هلا وينكم يا جماعة الخيررر
شفيهم الكروشات محد له حس ولا خبر
الله يعينهم لان صج تعببببببببببب
مدري شلون بنفكر نحمل مره ثانيه :(
على كثر الوناسه الا ان التعب ماخذ مننا ماخذ

الله يعينج ملوووووك انا بعد كل ما تقدمت بالاشهر يزيد عليا التعب
وحالي من حالج للحين ما كملت اغراضي ومن اروح السوق شوي
و ادوووووووخ و ما اقدر امشي وايد

صج تعالي سويتي لج طقم في بيبي بورن والا للحين
وشنو اخترتي الى الطقم يعني شنو القطع الي بتسوينها
انا للحين ادور سله علشاان اخلي فيها اغراض البيبي
مثل المرقدوش وماي الحلوه وغيره بس احصلها
بوديهم يسوي لي اياهم كامل

كروشااااااااات وينكم لا تقطهوووووون ترى ولهنا عليكم

اهلين كروشات..

شخباركم وشخبار الحمل وياكم؟؟

اني هالأيام بالضبط مشيتي مشية البطة, كل اللي يشوفوني يقولون لي وش فيش ما تمشين عدل, استغفرالله تعوقت.. حملي الاولي واجد كنت خفيفة شكله اثر الحمل الثاني وتربية البيبي زادوا الثقل..

ملاك:
الله يسهل عليش.. استغربت احساسش بالثقل توش بكر وتوش بالسابع الله يعينش على التاسع اكره شهر.. طويل ومتعب وحركة البيبي تألم..

ام علاوي:
شخبار الحمل وياش..؟؟ حبوبة ما شفتين شي, اذا من الحين تفكرين شلون بتفكرين تحملين مرة ثانية.. فصبري يوم الولادة واللي عندي يهون مقابل ايام السهر والتربية.. تحسين روحش بتموتين تطالعين السرير بحسرة..
من الحين كلما دخلت حجرة النوم اكتب رسايل لسريري الغالي بتوحشني وماادري شلون بنام وعندي اثنين الله كريم..

كأنه توه الناس عشان تبرزون المرقدوش وهالسوالف؟!! ايام ولدي اشتريتهم اخر الوقت عشان يكونون فرش, وما احس استفدت منهم واجد.. هالمرة ما بعور راسي باخذ دواء الغازات من الصيدلية احسن شي لي وللبيبي.. بسرعة اثره وبسرعة ينامون وترتاحون..
الشهر الجاي ان شاءالله بتشرى اغراض النونو ومرة وحدة بشتري لولدي ثياب كشخة ما يصير واحد احسن من واحد.. خلف جبدي الصبيان..

يالله بنوتات نشوفكم على خير..

آآآي حبووبه سوويت طقم من بيبي بورن

مفرش+شنطه+بساط+قماط

وحتى سلة موسى سوويتها من عندهم بس باقي عليهم شهر على مايجهزون

لان عليه ظغط

السلاام عليكم كرووشاات البحرين

شخباركم اليووم؟؟

مختفين كلش!! والتجمع صآآآير ناااايم يالله عاااد تحركوو شوووي

اهلين بنات شخباركم؟؟

شكلكم كلكم مشغولين, ياليت لو في تفاعل اكثر..

عندي سؤال: اللي راحوا النجم الجميل وبيبي بورن اي واحد احسن واحلى؟
شفت ذاك اليوم في المدينة صوب فخر البحرين محل اسمه فرحة ام بس للأسف كانوا بيصكون ما قدرت ادخله, شفت صور لاسرة بيبي في منتدى مركز البحرين التجاري من عندهم وكانوا حلوين.. اذا في احد راحه يقول شلون الاسعار؟؟