&& ورد البحرين&& :

صباح النور.. شخباركم بنات؟؟ وشخبارش ملآكـ ان شاءالله تكونين بخير والنونو بخير.. شكلها ام صباح ولدت ماليها لا حس ولا خبر... امس كان عندي موعد بالمستشفى عشان اتطمن على البيبي, ومو بس جذي اول البارحة ولدي سوى جريمة في روحه طاح على الكرسي وتنفخت عيونه وكلش قلبي عورني عليه, والحمدلله جات سلمية وما صاده شي بس نفخ خارجي.. نصيحة لا تروحين محلات جدعلي اغلبهم اسعارهم فوق, والفلين كلش ما يسوى وتالي ما بتحتفظين فيه.. يعني خسارة بيزات على الفاضي.. الرفاع عندهم واجد محلات واسعارهم متفاوتة في الغالي وفي الرخيص اذا دخلتين الدواعيس, قلت لش روشان كل مرة بتروحين له بتشوفين عنده توزيعات غير شكل وكل شغلات التزيين موجودة عنده لو حبيتين تشترين وتسوينهم بروحش.. توزيعات الصابون والبودر مال جونسون ماادري ليش ما حبيتهم, احس كأنه عازمين احد على الحمام!! وحطي في بالش انش مو بس بتشترين توزيعات, لازم بعد شوكلاتة بروحها ومعجنات او كيك حق التقديم.. الحين موضة.. خلني اتاكد من جنس البيبي عشان ابتدي اجهز في التوزيعات على الاقل.. الباقي يهون.. واكيد بخبرش ان شاءالله عن المحلات اللي عندهم اسعار وشغلات حلوة.. بس لا تستعجلين..

صباح النور.. شخباركم بنات؟؟ وشخبارش ملآكـ ان شاءالله تكونين بخير والنونو بخير.. شكلها ام صباح...