الف مبروك ام عواس.. يتربى في عزكم حمودي..
ام صباح.. شكلك تعقدتين من الولادة.. الله يساعدش, المفروض المستشفى يعطونش موعد حق الولادة لأنه خلاص ما عندك امل انك تولدين طبيعي؟!!
يعني اكيد بيولدونش على الاسبوع 38.. حفظتهم..
ملاك.. اني الحمدلله زينة, وانتين شخبارش وشخبار الحمل وياش؟ اكيد مستانسة ويا حركة البيبي كلما ما ليها تزيد وتحلو,, خلش غافلة شوي الايام الجاية بتخبي ليش حاجات.. ما قلتين لينا حامل ببنت ولا ولد؟؟ ولا مفاجأة ؟
الشباحات حبوبة لازم بتحتاجينهم في المستشفى, بس لبسي البيبي من عمر 0-3 ما يضر لو كانوا شوي كبار عليه.. اني نيوبورن ما بشتري كلش هالمرة, حدي ضعيفة لكن اولادي شكلهم متان خخخخخخخخخخخخخخ.. البانيو الصراحة ما اقتنعت باللي قالوا لي انه غير مفيد.. واشتريت واحد, وبعد الولادة ما عرفت الصراحة استخدمه, وكنت استانس لما امعمص حمود بين ايديني, وفي الاخير استخدمت البانيو حق تنشير الثياب (( مو تضحكون عليي.. احسن من اني افلته)).. في نوع الكرسي وفي فتحات تحطينه على المغسلة مالت الحمام ووتحطين فيه البيبي وبسهولة تسبحينه, هذا احسن حماتي كانوا مشتريين منه واستفادوا, وتحصلينه في زاوية الانوار في الطابق الثاني اعتقد في حدود خمسة او ستة دنانير.. ذيك المرة بعد سألتين عن الجلابيات.. ونسيت ارد عليش.. اني ما احب الجلابيات ومنظري يضحك واني لابستنهم اشتريت ثلاث حق المستشفى وكمهم طويل.. واشتريت ليي ثياب عشان اكشخ حق بعد الولادة, وبعد اشتريت دشاديش حق البيت وبعد صداري رضاعة.. النتيجة الجلابيات ثلاثة كلهم لبستهم بس مرة وحدة ورميتهم في الكبت.. الصداري ما ارتحت ليهم ورجعت للعادين اللي استخدمهم (( اسفنج ومطرزين وحديد لزوم الكشخة)) والدشاديش يمكن اسبوع بس اللي لبستهم وبعدين ما قدرت قمت اكشخ واتعدل.. لا تاخذين وياش اشياء ضاغطة على البطن في المستشفى لأنه بتأثر على الرحم وبيصيدش هبوط لا سمح الله.. صيري مثلي هافات طويلة للبطن وحجمهم زين عشان الدبة ما تتدلدل, وخلال فترة بسيطة بيرجع بطنش بدون شد.. (( خسارة لو ما كنت حامل جان راويتش شلون رجعت محد يصدق اني حملت وولدت))..
يعني المختصر الثياب اشتري الحاجات اللي انتين تلبسينها في الايام العادية واللي ترتاحين عليها لأن باقي الشغلات بتتضايقين منها وبترمينها.. ما عليش من احد اهم شي راحتش..
واجد اسولف كالعادة..
سامحوني وانشوفكم على خير..
الف مبروك ام عواس.. يتربى في عزكم حمودي..
ام صباح.. شكلك تعقدتين من الولادة.. الله يساعدش,...
ام صباح.. شكلك تعقدتين من الولادة.. الله يساعدش, المفروض المستشفى يعطونش موعد حق الولادة لأنه خلاص ما عندك امل انك تولدين طبيعي؟!!
يعني اكيد بيولدونش على الاسبوع 38.. حفظتهم..
ملاك.. اني الحمدلله زينة, وانتين شخبارش وشخبار الحمل وياش؟ اكيد مستانسة ويا حركة البيبي كلما ما ليها تزيد وتحلو,, خلش غافلة شوي الايام الجاية بتخبي ليش حاجات.. ما قلتين لينا حامل ببنت ولا ولد؟؟ ولا مفاجأة ؟
الشباحات حبوبة لازم بتحتاجينهم في المستشفى, بس لبسي البيبي من عمر 0-3 ما يضر لو كانوا شوي كبار عليه.. اني نيوبورن ما بشتري كلش هالمرة, حدي ضعيفة لكن اولادي شكلهم متان خخخخخخخخخخخخخخ.. البانيو الصراحة ما اقتنعت باللي قالوا لي انه غير مفيد.. واشتريت واحد, وبعد الولادة ما عرفت الصراحة استخدمه, وكنت استانس لما امعمص حمود بين ايديني, وفي الاخير استخدمت البانيو حق تنشير الثياب (( مو تضحكون عليي.. احسن من اني افلته)).. في نوع الكرسي وفي فتحات تحطينه على المغسلة مالت الحمام ووتحطين فيه البيبي وبسهولة تسبحينه, هذا احسن حماتي كانوا مشتريين منه واستفادوا, وتحصلينه في زاوية الانوار في الطابق الثاني اعتقد في حدود خمسة او ستة دنانير.. ذيك المرة بعد سألتين عن الجلابيات.. ونسيت ارد عليش.. اني ما احب الجلابيات ومنظري يضحك واني لابستنهم اشتريت ثلاث حق المستشفى وكمهم طويل.. واشتريت ليي ثياب عشان اكشخ حق بعد الولادة, وبعد اشتريت دشاديش حق البيت وبعد صداري رضاعة.. النتيجة الجلابيات ثلاثة كلهم لبستهم بس مرة وحدة ورميتهم في الكبت.. الصداري ما ارتحت ليهم ورجعت للعادين اللي استخدمهم (( اسفنج ومطرزين وحديد لزوم الكشخة)) والدشاديش يمكن اسبوع بس اللي لبستهم وبعدين ما قدرت قمت اكشخ واتعدل.. لا تاخذين وياش اشياء ضاغطة على البطن في المستشفى لأنه بتأثر على الرحم وبيصيدش هبوط لا سمح الله.. صيري مثلي هافات طويلة للبطن وحجمهم زين عشان الدبة ما تتدلدل, وخلال فترة بسيطة بيرجع بطنش بدون شد.. (( خسارة لو ما كنت حامل جان راويتش شلون رجعت محد يصدق اني حملت وولدت))..
يعني المختصر الثياب اشتري الحاجات اللي انتين تلبسينها في الايام العادية واللي ترتاحين عليها لأن باقي الشغلات بتتضايقين منها وبترمينها.. ما عليش من احد اهم شي راحتش..
واجد اسولف كالعادة..
سامحوني وانشوفكم على خير..