طواريء الحوامل و حطوا علي التخطيط واني مو قادرة انام على ظهري.. وفالوا لازم تاكلين جان يطلع التخطيط عدل.. وركبوا علي سيلان.. بس قالوا لي هاي مو الام طلق يمكن ماكلة شي !! قلت لهم شنو عجل هاي الام اسفل البطن وتتكرر بانتظام مستحيل من معدتي يعني.. لان كان الالم يدوم يمكن 10 ثواني بس >> طلق الولد حار وعلى بعض..

وجيكوا علي قالوا بعد 1 سانتي بس.. تالي دشيت عالدكتورة وجيكت وقالت 2 سانتي هاي فعلا الام طلق.. وقالت بعد ان حجم بطني صغير,,

بعدين رجعوني وخلوني حوالي 4 ساعات جان يزيد الطلق واتوسع اكثر.. وظليت جذي واني احاتي النومة بس ههههه .. حدي كنت مخدرة وابغي انام ومعصبة ان الالم مو مخلني انام.. وكنت مو متوقعة ان بولد بنفس اليوم او يوم ثاني بعد.

بعدين جوا وجيكوا وحطوا التخطيط بعد.. ووصلت 3 سانتي وربع على قولتهم.. وشوي ولبسوني ثيابهم وودوني فوق.. واحنا رايحين فوق جناح الولادة قالوا الى الدكتورة اني وصلتا 6 سانتي >> كانوا يشلخون على امي وعمتي خخخ

وصرت فوق وخلوني شوي وقاموا يسولفون الممرضات وجه دكتور يسأل .. ودخلت علي امي وتالي زوجي.. اذكر بس انه سألهم كم يانتي وصلت وقالوا له 9 .. ارتحت اني ساعتها..

وكأن شقوا شي او بطوا الكيس لان اشوف شي نزل بس اني ما حسيت لهم الصراحة .. وتالي حسيت اني ابغيّ اطلّع شي مني.. قالوا لي تبين تعصرين؟؟ يلا عصري.. عاد اني اعصر واني اصارخ شوي .. وخايفة وانتو بكرامة اني اطلّع شي غير البيبي خخخخخ.. لان التعصير صدق كأنه عملية الاخراج.. والدكتورة تقول لي اخذي نفس وعصري اكثر اكو الجاهل بيطلع.. الحين هو لا داخل ولا برا يلا عصري.. وما حسيت الا وشي طلع مني وتالي شالوه حطوا بالسرير ماله وقام يصيح.. وكان ابيييييض ما شاء الله وصغيرون.. وسمعتهم يقولون بيبي بوي.. وحطوه تالي على صدري

وزنه كيلوين ونص .. الحمدلله.. ويجنن الصلاة على النبي.. ردت روحي يوم شفته وصرت كله ابتسم للنرسات واقول لهم ثانكيو هههههههه.

تالي قلت لهم طلعتون المشيمة قالوا لا.. والنرس طلعتها بيدها اظن.. ما شفتها لكن.. وتالي بقى الخياط.. اول ما بدت تخيط ما حسيت زبن بس حسيت ببعض الغرزات بس كان ما يهمني شي..

وتالي نزلوني جناح النفاس واني دااااااااااايخة وكان الكل حوالي اهلي واهل زوجي .. وجابوه لي بعد يبون ارضعه.. عصرت الممرضة صدري عاد فشلة ابوي واخوي الصغير موجودين غير النسوان يعني..

وزوجي بالغصب حصل لي غرفة خاصة الحمدلله وودوني هناك..

للحديث بقية ان شالله مرة ثانية..
عقبالكم حبيباتي..
هديل البحرين
هديل البحرين •
هلا حبوبات.. بقول لكم تجربتي بالنسبة لمستشفى السلمانية.:

الحمدلله ما لقيت اي صعوبة وارتحت معاهم.. صح اهلي تضايقوا لما يطردونهم كلحين في قسم الطواريء واني وياي الطلق.. بس بصراحة حسيت ان احسن واريح اصلا.. يعني ما له داعي ان طول الوقت يكونون معاج (وانا كانوا معاي 5 امي وعمتي واختي وحماتي وزوجة حماي) يعني اكيد بيطردونهم خخخخ..

واني حجزت غرفة خاصة بو 40 دينار (الغرفة بالتأمين 200 وتالي رجعوا على زوجي يعني 160).. الغرفة زينة والحمام نظيف.. فيها كرسي بو نفرين كبير واثنين بو نفر.. وكرسي بلاستيك عادي.. والسرير اعدل وضعه الكترونيا مو يدوي.. وفيها تلفزيون.. والزين انها شرحة كانت..
الاكل اختارة يا زعم عربي او اوربي خخخخ اخترت اوربي.. ويوم الثاني الصبح جابوا لي شاي حليب.. الاكل لا بأس فيه اني ما اتحمق بس طبعا بارد من جذي ما اكلت زين..

الجاهل هم سبحوه بالماي بس طبعا.. كان فيه بقايا وصخ في شعره بس قلت بنسبحه عدل اذا رجعنا البيت لان خبركم الجو بارد واخاف يلفحه هوا..

وعطوني كوتكس.. الكوتكس مالهم شاش مثل ما قلتون.. استخدمته لان قلت يمكن الشاش احسن للخياط.. وكنت احط 2 كفاية >> ما عندي نزيف واجد..

وعطوني بعد كم حفاضة للجاهل.. وفيتامينات وحديد لي.. ومسحة طبية لسر الجاهل.. وجت وحدة تسوي استبيان وتتكلم عن الرضاعة الطبيعية.. ومرتين جوا لي يجيكون وينظفون الخياط (يستخدمون سافلون)..

الجاهل خلوه عندي بالليل وقعد الساعة وحدة ونص.. رضعته وما نام ظل يصيح فناديتهم ياخذونه.. وتالي جابوه لي الصبح يمكن 8 ..

وطبعا سووا الفحوصات للجاهل كامل واخذوا منه دم اظن من ايده (يكسر الخاطر جابوه لي وقطنه على يده وفخذه)..

توقعت الظهر يرخصوني بس الريبورت مال الجاهل ما طلع واني ليي ابرة .. ظليت الى حوالي 6 المغرب >> بس ما حسبوا لي غير مال يوم واحد..

وقبل ما امشي عطوني اوراق .. وحدة منهم اخطار بالمولود (لشهادة الميلاد) ووحدة حق احجز موعد لفحص بعد الولادة في مركزي.. ووحدة حق مواعيد التطعيم للجاهل.. ورجعوا علي بطاقة الحمل..

المرة الجاية بخبركم عن المشتريات والي انصحكم فيه او لا..
أم_صباح
أم_صباح •
الف مبروك حبيبتي
والحمدالله على سلامتك وسلامه المولود الجديد ويجعله من الذرية الصالحة ان شاءالله
والفال لنا يارب